Bruă Phung Khua Ƀĭng Kna 18:12 - Klei Aê Diê Blŭ 2015

¹² Hlăk Y-Galiôn jing khua čar Akai, phung Yuđa sa ai bi kdơ̆ng hŏng Y-Pôl leh anăn atăt ba ñu kơ sang phat kđi,

Bruă Phung Khua Ƀĭng Kna 18:12 Iomraidhean Croise

Y-Mathiơ 27:19

Êjai ñu dôk phat kđi, mô̆ ñu tiŏ nao arăng lač kơ ñu, “Đăm ngă kơ mnuih kpă anăn ôh, kyuadah kâo mâo lu klei rŭng răng hruê anei kyua gơ̆ hlăm klei kâo êpei.”

Y-Yôhan 19:13

Tơdah Aê Pilat hmư̆ klei blŭ anăn, ñu atăt ba Yêsu ti tač leh anăn dôk gŭ ti jhưng phat kđi ti anôk arăng pia wăl tač Boh Tâo, leh anăn hlăm klei Hêbrơ arăng pia Gabatha.

Bruă Phung Khua Ƀĭng Kna 13:12

Ƀuh klei truh anăn, khua čar đăo kyuadah gơ̆ bi kngăr kơ klei mtô djŏ kơ Khua Yang.

Bruă Phung Khua Ƀĭng Kna 13:50

Ƀiădah phung Yuđa mtrŭt phung mniê tue arăng mpŭ thâo kkuh mpŭ kơ Aê Diê, leh anăn phung khua kiă kriê ƀuôn anăn, mčhur phung anei ngă jhat kơ Y-Pôl leh anăn Y-Barnabas, leh anăn suôt digơ̆ mơ̆ng čar diñu.

Bruă Phung Khua Ƀĭng Kna 13:7

Ñu dôk mbĭt hŏng khua čar, anăn gơ̆ Y-Serjus-Pôlus, sa čô êkei thâo mĭn. Gơ̆ brei arăng iêô Y-Barnabas leh anăn Y-Sôl kyuadah gơ̆ duah čiăng hmư̆ klei Aê Diê blŭ.

Bruă Phung Khua Ƀĭng Kna 13:8

Ƀiădah Y-Êlimas, mnuih mdian (snăn klei mblang kơ anăn ñu), bi kdơ̆ng hŏng diñu, čiăng ghă khua čar anăn đăo.

Bruă Phung Khua Ƀĭng Kna 14:19

Hlăk anăn mâo phung Yuđa hriê mơ̆ng ƀuôn Antiôs leh anăn ƀuôn Ikôni. Diñu mă ai tiê phung ƀuôn sang, leh anăn diñu bhĭr boh tâo kơ Y-Pôl leh anăn đoh ba gơ̆ ti êngao ƀuôn, mĭndah Y-Pôl djiê leh.

Bruă Phung Khua Ƀĭng Kna 14:2

Ƀiădah phung Yuđa amâo đăo ôh mčhur phung tue brei digơ̆ ăl kơ phung ayŏng adei.

Bruă Phung Khua Ƀĭng Kna 17:13

Ƀiădah tơdah phung Yuđa ti ƀuôn Têsalônik thâo kơ Y-Pôl mtô klei Aê Diê blŭ ti ƀuôn Ƀêrê msĕ mơh, diñu nao tinăn mơh, čiăng mtrŭt phung lu ngă klei rŭng răng.

Bruă Phung Khua Ƀĭng Kna 17:5

Ƀiădah phung Yuđa nač, mă đa đa mnuih ƀai dôk hlăm êlan dơ̆ng. Diñu bi kƀĭn lu mnuih, bi rŭng ƀuôn, leh anăn nao ngă kơ sang Y-Jasôn duah Y-Pôl leh anăn Y-Silas, čiăng mă ba digơ̆ ti tač kơ phung ƀuôn sang.

Bruă Phung Khua Ƀĭng Kna 18:11

Y-Pôl dôk ti anăn sa thŭn mkrah mtô klei Aê Diê blŭ kơ digơ̆.

