Bruă Phung Khua Ƀĭng Kna 17:1 - Klei Aê Diê Blŭ 2015

¹ Y-Pôl leh anăn Y-Silas găn ƀuôn Amphipôlis leh anăn ƀuôn Apôlôni, truh ti ƀuôn Têsalônik. Tinăn mâo sa boh sang bi kƀĭn phung Yuđa.

Bruă Phung Khua Ƀĭng Kna 17:1 Iomraidhean Croise

Bruă Phung Khua Ƀĭng Kna 14:1

Ti ƀuôn Ikôni Y-Pôl leh anăn Y-Barnabas mŭt mbĭt hlăm sang bi kƀĭn, leh anăn diñu mtô tơl mâo lu phung Yuđa wăt phung Grĕk đăo.

Bruă Phung Khua Ƀĭng Kna 15:21

Kyuadah dơ̆ng mơ̆ng ênuk đưm mâo hlăm grăp boh ƀuôn phung mtô klei bhiăn Y-Môis, kyuadah arăng dlăng klei bhiăn anăn grăp hruê sabat hlăm sang bi kƀĭn.”

Bruă Phung Khua Ƀĭng Kna 16:13

Êjai hruê sabat hmei kbiă ti êngao ƀăng jang ƀuôn nao kơ hang êa krông, anôk hmei mĭn mâo anôk bi kƀĭn wah lač. Hmei dôk gŭ leh anăn blŭ kơ phung mniê bi kƀĭn tinăn.

Bruă Phung Khua Ƀĭng Kna 17:10

Êjai mlam phung ayŏng adei tiŏ nao mtam Y-Pôl leh anăn Y-Silas kơ ƀuôn Ƀêrê. Leh diñu truh, diñu mŭt hlăm sang bi kƀĭn phung Yuđa.

Bruă Phung Khua Ƀĭng Kna 17:11

Phung Yuđa anei mâo knuih jăk hĭn kơ phung Yuđa hlăm ƀuôn Têsalônik, kyuadah digơ̆ tŭ klei Aê Diê blŭ hŏng klei čiăng snăk, ksiêm dlăng grăp hruê Klei Aê Diê Blŭ čiăng thâo tơdah klei mtô anăn jing sĭt.

Bruă Phung Khua Ƀĭng Kna 17:13

Ƀiădah tơdah phung Yuđa ti ƀuôn Têsalônik thâo kơ Y-Pôl mtô klei Aê Diê blŭ ti ƀuôn Ƀêrê msĕ mơh, diñu nao tinăn mơh, čiăng mtrŭt phung lu ngă klei rŭng răng.

Bruă Phung Khua Ƀĭng Kna 20:4

Y-Sôpater anak êkei Y-Pirus mơ̆ng ƀuôn Ƀêrê nao mbĭt hŏng ñu. Mơ̆ng phung Têsalônik mâo Y-Aristark leh anăn Y-Sêkundu; Y-Gaius mơ̆ng ƀuôn Derbơ, leh anăn Y-Timôthê; mơ̆ng čar Asi mâo Y-Tisik leh anăn Y-Trôphim.

Bruă Phung Khua Ƀĭng Kna 27:2

Hmei đĭ kŭmpăn hriê mơ̆ng ƀuôn Adramit srăng nao kơ lu boh ƀuôn kdrŭn kŭmpăn jưh hlue hang êa ksĭ čar Asi. Hmei đuĕ nao, leh anăn mâo mbĭt hŏng hmei Y-Aristark, sa čô mnuih čar Masêdôn mơ̆ng ƀuôn Têsalônik.

Philip 4:16

Kyuadah wăt ti ƀuôn Têsalônik diih mơĭt leh mnơ̆ng đru kâo sa dua blư̆.

I Têsalônik 1:1

Y-Pôl, Y-Silas, leh anăn Y-Timôthê. Čih mơĭt kơ Phung Sang Aê Diê ti ƀuôn Têsalônik dôk hlăm Aê Diê Ama leh anăn hlăm Yêsu Krist Khua Yang drei: Brei klei pap leh anăn klei êđăp ênang dôk mbĭt hŏng diih.

I Têsalônik 2:2

Wăt tơdah hmei tŭ leh klei knap leh anăn klei arăng ngă jhat ti ƀuôn Philip, msĕ si diih thâo leh, hmei ăt mâo klei jhŏng hlăm Aê Diê hmei čiăng hưn kơ diih klei mrâo mrang jăk Aê Diê ti krah lu klei bi kdơ̆ng.

II Têsalônik 1:1

Y-Pôl, Y-Silas, leh anăn Y-Timôthê. Čih mơĭt kơ Phung Sang Aê Diê ti ƀuôn Têsalônik dôk hlăm Aê Diê Ama drei leh anăn hlăm Yêsu Krist Khua Yang drei:

II Y-Timôthê 4:10

Kyuadah Y-Dêmas khăp kơ lăn ala anei, ñu lui kâo leh, đuĕ nao kơ ƀuôn Têsalônik. Y-Krêsen nao leh kơ čar Galati, Y-Tit nao leh kơ čar Dalmati,