Bruă Phung Khua Ƀĭng Kna 13:5 - Klei Aê Diê Blŭ 2015

⁵ Tơdah diñu truh leh ti ƀuôn Salamin, diñu hưn klei Aê Diê blŭ hlăm jih jang sang bi kƀĭn phung Yuđa. Mâo Y-Yôhan đru diñu.

Bruă Phung Khua Ƀĭng Kna 13:5 Iomraidhean Croise

I Bruă Mtao 19:21

Gơ̆ wĭt mơ̆ng klei tui hlue ñu, mă sa hlâo êmô, koh bi mdjiê digơ̆, leh anăn tŭk kđeh digơ̆, yua giê knông êmô anăn kơ djuh, brei kđeh čĭm kơ phung ƀuôn sang, leh anăn phung anăn ƀơ̆ng. Leh anăn gơ̆ kgŭ đuĕ nao tui hlue Y-Êli leh anăn mă bruă kơ ñu.

I Bruă Mtao 19:3

Snăn Y-Êli huĭ, leh anăn kgŭ đuĕ čiăng bi mtlaih klei hdĭp ñu. Ñu truh ti ƀuôn Bêr-Sêba hlăm čar Yuđa, leh anăn lui dĭng buăl ñu tinăn.

II Bruă Mtao 3:11

Y-Jôsaphat lač, “Amâo mâo hĕ khua pô hưn êlâo Yêhôwa tinei, hŏng ñu drei dưi êmuh kơ Yêhôwa?” Snăn sa čô hlăm phung dĭng buăl mtao Israel lŏ wĭt lač, “Y-Êlisê anak êkei Y-Saphat dôk tinei, pô hlĭng êa ti kngan Y-Êli.”

Klei Kbiă 24:13

Snăn Y-Môis kgŭ mbĭt hŏng Y-Yôsuê, mnuih mă bruă kơ ñu, leh anăn Y-Môis đĭ ti dlông čư̆ Aê Diê.

Y-Mathiơ 20:26

Ƀiădah amâo djŏ snăn ôh ti krah diih; hlei pô čiăng jing prŏng hlăm phung diih, brei ñu jing dĭng buăl diih,

Bruă Phung Khua Ƀĭng Kna 12:12

Leh ñu dôk mĭn, ñu nao kơ sang H'Mari amĭ Y-Yôhan lŏ bi anăn Y-Markôs. Tinăn mâo lu mnuih dôk bi kƀĭn wah lač.

Bruă Phung Khua Ƀĭng Kna 12:25

Leh ruê̆ bruă diñu, Y-Barnabas leh anăn Y-Sôl wĭt mơ̆ng ƀuôn Yêrusalem, atăt ba mbĭt hŏng diñu Y-Yôhan lŏ bi anăn Y-Markôs.

Bruă Phung Khua Ƀĭng Kna 13:14

Bi diñu nao mơ̆ng ƀuôn Pergi truh ti ƀuôn Antiôs hlăm čar Pisidi. Hruê sabat diñu mŭt dôk gŭ hlăm sang bi kƀĭn.

Bruă Phung Khua Ƀĭng Kna 13:46

Y-Pôl leh anăn Y-Barnabas blŭ kơ diñu hŏng klei jhŏng, lač, “Tui si djŏ, hmei hưn klei Aê Diê blŭ kơ diih êlâo hĭn. Ƀiădah kyua diih hngah klei anăn leh anăn yap diih pô amâo năng kơ klei hdĭp hlŏng lar ôh, snăn ară anei hmei wir kơ phung tue.

Bruă Phung Khua Ƀĭng Kna 14:1

Ti ƀuôn Ikôni Y-Pôl leh anăn Y-Barnabas mŭt mbĭt hlăm sang bi kƀĭn, leh anăn diñu mtô tơl mâo lu phung Yuđa wăt phung Grĕk đăo.

Bruă Phung Khua Ƀĭng Kna 15:37

Y-Barnabas čiăng jak ba mbĭt Y-Yôhan lŏ bi anăn Y-Markôs.

Bruă Phung Khua Ƀĭng Kna 17:17

Snăn hlăm sang bi kƀĭn ñu bi mgăl hŏng phung Yuđa leh anăn phung kkuh mpŭ kơ Aê Diê, leh anăn ñu bi mgăl mơh hlăm anôk sang mnia grăp hruê hŏng phung ñu tuôm ti anăn.

Bruă Phung Khua Ƀĭng Kna 18:4

Grăp hruê sabat Y-Pôl mtô hlăm sang bi kƀĭn, leh anăn mtrŭt phung Yuđa leh anăn phung Grĕk đăo.

Bruă Phung Khua Ƀĭng Kna 19:22

Ñu tiŏ nao dua čô pô đru ñu, Y-Timôthê leh anăn Y-Êrast, nao kơ čar Masêdôn. Ƀiădah ñu pô lŏ dôk sui ƀiă hlăm čar Asi.

Bruă Phung Khua Ƀĭng Kna 19:29

Snăn jih ƀuôn anăn bŏ hŏng klei rŭng răng; leh anăn diñu êran nao mbĭt kơ sang bi kƀĭn, đoh ba mbĭt hŏng diñu Y-Gaius leh anăn Y-Aristark, phung Masêdôn hiu mbĭt hŏng Y-Pôl.

Bruă Phung Khua Ƀĭng Kna 19:8

Y-Pôl mŭt hlăm sang bi kƀĭn leh anăn mtô hŏng klei jhŏng êjai tlâo mlan, bi mgăl leh anăn mtrŭt digơ̆ tŭ klei djŏ kơ ƀuôn ala mtao Aê Diê.

Bruă Phung Khua Ƀĭng Kna 9:20

Ñu dơ̆ng mtô mtam hlăm sang bi kƀĭn hưn kơ Yêsu jing Anak Aê Diê.

Kôlôs 4:10

Y-Aristark, jing mnă mbĭt hŏng kâo, mơĭt klei čhưn kơ diih, wăt Y-Markôs knai Y-Barnabas (diih mâo leh klei mtă djŏ kơ Y-Markôs; tơdah ñu truh kơ diih, jum bĕ ñu),

II Y-Timôthê 4:11

knŏng hjăn Y-Luk dôk mbĭt hŏng kâo. Jak Y-Markôs leh anăn atăt ba gơ̆ mbĭt hŏng ih, kyuadah gơ̆ jing yuôm snăk đru bruă kâo.