Bruă Phung Khua Ƀĭng Kna 16:16 - Klei Aê Diê Blŭ 2015

¹⁶ Êjai hmei nao kơ anôk wah lač, hmei tuôm hŏng sa čô dĭng buăl mniê mâo yang jhat thâo hưn êlâo klei srăng truh ngă. Hŏng klei ñu blŭ klei mdian, ñu bi mdrŏng kơ phung khua ñu.

Bruă Phung Khua Ƀĭng Kna 16:16 Iomraidhean Croise

II Bruă Mtao 21:6

Ñu čuh anak êkei ñu jing mnơ̆ng myơr, leh anăn ñu ngă klei hưn êlâo leh anăn klei mdian, leh anăn mă bruă mbĭt hŏng phung mjâo leh anăn phung mdian. Ñu ngă lu klei jhat ti anăp ală Yêhôwa, mčhur Gơ̆ ngêñ.

I Klei Yăl Dliê 10:13

Snăn Y-Sôl djiê kyua ñu amâo dôk sĭt suôr ôh; ñu amâo mâo jing sĭt suôr ôh hŏng Yêhôwa hlăm klei ñu amâo djă pioh ôh klei Yêhôwa mtă, leh anăn msĕ mơh ñu êmuh leh kơ sa čô mjâo čiăng duah klei kčĕ,

Y-Êsai 8:19

Leh anăn tơdah diñu srăng lač kơ diih, “Brei diih ksiêm êmuh kơ phung blŭ hŏng phung djiê leh anăn kơ phung mdian, phung blŭ msĕ si čĭm mñê leh anăn blŭ amâo mngač ôh,” wĭt lač bĕ: amâo djŏ hĕ phung ƀuôn sang srăng êmuh kơ Aê Diê diñu? Djŏ mơ̆ arăng srăng duah êmuh phung djiê leh čiăng thâo klei djŏ kơ phung hdĭp?

Bruă Lêwi 19:31

Đăm nao kơ phung blŭ hrăm hŏng yang jhat amâodah kơ phung mjâo; đăm tui duah diñu ôh, bi čhŏ diih pô kyua diñu. Kâo jing Yêhôwa Aê Diê diih.

Bruă Lêwi 20:27

Sa čô êkei amâodah sa čô mniê jing pô blŭ hrăm hŏng yang jhat amâodah sa čô mjâo brei arăng bi mdjiê hĕ; bhĭr boh tâo kơ diñu, êrah diñu srăng lĕ kơ diñu pô.’ ”

Bruă Lêwi 20:6

Tơdah sa čô wir nao kơ phung blŭ hrăm hŏng yang jhat leh anăn phung mjâo, ngă klei knhông hŏng phung anăn, Kâo srăng bi kdơ̆ng hŏng mnuih anăn leh anăn srăng khăt hĕ ñu mơ̆ng krah phung ƀuôn sang ñu.

Bruă Phung Khua Ƀĭng Kna 16:13

Êjai hruê sabat hmei kbiă ti êngao ƀăng jang ƀuôn nao kơ hang êa krông, anôk hmei mĭn mâo anôk bi kƀĭn wah lač. Hmei dôk gŭ leh anăn blŭ kơ phung mniê bi kƀĭn tinăn.

Bruă Phung Khua Ƀĭng Kna 16:18

Mniê anăn ngă msĕ snăn êjai lu hruê, tơl Y-Pôl amâo dưi gĭr tŭ ôh, snăn ñu wir lač kơ yang jhat, “Kâo mtă kơ ih hlăm anăn Yêsu Krist, kbiă bĕ mơ̆ng mniê anei.” Leh anăn yang kbiă mông anăn mtam.

Bruă Phung Khua Ƀĭng Kna 16:19

Phung khua mniê anăn ƀuh luč leh klei dưi ƀơ̆ng lu prăk, diñu mă čăp Y-Pôl leh anăn Y-Silas, đoh ba digơ̆ ti anôk sang bruă knŭk kna ti anăp phung khua kiă kriê.

Bruă Phung Khua Ƀĭng Kna 19:24

Mâo sa čô tia prăk bi anăn Y-Dêmêtrius, pô ngă rup sang yang H'Artêmis hŏng prăk. Hŏng bruă anăn phung mă bruă ƀơ̆ng lu prăk.

Galati 5:20

klei kkuh rup yang, klei jing mjâo, klei bi roh, klei bi msao, klei nač, klei čôñ ăl, klei čuôt klih, klei bi tăng, klei mĭn bi kah phung,

I Y-Timôthê 6:10

Kyuadah klei khăp kơ prăk jing agha kơ jih jang klei jhat; leh anăn kyua klei tluh anăn đa đa klah đuĕ leh mơ̆ng klei đăo leh anăn bi truh kơ ai tiê diñu lu klei rŭng ênguôt.

II Y-Timôthê 3:8

Msĕ si Y-Janê leh anăn Y-Jambrê bi kdơ̆ng hŏng Y-Môis, msĕ mơh phung mnuih anăn bi kdơ̆ng hŏng klei sĭt nik. Klei mĭn diñu jhat leh, leh anăn klei diñu đăo amâo jing sĭt ôh.

II Y-Pêtrôs 2:3

Hŏng klei tluh phung khua pô mtô soh srăng blŭ mčeh mă čiăng ƀơ̆ng ngăn diih; ƀiădah mơ̆ng sui klei phat kđi mkra leh kơ diñu, leh anăn Pô bi rai diñu amâo pĭt ôh.

I Y-Samuel 28:3

Y-Samuel djiê leh, leh anăn jih jang phung Israel čŏk hia kơ ñu leh, leh anăn dơr ñu ti ƀuôn Rama, ƀuôn ñu pô. Y-Sôl suôt leh mơ̆ng čar phung mjâo leh anăn phung mdian.

I Y-Samuel 28:7

Leh anăn Y-Sôl lač kơ phung dĭng buăl ñu, “Duah bĕ kơ kâo sa čô mniê mjâo, čiăng kơ kâo dưi nao kơ ñu leh anăn êmuh kơ ñu.” Phung dĭng buăl ñu lač kơ ñu, “Nĕ anei mâo sa čô mjâo ti ƀuôn Êndôr.”