Bruă Phung Khua Ƀĭng Kna 13:6 - Klei Aê Diê Blŭ 2015

⁶ Leh diñu găn jih plao êa truh ti ƀuôn Paphôs, diñu tuôm hŏng sa čô mdian, sa čô Yuđa jing khua pô hưn êlâo soh bi anăn Y-Bar-Yêsu.

Bruă Phung Khua Ƀĭng Kna 13:6 Iomraidhean Croise

I Bruă Mtao 22:22

Yêhôwa lač kơ ñu, ‘Si ih srăng ngă?’ Ñu lač, ‘Kâo srăng kbiă nao leh anăn jing yang luar hlăm ƀăng êgei jih jang phung khua pô hưn êlâo ñu.’ Yêhôwa lač kơ ñu, ‘Ih yơh srăng mplư ñu, leh anăn ih srăng dưi. Kbiă nao leh anăn ngă bĕ snăn.’

I Klei Yăl Dliê 10:13

Snăn Y-Sôl djiê kyua ñu amâo dôk sĭt suôr ôh; ñu amâo mâo jing sĭt suôr ôh hŏng Yêhôwa hlăm klei ñu amâo djă pioh ôh klei Yêhôwa mtă, leh anăn msĕ mơh ñu êmuh leh kơ sa čô mjâo čiăng duah klei kčĕ,

Klei Kbiă 22:18

Đăm lui sa čô mniê mjâo dôk hdĭp ôh.

Bruă Lêwi 20:6

Tơdah sa čô wir nao kơ phung blŭ hrăm hŏng yang jhat leh anăn phung mjâo, ngă klei knhông hŏng phung anăn, Kâo srăng bi kdơ̆ng hŏng mnuih anăn leh anăn srăng khăt hĕ ñu mơ̆ng krah phung ƀuôn sang ñu.

Y-Sakari 13:3

Tơdah sa čô lŏ bi êdah msĕ si sa čô khua pô hưn êlâo, amĭ ama ñu, phung kkiêng kơ ñu, srăng lač kơ ñu, ‘Ih amâo srăng dôk hdĭp ôh, kyuadah ih blŭ klei luar hŏng anăn Yêhôwa.’ Amĭ ama ñu, phung kkiêng kơ ñu srăng tlŏ ñu tơdah ñu hưn êlâo.

Y-Mathiơ 16:17

Yêsu lŏ wĭt lač kơ gơ̆, “Jăk mơak yơh kơ ih, Ơ Y-Simôn anak Y-Yôna! Kyuadah amâo djŏ kđeh mnuih ôh bi êdah leh klei anăn kơ ih, ƀiădah Ama Kâo hlăm adiê.

Y-Mathiơ 24:24

Kyuadah srăng mâo lu Krist soh leh anăn lu khua pô hưn êlâo soh, diñu srăng ngă klei bi knăl prŏng leh anăn klei yuôm bhăn, čiăng mplư wăt phung Aê Diê ruah leh, tơdah dưi.

Y-Mathiơ 7:15

“Răng bĕ kơ phung khua pô hưn êlâo soh. Diñu hriê kơ diih hơô klĭt biăp, ƀiădah ti lam diñu jing asâo tan ră.

Y-Markôs 10:46

Leh anăn diñu truh kơ ƀuôn Yêrikô. Êjai Yêsu kbiă mơ̆ng ƀuôn Yêrikô mbĭt hŏng phung ƀĭng kna Ñu leh anăn sa phung lu, mâo sa čô mnuih bum ală hiu dan, Y-Bartimê anak êkei Y-Timê, dôk gŭ ti djiêô êlan.

Bruă Phung Khua Ƀĭng Kna 13:13

Y-Pôl leh anăn phung mbĭt hŏng ñu đĭ kŭmpăn ti ƀuôn Paphôs, nao truh ti ƀuôn Pergi hlăm čar Pamphili. Y-Yôhan lui diñu leh anăn lŏ wĭt kơ ƀuôn Yêrusalem.

Bruă Phung Khua Ƀĭng Kna 13:8

Ƀiădah Y-Êlimas, mnuih mdian (snăn klei mblang kơ anăn ñu), bi kdơ̆ng hŏng diñu, čiăng ghă khua čar anăn đăo.

II Kôrantô 11:13

Kyuadah phung anăn jing phung khua ƀĭng kna soh, phung mă bruă mplư, mgưt diñu pô jing msĕ si phung khua ƀĭng kna Krist.

II Y-Timôthê 3:8

Msĕ si Y-Janê leh anăn Y-Jambrê bi kdơ̆ng hŏng Y-Môis, msĕ mơh phung mnuih anăn bi kdơ̆ng hŏng klei sĭt nik. Klei mĭn diñu jhat leh, leh anăn klei diñu đăo amâo jing sĭt ôh.

I Y-Yôhan 4:1

Ơ phung kâo khăp, đăm đăo kơ jih jang yang ôh, ƀiădah lông dlăng phung yang thâodah diñu kbiă hriê mơ̆ng Aê Diê; kyuadah mâo lu phung khua pô hưn êlâo soh mŭt leh hlăm lăn ala.

Klei Bi Êdah 19:20

Aê Diê mă leh hlô dliê anăn, leh anăn mbĭt hŏng ñu khua pô hưn êlâo soh, pô ngă leh ti anăp ñu klei bi knăl, hŏng klei anăn khua pô hưn êlâo soh mplư phung mă tŭ leh klei čih mrô hlô dliê leh anăn kkuh leh kơ rup ñu. Jih diñu dua arăng dlăm leh hdĭp hlăm ênao pui trơ̆ng hŏng sulphur.