Bruă Phung Khua Ƀĭng Kna 17:4 - Klei Aê Diê Blŭ 2015

⁴ Đa đa hlăm phung digơ̆ đăo leh anăn bi mguôp hŏng Y-Pôl leh anăn Y-Silas. Leh anăn msĕ mơh mâo lu phung Grĕk kkuh mpŭ kơ Aê Diê wăt lu phung mniê arăng mpŭ đăo mơh.

Bruă Phung Khua Ƀĭng Kna 17:4 Iomraidhean Croise

Klei Bi Hriêng 13:20

Hlei pô dôk hŏng phung thâo mĭn srăng jing thâo mĭn, ƀiădah hlei pô jing găp hŏng phung mluk srăng tŭ klei jhat.

Klei Bi Hriêng 9:6

Lui hĕ klei mluk leh anăn dôk hdĭp, leh anăn êbat tui hlue êlan klei thâo mĭn.”

Klei Mmuñ Siam Hĭn 6:1

Ti anôk pô ih khăp đuĕ nao leh, Ơ pô siam hĭn kơ phung mniê mkăn? Ti êlan pô ih khăp đuĕ nao leh, čiăng kơ hmei dưi duah ñu mbĭt hŏng ih?

Y-Sakari 2:11

“Lu phung găp djuê mnuih srăng bi mguôp hŏng Yêhôwa hlăm hruê anăn, leh anăn srăng jing phung ƀuôn sang Kâo; leh anăn Kâo srăng dôk ti krah diih.” Diih srăng thâo Yêhôwa kơ phung kahan tiŏ nao leh kâo kơ diih.

Y-Yôhan 7:35

Phung Yuđa lač hdơ̆ng diñu, “Ti êkei anei mĭn čiăng nao tơl drei amâo srăng ƀuh ñu ôh? Si ngă, ñu mĭn čiăng nao kơ phung bra đuĕ ti krah phung Grĕk leh anăn mtô kơ phung Grĕk mơ̆?

Bruă Phung Khua Ƀĭng Kna 13:43

Tơdah klei bi kƀĭn hlăm sang bi kƀĭn ruê̆ leh, lu phung Yuđa leh anăn phung tue mŭt klei đăo Yuđa leh tui hlue Y-Pôl leh anăn Y-Barnabas. Digơ̆ blŭ kơ diñu leh anăn mđĭ ai diñu brei ăt dôk kjăp hlăm klei Aê Diê pap.

Bruă Phung Khua Ƀĭng Kna 13:50

Ƀiădah phung Yuđa mtrŭt phung mniê tue arăng mpŭ thâo kkuh mpŭ kơ Aê Diê, leh anăn phung khua kiă kriê ƀuôn anăn, mčhur phung anei ngă jhat kơ Y-Pôl leh anăn Y-Barnabas, leh anăn suôt digơ̆ mơ̆ng čar diñu.

Bruă Phung Khua Ƀĭng Kna 14:1

Ti ƀuôn Ikôni Y-Pôl leh anăn Y-Barnabas mŭt mbĭt hlăm sang bi kƀĭn, leh anăn diñu mtô tơl mâo lu phung Yuđa wăt phung Grĕk đăo.

Bruă Phung Khua Ƀĭng Kna 14:4

Ƀiădah phung ƀuôn sang bi mbha phung; đa đa dôk tĭng kơ phung Yuđa, đa đa dôk tĭng kơ phung khua ƀĭng kna.

Bruă Phung Khua Ƀĭng Kna 15:22

Leh anăn phung khua ƀĭng kna, phung khua mduôn, leh anăn jih jang Phung Sang Aê Diê mĭn jăk ruah mơ̆ng phung diñu, leh anăn tiŏ nao digơ̆ kơ ƀuôn Antiôs mbĭt hŏng Y-Pôl leh anăn Y-Barnabas. Anăn digơ̆ jing Y-Yuđas lŏ bi anăn Y-Barsabas leh anăn Y-Silas, dua čô mâo klei arăng mpŭ hlăm phung ayŏng adei.

Bruă Phung Khua Ƀĭng Kna 15:27

Kyua anăn hmei tiŏ nao leh Y-Yuđas leh anăn Y-Silas, phung anăn srăng hưn kơ diih klei hmei čih anei hŏng ƀăng êgei diñu pô.