Bruă Phung Khua Ƀĭng Kna 18:27

Tơdah Y-Apôlôs čiăng nao kơ čar Akai, phung ayŏng adei đăo đru ñu hŏng klei čih hră kơ phung ƀĭng kna čar anăn brei jum ñu. Tơdah ñu truh leh, ñu đru lu snăk phung đăo leh kyua klei Aê Diê pap,

Bruă Phung Khua Ƀĭng Kna 19:21

Êdei kơ klei anăn Y-Pôl mâo klei mtrŭt čiăng găn čar Masêdôn leh anăn čar Akai nao kơ ƀuôn Yêrusalem. Ñu lač, “Leh kâo nao tinăn, kâo čiăng ƀuh ƀuôn Rôm msĕ mơh.”

Bruă Phung Khua Ƀĭng Kna 25:10

Ƀiădah Y-Pôl lač, “Kâo akâo dôk dơ̆ng ti anăp anôk Sêsar phat kđi. Tinăn yơh jing djŏ arăng phat kđi kâo. Kâo amâo tuôm soh hŏng phung Yuđa ôh, msĕ si ih thâo klă leh.

Hră Y-Pôl Mơĭt kơ Phung Rôm 15:26

Kyuadah phung čar Masêdôn leh anăn čar Akai mơak myơr leh mnơ̆ng đru kơ phung doh jăk ƀun ƀin dôk ti ƀuôn Yêrusalem.

Hră Y-Pôl Mơĭt kơ Phung Rôm 16:5

Kâo kkuh čhưn msĕ mơh kơ Phung Sang Aê Diê bi kƀĭn hlăm sang diñu. Kâo kkuh čhưn kơ Y-Êpanêtus, pô kâo khăp, pô đăo kơ Krist tal êlâo hĭn hlăm čar Asi.

I Kôrantô 16:15

Ơ phung ayŏng adei, diih thâo leh kơ sang Y-Sêphanas jing boh hlâo hlang hlăm čar Akai, leh anăn diñu jao diñu pô čiăng mă bruă đru phung doh jăk.

II Kôrantô 1:1

Kâo gơ̆ Y-Pôl, sa čô khua ƀĭng kna Krist Yêsu tui si klei Aê Diê čiăng, leh anăn Y-Timôthê adei drei, Čih mơĭt kơ Phung Sang Aê Diê ti ƀuôn Kôrantô, mbĭt hŏng jih jang phung doh jăk dôk tar ƀar čar Akai.

II Kôrantô 11:10

Tui si klei sĭt nik Krist dôk leh hlăm kâo, arăng amâo srăng bi luč ôh hlăm čar Akai klei kâo bi mni kơ kâo pô hlăm klei anei.

II Kôrantô 11:26

Hlăm lu klei kâo hiu, kâo tuôm hŏng klei hyưt ti êa krông, mơ̆ng phung knĕ, mơ̆ng phung ƀuôn sang kâo pô, mơ̆ng phung tue, hlăm ƀuôn prŏng, hlăm kdrăn tač, ti êa ksĭ, mơ̆ng phung ayŏng adei soh.

II Kôrantô 9:2

Kyuadah kâo thâo leh klei diih hur har čiăng đru. Kyua klei anăn, kâo mơak bi mni kơ diih ti anăp phung ƀuôn sang Masêdôn, êjai lač “phung čar Akai mkra leh mnơ̆ng đru mơ̆ng thŭn dih.” Leh anăn klei diih hur har bi mđĭ ai lu phung diñu.

I Têsalônik 2:14

Ơ phung ayŏng adei, diih jing leh phung tui msĕ si Phung Sang Aê Diê hlăm Krist Yêsu ti čar Yuđa; kyuadah diih tŭ leh klei msĕ mơ̆ng phung ƀuôn sang diih pô, msĕ si diñu tŭ leh mơ̆ng phung Yuđa.

I Têsalônik 2:16

hŏng klei diñu ghă hmei mtô kơ phung tue, čiăng kơ digơ̆ dưi tlaih — msĕ si diñu čiăng bi bŏ hnơ̆ng klei soh diñu nanao. Ƀiădah klei Aê Diê ngêñ knhal tuč truh leh kơ diñu.

Y-Yakơ 2:6

Ƀiădah diih mưč leh kơ pô ƀun ƀin. Amâo djŏ hĕ phung mdrŏng ktư̆ juă diih leh anăn đoh ba diih kơ sang phat kđi?