Biblia Todo Logo
Bìoball air-loidhne

- Sanasan -




Bruă Phung Khua Ƀĭng Kna 15:8 - Klei Aê Diê Blŭ 2015

8 Aê Diê, Pô thâo kral ai tiê, hưn bi sĭt leh kơ digơ̆ hŏng klei brei Yang Mngăt Jăk kơ digơ̆, msĕ si Ñu brei leh kơ drei.

Faic an caibideil Dèan lethbhreac




Bruă Phung Khua Ƀĭng Kna 15:8
23 Iomraidhean Croise  

hlăk anăn hmư̆ bĕ mơ̆ng adiê anôk Ih dôk, leh anăn pap brei, ngă bĕ, bi wĭt kơ grăp čô tui si Ih thâo kral ai tiê ñu, tui si jih êlan ñu (kyuadah Ih, knŏng Ih yơh thâo kral ai tiê jih jang anak mnuih);


Leh anăn bi ih, Ơ Y-Salômôn anak êkei kâo, thâo kral bĕ Aê Diê ama ih, leh anăn mă bruă bĕ kơ ñu hŏng jih ai tiê leh anăn hŏng klei mĭn čiăng; kyuadah Yêhôwa ksiêm dlăng jih jang ai tiê, leh anăn ñu thâo săng jih jang hdră leh anăn klei mĭn. Tơdah ih duah ñu, ñu srăng brei ih ƀuh ñu; ƀiădah tơdah ih lui ñu, ñu srăng suôt ih hlŏng lar.


Ơ Aê Diê kâo, kâo thâo leh kơ ih lông dlăng ai tiê mnuih, leh anăn khăp kơ klei kpă ênô; hŏng ai tiê kpă kâo myơr leh hŏng klei êngiê jih jang mnơ̆ng anei, leh anăn ară anei kâo ƀuh leh phung ƀuôn sang ih dôk ti anei myơr kơ ih hŏng klei êngiê leh anăn hŏng klei hơ̆k kdơ̆k.


amâo djŏ hĕ Aê Diê dưi thâo klei anăn? Kyuadah Ñu thâo klei hgăm hlăm ai tiê.


Ƀiădah, Ơ Yêhôwa kơ phung kahan, Pô phat kđi hŏng klei kpă, Pô lông dlăng ai tiê leh anăn klei mĭn, brei kâo ƀuh klei Ih rŭ ênua kơ diñu, kyuadah kâo jao leh klei kâo kơ Ih.


Kâo jing Yêhôwa Pô kăp ksiêm klei mĭn leh anăn lông dlăng ai tiê arăng, čiăng brei kơ grăp čô tui si êlan ñu êbat, tui si boh mơ̆ng klei ñu ngă.”


Ơ Yêhôwa kơ phung kahan, Pô lông dlăng phung kpă, Pô ksiêm ai tiê leh anăn klei mĭn, brei kâo ƀuh klei Ih rŭ ênua truh kơ diñu, kyuadah kâo jao leh klei kâo kơ Ih.


Yêsu lač kơ ñu tal tlâo, “Ơ Y-Simôn anak Y-Yônas, ih khăp kơ Kâo mơ̆?” Y-Pêtrôs ênguôt kyuadah Yêsu lač kơ ñu tal tlâo, “Ih khăp kơ Kâo mơ̆?” Snăn Y-Pêtrôs lač kơ Gơ̆, “Ơ Khua Yang, Ih thâo jih jang klei. Ih thâo leh kâo khăp kơ Ih.” Yêsu lač kơ ñu, “Čiêm bĕ phung biăp Kâo.


Leh anăn Ama, Pô tiŏ hriê Kâo leh, hưn bi sĭt kơ Kâo. Diih amâo tuôm hmư̆ asăp Ñu ôh, kăn diih tuôm ƀuh rup asei mlei Ñu rei;


Leh anăn diñu wah lač, “Ơ Khua Yang, Pô thâo leh ai tiê jih jang mnuih, bi êdah kơ hmei hlei pô hlăm dua čô anei ih ruah,


“Dưi mơ̆ arăng hngah êa čiăng ngă ƀaptem kơ phung ƀuôn sang mă tŭ leh Yang Mngăt Jăk msĕ si drei?”


Snăn Y-Pôl leh anăn Y-Barnabas dôk tinăn sui blŭ klei Khua Yang hŏng klei jhŏng, leh anăn Khua Yang hưn bi sĭt kơ klei mtô kơ klei Ñu pap, êjai yua kngan diñu ngă klei bi knăl yuôm bhăn leh anăn bruă yuôm bhăn myang.


Kyuadah Yang Mngăt Jăk leh anăn hmei mĭn jăk amâo dưm klei ktrŏ mkăn kơ diih ôh, knŏng klei yuôm anei:


Jih jang diñu bŏ hŏng Yang Mngăt Jăk, leh anăn dơ̆ng blŭ hlăm klei blŭ mkăn, tui si Yang Mngăt Jăk brei kơ diñu blŭ.


Leh wah lač, anôk diñu bi kƀĭn ktư̆ mgei. Jih jang diñu bŏ hŏng Yang Mngăt Jăk, leh anăn hưn klei Aê Diê blŭ hŏng klei jhŏng.


êjai Aê Diê hưn bi sĭt msĕ mơh hŏng klei bi knăl, bruă myang, leh anăn lu mta klei yuôm bhăn, leh anăn hŏng klei Yang Mngăt Jăk brei mdê mdê bi mbha leh tui si klei Ñu čiăng.


Leh anăn ti anăp Ñu amâo mâo sa mnơ̆ng hrih leh dưi dôk hgăm, ƀiădah jih jang mnơ̆ng pŏk leh anăn bi êdah leh ti anăp ală Pô drei srăng hưn bruă drei ngă.


Kâo srăng bi mdjiê phung anak ñu. Leh anăn jih jang Phung Sang Aê Diê srăng thâo kơ Kâo jing Pô ksiêm klei mĭn leh anăn ai tiê, leh anăn Kâo srăng brei kơ grăp čô diih tui si bruă diih ngă.


Ƀiădah Yêhôwa lač kơ Y-Samuel, “Đăm dlăng asei mlei ti êngao amâodah kơ klei ñu dlông awan ôh, kyuadah Kâo hngah kơ ñu leh. Kyuadah Yêhôwa amâo dlăng msĕ si mnuih dlăng ôh; mnuih dlăng asei mlei ti êngao, ƀiădah Yêhôwa dlăng kơ ai tiê.”


Lean sinn:

Sanasan


Sanasan