Bruă Phung Khua Ƀĭng Kna 14:1 - Klei Aê Diê Blŭ 2015

¹ Ti ƀuôn Ikôni Y-Pôl leh anăn Y-Barnabas mŭt mbĭt hlăm sang bi kƀĭn, leh anăn diñu mtô tơl mâo lu phung Yuđa wăt phung Grĕk đăo.

Bruă Phung Khua Ƀĭng Kna 14:1 Iomraidhean Croise

Y-Markôs 7:26

Mniê anăn jing sa čô tue mơ̆ng krĭng Phênisi čar Siri; leh anăn gơ̆ kwưh kơ Yêsu suôt yang jhat mơ̆ng anak mniê gơ̆.

Y-Yôhan 12:20

Hlăm phung nao čiăng kkuh mpŭ êjai hruê knăm mâo đa đa phung Grĕk.

Y-Yôhan 7:35

Phung Yuđa lač hdơ̆ng diñu, “Ti êkei anei mĭn čiăng nao tơl drei amâo srăng ƀuh ñu ôh? Si ngă, ñu mĭn čiăng nao kơ phung bra đuĕ ti krah phung Grĕk leh anăn mtô kơ phung Grĕk mơ̆?

Bruă Phung Khua Ƀĭng Kna 11:21

Kngan Khua Yang dôk mbĭt hŏng diñu, leh anăn mâo lu mnuih đăo kơ Khua Yang.

Bruă Phung Khua Ƀĭng Kna 13:43

Tơdah klei bi kƀĭn hlăm sang bi kƀĭn ruê̆ leh, lu phung Yuđa leh anăn phung tue mŭt klei đăo Yuđa leh tui hlue Y-Pôl leh anăn Y-Barnabas. Digơ̆ blŭ kơ diñu leh anăn mđĭ ai diñu brei ăt dôk kjăp hlăm klei Aê Diê pap.

Bruă Phung Khua Ƀĭng Kna 13:46

Y-Pôl leh anăn Y-Barnabas blŭ kơ diñu hŏng klei jhŏng, lač, “Tui si djŏ, hmei hưn klei Aê Diê blŭ kơ diih êlâo hĭn. Ƀiădah kyua diih hngah klei anăn leh anăn yap diih pô amâo năng kơ klei hdĭp hlŏng lar ôh, snăn ară anei hmei wir kơ phung tue.

Bruă Phung Khua Ƀĭng Kna 13:5

Tơdah diñu truh leh ti ƀuôn Salamin, diñu hưn klei Aê Diê blŭ hlăm jih jang sang bi kƀĭn phung Yuđa. Mâo Y-Yôhan đru diñu.

Bruă Phung Khua Ƀĭng Kna 13:51

Y-Pôl leh anăn Y-Barnabas ktuh ƀruih jơ̆ng digơ̆ kdơ̆ng hŏng diñu, leh anăn nao kơ ƀuôn Ikôni.

Bruă Phung Khua Ƀĭng Kna 14:19

Hlăk anăn mâo phung Yuđa hriê mơ̆ng ƀuôn Antiôs leh anăn ƀuôn Ikôni. Diñu mă ai tiê phung ƀuôn sang, leh anăn diñu bhĭr boh tâo kơ Y-Pôl leh anăn đoh ba gơ̆ ti êngao ƀuôn, mĭndah Y-Pôl djiê leh.

Bruă Phung Khua Ƀĭng Kna 14:2

Ƀiădah phung Yuđa amâo đăo ôh mčhur phung tue brei digơ̆ ăl kơ phung ayŏng adei.

Bruă Phung Khua Ƀĭng Kna 14:21

Tơdah leh diñu mtô klei mrâo mrang jăk hlăm ƀuôn anăn leh anăn mâo lu mnuih jing ƀĭng kna, diñu lŏ nao kơ ƀuôn Listrơ, ƀuôn Ikôni, leh anăn ƀuôn Antiôs,

Bruă Phung Khua Ƀĭng Kna 16:1

Y-Pôl nao truh ti ƀuôn Derbơ leh anăn ti ƀuôn Listrơ. Tinăn mâo sa čô ƀĭng kna bi anăn Y-Timôthê, anak êkei sa čô mniê Yuđa đăo, ƀiădah ama gơ̆ jing sa čô Grĕk.

Bruă Phung Khua Ƀĭng Kna 16:2

Phung ayŏng adei ti ƀuôn Listrơ leh anăn ti ƀuôn Ikôni hưn kơ gơ̆ jing jăk.

Bruă Phung Khua Ƀĭng Kna 17:12

Snăn lu hlăm phung digơ̆ đăo, mâo wăt lu phung mniê Grĕk arăng mpŭ, leh anăn phung êkei msĕ mơh.

Bruă Phung Khua Ƀĭng Kna 17:17

Snăn hlăm sang bi kƀĭn ñu bi mgăl hŏng phung Yuđa leh anăn phung kkuh mpŭ kơ Aê Diê, leh anăn ñu bi mgăl mơh hlăm anôk sang mnia grăp hruê hŏng phung ñu tuôm ti anăn.

