Bruă Phung Khua Ƀĭng Kna 13:23 - Klei Aê Diê Blŭ 2015

²³ Mơ̆ng anak čô Y-Đawit, Aê Diê bi kbiă leh kơ phung Israel sa čô Pô Bi Mtlaih, Yêsu, tui si klei Ñu ƀuăn leh.

Bruă Phung Khua Ƀĭng Kna 13:23 Iomraidhean Croise

II Y-Samuel 7:12

Tơdah hruê ih jih leh, leh anăn ih djiê nao dôk mbĭt hŏng phung aê ih, Kâo srăng mđĭ anak êkei ih êdei kơ ih, pô anăn srăng kbiă mơ̆ng tian prôč ih, leh anăn Kâo srăng bi kjăp ƀuôn ala mtao ñu.

Klei Mmuñ Hđăp 132:11

Yêhôwa kat asei leh hŏng klei sĭt nik kơ Y-Đawit, Ñu amâo srăng bi mlih klei anăn ôh: “Kâo srăng mđĭ ti jhưng mtao ih sa čô anak êkei mơ̆ng tian prôč ih.

Y-Êsai 11:1

Sa ƀĕ kƀiêng srăng čăt mơ̆ng phŭn Y-Yêsê, leh anăn sa ƀĕ Adhan srăng čăt mơ̆ng agha ñu leh anăn mboh.

Y-Êsai 11:10

Hlăm hruê anăn agha Y-Yêsê srăng dôk tinăn msĕ si čhiăm gru kơ jih jang phung ƀuôn sang; phung găp djuê mnuih srăng duah Ñu, leh anăn anôk Ñu dôk mdei srăng mâo klei guh kơang.

Y-Êsai 43:11

Kâo, Kâo yơh jing Yêhôwa, ti êngao Kâo amâo lŏ mâo pô bi mtlaih ôh.

Y-Êsai 45:21

Hưn bĕ leh anăn bi êdah klei diih; brei diñu trông čhai mđrăm mbĭt! Hlei pô bi êdah leh klei anei mơ̆ng ênuk đưm? Hlei pô hưn leh klei anei mơ̆ng mphŭn dô? Amâo djŏ hĕ Kâo gơ̆, Yêhôwa? ti êngao Kâo amâo mâo Aê Diê mkăn ôh, sa čô Aê Diê kpă ênô leh anăn Pô Bi Mtlaih. Ti êngao Kâo amâo mâo Aê Diê mkăn ôh.

Y-Êsai 7:13

Y-Êsai lač, “Snăn Ơ sang Y-Đawit, hmư̆ bĕ, jing sa klei điêt đei mơ̆ kơ diih bi êmăn phung mnuih ară anei diih lŏ bi êmăn Aê Diê kâo mơ̆?

Y-Yêrêmi 30:9

Ƀiădah diñu srăng mă bruă kơ Yêhôwa Aê Diê diñu leh anăn Y-Đawit mtao diñu, pô Kâo srăng bi kbiă kơ diñu.’

Y-Amôs 9:11

“Hlăm hruê anăn Kâo srăng lŏ mdơ̆ng sang čhiăm Y-Đawit klưh leh, leh anăn lŏ mkra ƀăng hluh ñu, leh anăn srăng lŏ mdơ̆ng dŏ ñu rai leh, leh anăn lŏ mdơ̆ng ñu msĕ si ênuk mphŭn dô,

Y-Sakari 9:9

Hơ̆k kdơ̆k êdi bĕ, Ơ Anak Mniê Ƀuôn Siôn! Ur driâo bĕ, Ơ anak mniê ƀuôn Yêrusalem! Nĕ anei, mtao ih hriê kơ ih, Ñu kpă ênô leh anăn mâo klei bi mtlaih, luă gŭ đĭ sa drei aseh dliê, sa drei êđai aseh dliê.

Y-Mathiơ 1:1

Hră čih anăn phung aê Yêsu Krist, anak čô Y-Đawit, anak čô Y-Abraham:

Y-Mathiơ 1:21

Gơ̆ srăng kkiêng kơ sa čô anak êkei, leh anăn brei ih bi anăn Ñu Yêsu, kyuadah Ñu srăng bi mtlaih phung ƀuôn sang Ñu mơ̆ng klei soh digơ̆.”

Y-Mathiơ 21:9

Phung lu êbat ti anăp leh anăn ti tluôn Yêsu ur kraih, “Hôsana kơ Anak Y-Đawit! Aê Diê mpŭ mni kơ Pô hriê hlăm anăn Khua Yang! Hôsana kơ Pô Ti Dlông Hĭn!”

