Bruă Phung Khua Ƀĭng Kna 17:3 - Klei Aê Diê Blŭ 2015

³ mblang leh anăn bi sĭt jing klei djŏ kơ Krist tŭ klei knap mñai leh anăn kbiă lŏ hdĭp mơ̆ng phung djiê. Ñu lač, “Yêsu, Pô kâo hưn kơ diih anei, Ñu yơh jing Yang Krist.”

Bruă Phung Khua Ƀĭng Kna 17:3 Iomraidhean Croise

Y-Luk 24:32

Digơ̆ bi lač hdơ̆ng digơ̆, “Amâo djŏ hĕ ai tiê drei hlơr hlăm drei êjai Ñu blŭ kơ drei ktuê êlan leh anăn mblang kơ drei klei čih leh?”

Y-Luk 24:44

Leh anăn Yêsu lač kơ diñu, “Jih klei Kâo blŭ leh kơ diih êjai Kâo ăt dôk mbĭt hŏng diih, čiăng kơ jih jang klei arăng čih leh djŏ kơ Kâo hlăm klei bhiăn Y-Môis, hlăm klei phung khua pô hưn êlâo čih, leh anăn hlăm Klei Mmuñ Hđăp srăng bi sĭt sơăi.”

Y-Luk 24:46

Gơ̆ lač kơ diñu, “Snei klei čih leh djŏ kơ Yang Krist srăng tŭ klei knap mñai, leh anăn ti hruê tal tlâo Ñu srăng kbiă lŏ hdĭp mơ̆ng phung djiê,

Y-Yôhan 20:9

Hlăk anăn diñu ka thâo săng ôh Klei Aê Diê Blŭ čih leh kơ Yêsu srăng kbiă lŏ hdĭp mơ̆ng phung djiê.

Bruă Phung Khua Ƀĭng Kna 1:4

Êjai Ñu dôk mbĭt hŏng digơ̆, Ñu mtă kơ digơ̆ đăm kbiă mơ̆ng ƀuôn Yêrusalem ôh, ƀiădah dôk guôn tơl truh klei Ama ƀuăn leh. Ñu lač, “Klei anăn Kâo hưn leh kơ diih mơh,

Bruă Phung Khua Ƀĭng Kna 18:28

kyuadah ñu bi mgăl ktang dưi hŏng phung Yuđa ti anăp phung lu, bi êdah mơ̆ng Klei Aê Diê Blŭ čih leh kơ Yêsu jing Yang Krist.

Bruă Phung Khua Ƀĭng Kna 18:5

Tơdah Y-Silas leh anăn Y-Timôthê truh mơ̆ng čar Masêdôn, Y-Pôl čhĭn mtô, hưn bi sĭt kơ phung Yuđa kơ Yêsu jing Yang Krist.

Bruă Phung Khua Ƀĭng Kna 3:18

Ƀiădah snei Aê Diê bi sĭt leh klei Ñu hưn êlâo hŏng ƀăng êgei jih jang phung khua pô hưn êlâo, kơ Yang Krist Ñu srăng tŭ klei knap mñai.

Bruă Phung Khua Ƀĭng Kna 9:22

Ƀiădah Y-Sôl kjăp hĭn êjai, leh anăn găl klei ñu hŏng phung Yuđa dôk ti ƀuôn Damas êjai hưn bi sĭt klei Yêsu jing Yang Krist.

Galati 3:1

Ơ phung Galati mluk mgu! Hlei pô mplư mƀlum diih leh? Ti anăp ală diih kâo bi êdah leh Yêsu Krist arăng pơ̆ng leh ti kyâo bi kal.