Bruă Phung Khua Ƀĭng Kna 16:1 - Klei Aê Diê Blŭ 2015

¹ Y-Pôl nao truh ti ƀuôn Derbơ leh anăn ti ƀuôn Listrơ. Tinăn mâo sa čô ƀĭng kna bi anăn Y-Timôthê, anak êkei sa čô mniê Yuđa đăo, ƀiădah ama gơ̆ jing sa čô Grĕk.

Bruă Phung Khua Ƀĭng Kna 16:1 Iomraidhean Croise

Y-Êsra 9:2

Kyuadah diñu mă leh đa đa mơ̆ng phung anak mniê digơ̆ brei jing mô̆ kơ diñu pô leh anăn kơ phung anak êkei diñu, tơl găp djuê doh jăk bi lŭk leh diñu pô hŏng phung ƀuôn sang hlăm čar. Hlăm klei amâo dôk sĭt suôr anei phung khua leh anăn phung khua knơ̆ng hlăm phung ƀuôn sang jing phung êlâo hĭn ngă klei anăn.”

Bruă Phung Khua Ƀĭng Kna 14:1

Ti ƀuôn Ikôni Y-Pôl leh anăn Y-Barnabas mŭt mbĭt hlăm sang bi kƀĭn, leh anăn diñu mtô tơl mâo lu phung Yuđa wăt phung Grĕk đăo.

Bruă Phung Khua Ƀĭng Kna 14:21

Tơdah leh diñu mtô klei mrâo mrang jăk hlăm ƀuôn anăn leh anăn mâo lu mnuih jing ƀĭng kna, diñu lŏ nao kơ ƀuôn Listrơ, ƀuôn Ikôni, leh anăn ƀuôn Antiôs,

Bruă Phung Khua Ƀĭng Kna 14:6

Y-Pôl leh anăn Y-Barnabas thâo leh klei anăn êlâo, đuĕ nao kơ ƀuôn Listrơ leh anăn ƀuôn Derbơ hlăm čar Likaôni, leh anăn krĭng jŭm dar.

Bruă Phung Khua Ƀĭng Kna 17:14

Hlăk anăn phung ayŏng adei tiŏ nao mtam Y-Pôl phă êa ksĭ. Ƀiădah Y-Silas leh anăn Y-Timôthê ăt dôk ti ƀuôn Ƀêrê.

Bruă Phung Khua Ƀĭng Kna 18:5

Tơdah Y-Silas leh anăn Y-Timôthê truh mơ̆ng čar Masêdôn, Y-Pôl čhĭn mtô, hưn bi sĭt kơ phung Yuđa kơ Yêsu jing Yang Krist.

Bruă Phung Khua Ƀĭng Kna 19:22

Ñu tiŏ nao dua čô pô đru ñu, Y-Timôthê leh anăn Y-Êrast, nao kơ čar Masêdôn. Ƀiădah ñu pô lŏ dôk sui ƀiă hlăm čar Asi.

Hră Y-Pôl Mơĭt kơ Phung Rôm 16:21

Y-Timôthê, pô mă bruă mbĭt hŏng kâo, kkuh čhưn hŏng diih. Y-Lusius, Y-Jasôn, leh anăn Y-Sôsipater, phung găp djuê kâo, kkuh čhưn hŏng diih msĕ mơh.

I Kôrantô 16:10

Tơdah Y-Timôthê truh, brei diih jum ñu hŏng klei jăk, kyuadah ñu dôk mă bruă kơ Khua Yang msĕ si kâo.

I Kôrantô 4:17

Kyuanăn kâo tiŏ nao Y-Timôthê kơ diih. Ñu jing anak kâo khăp leh anăn sĭt suôr hlăm Khua Yang. Kâo čiăng kơ ñu bi hdơr kơ diih si klei kâo dôk dơ̆ng ƀơ̆ng huă hlăm Krist, tui si kâo bi hriăm klei anăn tar ƀar hlăm grăp Phung Sang Aê Diê.

I Kôrantô 7:14

Kyuadah ung amâo đăo anăn jing doh jăk kyua mô̆ ñu, leh anăn mô̆ amâo đăo jing doh jăk kyua ung ñu. Tơdah amâo djŏ snăn ôh, phung anak diih srăng čhŏ, ƀiădah diñu jing doh jăk leh.

II Kôrantô 1:1

Kâo gơ̆ Y-Pôl, sa čô khua ƀĭng kna Krist Yêsu tui si klei Aê Diê čiăng, leh anăn Y-Timôthê adei drei, Čih mơĭt kơ Phung Sang Aê Diê ti ƀuôn Kôrantô, mbĭt hŏng jih jang phung doh jăk dôk tar ƀar čar Akai.