Bruă Phung Khua Ƀĭng Kna 17:4

Đa đa hlăm phung digơ̆ đăo leh anăn bi mguôp hŏng Y-Pôl leh anăn Y-Silas. Leh anăn msĕ mơh mâo lu phung Grĕk kkuh mpŭ kơ Aê Diê wăt lu phung mniê arăng mpŭ đăo mơh.

Bruă Phung Khua Ƀĭng Kna 18:4

Grăp hruê sabat Y-Pôl mtô hlăm sang bi kƀĭn, leh anăn mtrŭt phung Yuđa leh anăn phung Grĕk đăo.

Bruă Phung Khua Ƀĭng Kna 18:8

Y-Krispus, khua sang bi kƀĭn, đăo kơ Khua Yang mbĭt hŏng jih phung hlăm sang ñu. Leh anăn lu phung Kôrantô hmư̆ Y-Pôl mtô đăo leh anăn tŭ klei ƀaptem.

Bruă Phung Khua Ƀĭng Kna 19:10

Ñu ngă snăn êjai dua thŭn, tơl jih jang mnuih dôk hlăm čar Asi, wăt phung Yuđa wăt phung Grĕk, hmư̆ klei Khua Yang blŭ sơăi.

Bruă Phung Khua Ƀĭng Kna 19:17

Jih jang phung Yuđa leh anăn phung Grĕk dôk ti ƀuôn Êphêsô hmư̆ hing kơ klei anăn. Jih jang diñu huĭ; leh anăn arăng hơêč hmưi bi mni kơ anăn Khua Yang Yêsu.

Bruă Phung Khua Ƀĭng Kna 19:8

Y-Pôl mŭt hlăm sang bi kƀĭn leh anăn mtô hŏng klei jhŏng êjai tlâo mlan, bi mgăl leh anăn mtrŭt digơ̆ tŭ klei djŏ kơ ƀuôn ala mtao Aê Diê.

Bruă Phung Khua Ƀĭng Kna 2:47

bi mni kơ Aê Diê leh anăn bi mơak kơ jih jang phung ƀuôn sang. Leh anăn grăp hruê Khua Yang lŏ thiăm kơ Phung Sang Aê Diê phung mă tŭ klei bi mtlaih.

Bruă Phung Khua Ƀĭng Kna 20:21

Kâo mtô kơ phung Yuđa leh anăn kơ phung Grĕk klei kmhal kơ klei soh hŏng Aê Diê, leh anăn klei đăo hlăm Khua Yang drei Yêsu Krist.

Bruă Phung Khua Ƀĭng Kna 21:28

Diñu ur kraih, “Ơ phung ayŏng adei Israel, hriê đru! Nĕ anei êkei hiu mtô tar ƀar bi kdơ̆ng hŏng phung ƀuôn sang, hŏng klei bhiăn, leh anăn hŏng anôk anei. Êbeh kơ anăn ñu atăt phung Grĕk mŭt hlăm sang kkuh mpŭ, leh anăn bi čhŏ anôk doh jăk anei.”

Bruă Phung Khua Ƀĭng Kna 9:20

Ñu dơ̆ng mtô mtam hlăm sang bi kƀĭn hưn kơ Yêsu jing Anak Aê Diê.

Hră Y-Pôl Mơĭt kơ Phung Rôm 1:16

Sĭt nik kâo amâo hêñ ôh kơ klei mrâo mrang jăk, kyuadah ñu jing klei myang Aê Diê pioh bi mtlaih grăp čô hlei pô đăo, phung Yuđa êlâo hĭn, leh anăn wăt phung Grĕk mơh.

Hră Y-Pôl Mơĭt kơ Phung Rôm 10:12

Kyuadah amâo mâo klei mdê ôh phung Yuđa hŏng phung Grĕk. Khua Yang anăn jing Khua Yang kơ jih jang leh anăn brei klei mdrŏng Ñu kơ jih jang phung iêô wah lač kơ Ñu.

Galati 2:3

Y-Tit pô nao mbĭt hŏng kâo, wăt tơdah ñu jing sa čô Grĕk dưn, arăng amâo mgô̆ ñu ôh tŭ klei khăt klĭt.

Galati 3:28

Amâo lŏ yap mdê ôh phung Yuđa hŏng phung Grĕk, phung hlŭn hŏng phung êngiê, phung êkei hŏng phung mniê; kyuadah jih jang diih jing leh sa hlăm Krist Yêsu.

Kôlôs 3:11

Hlăm mnuih mrâo anei, amâo yap mdê ôh phung Grĕk amâodah phung Yuđa, mnuih tŭ klei khăt klĭt amâodah mnuih amâo tŭ klei khăt klĭt, mnuih dliê, mnuih Sit, mnuih hlŭn, mnuih êngiê, ƀiădah Krist jing jih hlăm jih jang.

II Y-Timôthê 3:11

klei arăng ngă jhat kơ kâo, klei knap mñai kâo tŭ, klei truh leh kơ kâo ti ƀuôn Antiôs, ti ƀuôn Ikôni, leh anăn ti ƀuôn Listrơ, ya klei arăng ngă jhat kâo tŭ leh; ƀiădah Khua Yang bi mtlaih kâo leh mơ̆ng jih klei anăn.