Bruă Phung Khua Ƀĭng Kna 13:41 - Klei Aê Diê Blŭ 2015

⁴¹ ‘Dlăng bĕ, Ơ phung mưč, bi kngăr bĕ leh anăn rai tuč bĕ, kyuadah Kâo ngă sa mta bruă hlăm ênuk diih, sa mta bruă diih amâo srăng đăo ôh, wăt tơdah arăng hưn klei anăn kơ diih.’ ”

Bruă Phung Khua Ƀĭng Kna 13:41 Iomraidhean Croise

Klei Bi Hriêng 5:12

Leh anăn diih lač, “Kâo bi êmut hĕ leh kơ klei mkra, leh anăn ai tiê kâo hngah hĕ leh kơ klei ƀuah.

Y-Êsai 5:24

Kyuanăn, msĕ si êlah pui ƀơ̆ng adrăng, leh anăn msĕ si êlah pui čuh rơ̆k krô, msĕ snăn mơh agha diñu srăng jing msĕ si mnơ̆ng brŭ rai, leh anăn mnga diñu srăng đung msĕ si ƀruih lăn; kyuadah diñu hngah leh klei bhiăn Yêhôwa kơ phung kahan, leh anăn bi êmut klei Pô Doh Jăk Israel blŭ.

Y-Êsai 65:15

Phung Kâo ruah leh srăng yua anăn diih čiăng tăm pah kơ arăng, leh anăn Khua Yang Yêhôwa srăng bi mdjiê diih; ƀiădah Ñu srăng pia phung dĭng buăl Ñu hŏng anăn mkăn.

Y-Êsêkiêl 33:9

Ƀiădah tơdah ih brei pô soh răng čiăng ñu lui êlan soh ñu, ƀiădah ñu amâo lui êlan soh ñu ôh; ñu srăng djiê hlăm klei soh ñu, ƀiădah ih srăng bi mtlaih klei hdĭp ih pô.”

Y-Haƀakuk 1:5

“Dlăng bĕ kơ phung găp djuê mnuih leh anăn ksiêm; brei ih dôk bi kngăr leh anăn kdjăt bĕ. Kyuadah Kâo dôk ngă sa bruă hlăm ênuk ih, ih amâo srăng đăo ôh wăt tơdah arăng yăl dliê kơ ih.

Y-Luk 16:14

Phung Pharisi, jing phung khăp kơ prăk, hmư̆ jih klei anăn leh anăn mưč kơ Yêsu.

Y-Luk 23:35

Phung ƀuôn sang dôk giăm kăp dlăng; ƀiădah phung khua kiă kriê mưč kơ Yêsu, lač, “Ñu bi mtlaih leh phung mkăn; brei ñu bi mtlaih ñu pô, tơdah ñu jing Yang Krist mơ̆ng Aê Diê, Pô Aê Diê Ruah leh.”

Bruă Phung Khua Ƀĭng Kna 13:47

Kyuadah msĕ snăn Khua Yang mtă leh kơ hmei, lač, ‘Kâo mjing ih leh klei mngač kơ phung tue, čiăng kơ ih dưi ba klei bi mtlaih truh ti knhal lăn ala.’ ”

Bruă Phung Khua Ƀĭng Kna 22:21

Ñu lač kơ kâo, ‘Đuĕ nao bĕ, kyuadah Kâo srăng tiŏ nao ih kbưi phă phung tue.’ ”

Bruă Phung Khua Ƀĭng Kna 3:23

Hlei pô amâo dôk hmư̆ ôh khua pô hưn êlâo anăn, Aê Diê srăng bi luč hĕ ñu mơ̆ng phung ƀuôn sang.’

Bruă Phung Khua Ƀĭng Kna 6:14

Kyuadah hmei hmư̆ gơ̆ lač kơ Yêsu Ƀuôn Nasaret srăng bi rai anôk anei leh anăn srăng bi mlih klei bhiăn hdĭp Y-Môis brei leh kơ drei.”

I Têsalônik 2:16

hŏng klei diñu ghă hmei mtô kơ phung tue, čiăng kơ digơ̆ dưi tlaih — msĕ si diñu čiăng bi bŏ hnơ̆ng klei soh diñu nanao. Ƀiădah klei Aê Diê ngêñ knhal tuč truh leh kơ diñu.

I Y-Pêtrôs 4:17

Kyuadah truh leh ênuk klei phat kđi srăng dơ̆ng hŏng găp djuê Aê Diê; leh anăn tơdah klei phat kđi dơ̆ng hŏng drei, ya srăng truh knhal tuč kơ phung amâo gưt ôh kơ klei mrâo mrang jăk Aê Diê?