II Kôrantô 1:19

Kyuadah Anak Aê Diê, Yêsu Krist, klei Y-Silwan, Y-Timôthê, leh anăn kâo mtô leh ti krah diih amâo jing ôh Ơ leh anăn Ơ ơh, ƀiădah hlăm Ñu jing Ơ nanao.

Philip 1:1

Y-Pôl leh anăn Y-Timôthê, phung dĭng buăl Krist Yêsu, čih mơĭt kơ jih jang phung doh jăk hlăm Krist Yêsu dôk ti ƀuôn Philip mbĭt hŏng phung khua kiă kriê Phung Sang Aê Diê leh anăn phung khua sang yang.

Philip 2:19

Tơdah Khua Yang Yêsu čiăng kâo čang hmăng amâo sui ôh srăng tiŏ nao Y-Timôthê kơ diih, čiăng kơ kâo dưi mâo klei bi mđĭ ai êjai hmư̆ klei mrâo mrang mơ̆ng diih.

Kôlôs 1:1

Kâo gơ̆ Y-Pôl, sa čô khua ƀĭng kna Krist Yêsu tui si klei Aê Diê čiăng, leh anăn Y-Timôthê adei drei,

I Têsalônik 1:1

Y-Pôl, Y-Silas, leh anăn Y-Timôthê. Čih mơĭt kơ Phung Sang Aê Diê ti ƀuôn Têsalônik dôk hlăm Aê Diê Ama leh anăn hlăm Yêsu Krist Khua Yang drei: Brei klei pap leh anăn klei êđăp ênang dôk mbĭt hŏng diih.

I Têsalônik 3:2

leh anăn hmei tiŏ nao Y-Timôthê adei hmei, pô mă bruă mbĭt hŏng hmei kơ Aê Diê hlăm klei mrâo mrang jăk Krist, čiăng bi kjăp leh anăn mđĭ ai diih hlăm klei diih đăo,

I Têsalônik 3:6

Ƀiădah ară anei Y-Timôthê mrâo wĭt mơ̆ng diih, ba leh kơ hmei klei hưn jăk kơ klei diih đăo leh anăn khăp, leh anăn hưn kơ klei diih hdơr jăk kơ hmei nanao leh anăn čiăng snăk ƀuh hmei, msĕ si hmei čiăng lŏ ƀuh diih mơh.

II Têsalônik 1:1

Y-Pôl, Y-Silas, leh anăn Y-Timôthê. Čih mơĭt kơ Phung Sang Aê Diê ti ƀuôn Têsalônik dôk hlăm Aê Diê Ama drei leh anăn hlăm Yêsu Krist Khua Yang drei:

I Y-Timôthê 1:18

Ơ Y-Timôthê, anak kâo, klei mtă anăn kâo jao kơ ih, tui si klei hưn êlâo djŏ kơ ih hlăk anăn, čiăng kơ hŏng klei bi mđĭ ai mơ̆ng klei hưn êlâo anăn ih dưi bi blah jăk,

I Y-Timôthê 1:2

Čih mơĭt kơ Y-Timôthê, anak kâo sĭt hlăm klei đăo. Brei ih mâo klei jăk, klei pap, leh anăn klei êđăp ênang mơ̆ng Aê Diê Ama leh anăn Krist Yêsu Khua Yang drei.

II Y-Timôthê 1:2

Čih mơĭt kơ Y-Timôthê, anak kâo khăp êdimi. Brei ih mâo klei jăk, klei pap, leh anăn klei êđăp ênang mơ̆ng Aê Diê Ama leh anăn Krist Yêsu Khua Yang drei.

II Y-Timôthê 1:5

Kâo hdơr kơ klei ih đăo sĭt suôr. Klei đăo anăn hdĭp leh êlâo hlăm aduôn ih H'Lôis, leh anăn hlăm amĭ ih H'Ônis, leh anăn kâo thâo sĭt ară anei klei đăo anăn ăt hdĭp hlăm ih.

II Y-Timôthê 3:11

klei arăng ngă jhat kơ kâo, klei knap mñai kâo tŭ, klei truh leh kơ kâo ti ƀuôn Antiôs, ti ƀuôn Ikôni, leh anăn ti ƀuôn Listrơ, ya klei arăng ngă jhat kâo tŭ leh; ƀiădah Khua Yang bi mtlaih kâo leh mơ̆ng jih klei anăn.

Y-Philêmôn 1:1

Kâo gơ̆ Y-Pôl, sa čô mnă Krist Yêsu, leh anăn adei drei Y-Timôthê, čih mơĭt kơ Y-Philêmôn, pô hmei khăp, pô mă bruă mbĭt hŏng hmei,

Hêbrơ 13:23

Brei diih thâo kơ arăng phưi leh adei drei Y-Timôthê. Tơdah ñu truh djăl, kâo srăng nao čhưn kơ diih mbĭt hŏng ñu.