Bruă Phung Khua Ƀĭng Kna 15:4 - Klei Aê Diê Blŭ 2015

⁴ Tơdah diñu truh ti ƀuôn Yêrusalem, Phung Sang Aê Diê, phung khua ƀĭng kna, leh anăn phung khua mduôn jum diñu. Leh anăn diñu yăl dliê jih klei Aê Diê ngă leh mbĭt hŏng diñu.

Bruă Phung Khua Ƀĭng Kna 15:4 Iomraidhean Croise

Y-Mathiơ 10:40

“Hlei pô jum diih jum Kâo msĕ mơh; leh anăn hlei pô jum Kâo jum mơh Pô tiŏ hriê Kâo.

Bruă Phung Khua Ƀĭng Kna 11:30

Diñu ngă snăn, mơĭt mnơ̆ng đru kơ phung khua mduôn hŏng kngan Y-Barnabas leh anăn Y-Sôl.

Bruă Phung Khua Ƀĭng Kna 14:27

Leh diñu truh, diñu bi kƀĭn Phung Sang Aê Diê leh anăn yăl dliê jih klei Aê Diê ngă mbĭt hŏng diñu, leh anăn si Aê Diê pŏk leh ƀăng bhă klei đăo kơ phung tue.

Bruă Phung Khua Ƀĭng Kna 15:12

Jih jang phung bi kƀĭn dôk ñăt, leh anăn hmư̆ klei Y-Barnabas leh anăn Y-Pôl yăl dliê jih jang klei bi knăl yuôm bhăn leh anăn klei yuôm bhăn myang Aê Diê yua diñu ngă leh ti krah phung tue.

Bruă Phung Khua Ƀĭng Kna 15:2

Leh Y-Pôl leh anăn Y-Barnabas mâo klei bi tăng leh anăn klei bi mgăl ktang hŏng phung anăn, phung sang Aê Diê ruah Y-Pôl leh anăn Y-Barnabas mbĭt hŏng đa đa phung mkăn nao kơ phung khua ƀĭng kna leh anăn phung khua mduôn ti ƀuôn Yêrusalem, čiăng ksiêm êmuh kơ klei anăn.

Bruă Phung Khua Ƀĭng Kna 15:22

Leh anăn phung khua ƀĭng kna, phung khua mduôn, leh anăn jih jang Phung Sang Aê Diê mĭn jăk ruah mơ̆ng phung diñu, leh anăn tiŏ nao digơ̆ kơ ƀuôn Antiôs mbĭt hŏng Y-Pôl leh anăn Y-Barnabas. Anăn digơ̆ jing Y-Yuđas lŏ bi anăn Y-Barsabas leh anăn Y-Silas, dua čô mâo klei arăng mpŭ hlăm phung ayŏng adei.

Bruă Phung Khua Ƀĭng Kna 15:3

Snăn leh Phung Sang Aê Diê tiŏ nao diñu, diñu găn čar Phênisi leh anăn čar Samari yăl dliê klei phung tue đăo. Klei anăn bi mơak snăk kơ jih jang phung ayŏng adei.

Bruă Phung Khua Ƀĭng Kna 15:6

Phung khua ƀĭng kna leh anăn phung khua mduôn bi kƀĭn čiăng ksiêm dlăng klei anăn.

Bruă Phung Khua Ƀĭng Kna 16:4

Êjai diñu găn lu boh ƀuôn, diñu mtô kơ phung đăo brei gưt klei mtă phung khua ƀĭng kna leh anăn phung khua mduôn hlăm ƀuôn Yêrusalem čuăn leh.

Bruă Phung Khua Ƀĭng Kna 18:27

Tơdah Y-Apôlôs čiăng nao kơ čar Akai, phung ayŏng adei đăo đru ñu hŏng klei čih hră kơ phung ƀĭng kna čar anăn brei jum ñu. Tơdah ñu truh leh, ñu đru lu snăk phung đăo leh kyua klei Aê Diê pap,

Bruă Phung Khua Ƀĭng Kna 21:17

Tơdah hmei truh ti ƀuôn Yêrusalem, phung ayŏng adei jum hmei hŏng klei hơ̆k.

Bruă Phung Khua Ƀĭng Kna 21:19

Leh kkuh čhưn hŏng diñu, Y-Pôl yăl dliê jih klei Aê Diê yua ñu ngă leh ti krah phung tue.

Hră Y-Pôl Mơĭt kơ Phung Rôm 15:18

Kyuadah kâo amâo jhŏng blŭ sa mta klei mkăn ôh, knŏng ya klei Krist ngă leh hlăm kâo, čiăng atăt phung tue kơ klei gưt asăp kơ Aê Diê. Ñu ngă leh klei anei hŏng klei blŭ leh anăn klei ngă,

Hră Y-Pôl Mơĭt kơ Phung Rôm 15:7

Snăn bi jum bĕ hdơ̆ng diih, msĕ si Krist jum leh diih, čiăng bi guh kơang kơ Aê Diê.

I Kôrantô 15:10

Ƀiădah hŏng klei Aê Diê pap kâo jing msĕ si kâo jing anei, leh anăn klei Ñu pap kơ kâo amâo jing hơăi mang ôh. Ƀiădah kâo mă bruă suăi hĭn kơ jih jang diñu, amâo djŏ kâo pô ôh, ƀiădah klei Aê Diê pap dôk mbĭt hŏng kâo.

II Kôrantô 5:19

Čiăng lač, Aê Diê dôk leh hlăm Krist bi grăng lăn ala hŏng Ñu pô, amâo yap ôh klei soh čiăng bi kmhal digơ̆, leh anăn jao kơ hmei klei mtô kơ klei bi grăng.

II Kôrantô 6:1

Snăn êjai hmei mă bruă mbĭt hŏng Aê Diê, hmei kwưh kơ diih đăm mă tŭ klei Aê Diê pap jing hơăi mang ôh.

Kôlôs 4:10

Y-Aristark, jing mnă mbĭt hŏng kâo, mơĭt klei čhưn kơ diih, wăt Y-Markôs knai Y-Barnabas (diih mâo leh klei mtă djŏ kơ Y-Markôs; tơdah ñu truh kơ diih, jum bĕ ñu),

II Y-Yôhan 1:10

Tơdah arăng truh kơ diih leh anăn amâo ba ôh klei mtô anei, đăm jum ñu mŭt hlăm sang diih amâodah kkuh čhưn kơ ñu ôh.