Bruă Phung Khua Ƀĭng Kna 15:32

Y-Yuđas leh anăn Y-Silas, jing khua pô hưn êlâo mơh, mtô kơ phung ayŏng adei đăo lu klei blŭ bi mđĭ ai leh anăn klei bi ktang digơ̆.

Bruă Phung Khua Ƀĭng Kna 15:40

Ƀiădah Y-Pôl ruah Y-Silas, leh anăn diñu đuĕ nao leh phung ayŏng adei jao diñu kơ klei Khua Yang pap.

Bruă Phung Khua Ƀĭng Kna 16:3

Y-Pôl čiăng kơ Y-Timôthê nao mbĭt hŏng ñu; ñu khăt klĭt gơ̆ kyua phung Yuđa dôk hlăm krĭng anăn, kyuadah jih jang phung anăn thâo ama gơ̆ jing sa čô Grĕk.

Bruă Phung Khua Ƀĭng Kna 17:10

Êjai mlam phung ayŏng adei tiŏ nao mtam Y-Pôl leh anăn Y-Silas kơ ƀuôn Ƀêrê. Leh diñu truh, diñu mŭt hlăm sang bi kƀĭn phung Yuđa.

Bruă Phung Khua Ƀĭng Kna 17:12

Snăn lu hlăm phung digơ̆ đăo, mâo wăt lu phung mniê Grĕk arăng mpŭ, leh anăn phung êkei msĕ mơh.

Bruă Phung Khua Ƀĭng Kna 17:14

Hlăk anăn phung ayŏng adei tiŏ nao mtam Y-Pôl phă êa ksĭ. Ƀiădah Y-Silas leh anăn Y-Timôthê ăt dôk ti ƀuôn Ƀêrê.

Bruă Phung Khua Ƀĭng Kna 17:17

Snăn hlăm sang bi kƀĭn ñu bi mgăl hŏng phung Yuđa leh anăn phung kkuh mpŭ kơ Aê Diê, leh anăn ñu bi mgăl mơh hlăm anôk sang mnia grăp hruê hŏng phung ñu tuôm ti anăn.

Bruă Phung Khua Ƀĭng Kna 17:34

Mâo đa đa bi mguôp hŏng ñu leh anăn đăo. Hlăm phung anăn mâo Y-Dênis sa čô khua phat kđi Arêôpa, leh anăn sa čô mniê anăn gơ̆ H'Damaris, leh anăn phung mkăn mbĭt hŏng digơ̆.

Bruă Phung Khua Ƀĭng Kna 18:4

Grăp hruê sabat Y-Pôl mtô hlăm sang bi kƀĭn, leh anăn mtrŭt phung Yuđa leh anăn phung Grĕk đăo.

Bruă Phung Khua Ƀĭng Kna 19:10

Ñu ngă snăn êjai dua thŭn, tơl jih jang mnuih dôk hlăm čar Asi, wăt phung Yuđa wăt phung Grĕk, hmư̆ klei Khua Yang blŭ sơăi.

Bruă Phung Khua Ƀĭng Kna 2:44

Jih jang phung đăo dôk mbĭt leh anăn mâo djăp mta mnơ̆ng mbĭt msĕ mơh.

Bruă Phung Khua Ƀĭng Kna 21:28

Diñu ur kraih, “Ơ phung ayŏng adei Israel, hriê đru! Nĕ anei êkei hiu mtô tar ƀar bi kdơ̆ng hŏng phung ƀuôn sang, hŏng klei bhiăn, leh anăn hŏng anôk anei. Êbeh kơ anăn ñu atăt phung Grĕk mŭt hlăm sang kkuh mpŭ, leh anăn bi čhŏ anôk doh jăk anei.”

Bruă Phung Khua Ƀĭng Kna 28:24

Đa đa đăo klei Y-Pôl blŭ; đa đa amâo đăo ôh.

Bruă Phung Khua Ƀĭng Kna 4:23

Leh arăng phưi digơ̆, digơ̆ nao kơ phung mah jiăng leh anăn hưn ya klei phung knơ̆ng khua ngă yang leh anăn phung khua mduôn lač leh kơ digơ̆.

II Kôrantô 8:5

Leh anăn klei anei amâo djŏ msĕ si hmei čang hmăng ôh, ƀiădah êlâo hĭn diñu jao diñu pô kơ Khua Yang leh anăn kơ hmei tui si klei Aê Diê čiăng.