Y-Mathiơ 22:42

“Ya diih mĭn kơ Krist? Hlei anak Gơ̆ jing?” Phung Pharisi lač kơ Gơ̆, “Anak Y-Đawit.”

Y-Luk 1:69

leh anăn Ñu bi truh leh kơ drei sa čô Pô Bi Mtlaih Myang hlăm sang dĭng buăl Ñu Y-Đawit,

Y-Yôhan 4:42

Digơ̆ lač kơ mniê anăn, “Hmei đăo leh amâo djŏ kyua knŏng klei ih hưn ôh, ƀiădah kyua hmei pô hmư̆ leh, leh anăn hmei thâo sĭt Pô anăn jing Pô Bi Mtlaih lăn ala.”

Y-Yôhan 7:42

Amâo djŏ hĕ Klei Aê Diê Blŭ lač leh kơ Yang Krist jing anak čô Y-Đawit, leh anăn kbiă hriê mơ̆ng ƀuôn Betlêhem, ƀuôn Y-Đawit dôk leh?”

Bruă Phung Khua Ƀĭng Kna 13:32

Leh anăn hmei hưn kơ diih klei mrâo mrang jăk, ya klei Aê Diê ƀuăn leh kơ phung aê hmei,

Bruă Phung Khua Ƀĭng Kna 2:30

Kyuadah ñu jing sa čô khua pô hưn êlâo, leh anăn thâo leh kơ Aê Diê ƀuăn leh kơ ñu hŏng klei kat asei, čiăng brei sa čô hlăm phung anak čô ñu dôk gŭ ti jhưng mtao ñu,

Bruă Phung Khua Ƀĭng Kna 3:26

Aê Diê bi kbiă lŏ hdĭp leh dĭng buăl Ñu, leh anăn tiŏ nao Gơ̆ kơ diih êlâo hĭn, čiăng brei klei hơêč hmưi kơ diih êjai Ñu bi wir đuĕ grăp čô hlăm phung diih mơ̆ng klei soh jhat.”

Bruă Phung Khua Ƀĭng Kna 4:12

Amâo mâo klei bi mtlaih hlăm pô mkăn ôh, kyuadah ti gŭ adiê amâo mâo ôh anăn mkăn arăng brei leh kơ mnuih čiăng kơ hŏng ñu yơh drei dưi mâo klei bi mtlaih.”

Hră Y-Pôl Mơĭt kơ Phung Rôm 1:3

Klei mrâo mrang jăk anăn djŏ kơ Anak Ñu, Yêsu Krist Khua Yang drei, tui si hlăm kđeh Gơ̆ jing anak čô Y-Đawit,

Hră Y-Pôl Mơĭt kơ Phung Rôm 11:26

leh anăn kơh jih jang phung Israel srăng tlaih; tui si Klei Aê Diê Blŭ čih leh, “Pô Bi Êngiê srăng hriê mơ̆ng ƀuôn Siôn, Ñu srăng suôt jih klei amâo đăo mơ̆ng phung Yakôp.

Y-Tit 1:4

Čih mơĭt kơ Y-Tit, anak kâo sĭt hlăm klei drei đăo msĕ. Brei ih mâo klei pap leh anăn klei êđăp ênang mơ̆ng Aê Diê Ama leh anăn Krist Yêsu, Pô Bi Mtlaih drei.

II Y-Pêtrôs 1:1

Kâo gơ̆ Y-Simôn Pêtrôs, sa čô dĭng buăl leh anăn khua ƀĭng kna Yêsu Krist, čih mơĭt kơ phung mă tŭ leh klei đăo yuôm mđơr hŏng klei hmei đăo hlăm klei kpă ênô Aê Diê leh anăn Pô Bi Mtlaih drei, Yêsu Krist.

II Y-Pêtrôs 1:11

Snăn yơh Aê Diê srăng brei diih mŭt ênưih pưih hlăm ƀuôn ala mtao hlŏng lar Yêsu Krist, Khua Yang leh anăn Pô Bi Mtlaih drei.

II Y-Pêtrôs 2:20

Kyuadah leh arăng tlaih mơ̆ng klei čhŏ mrŏ lăn ala hŏng klei thâo kral Khua Yang leh anăn Pô Bi Mtlaih drei Yêsu Krist, tơdah klei čhŏ mrŏ anăn lŏ kă leh anăn dưi hŏng diñu, klei diñu jing tal êdei jing jhat kjham hĭn kơ tal êlâo.

II Y-Pêtrôs 3:18

Ƀiădah brei diih hriê kơ prŏng hlăm klei pap leh anăn klei thâo kral Khua Yang Pô Bi Mtlaih drei Yêsu Krist. Kơ Ñu yơh brei klei guh kơang ară anei hlŏng kơ ênuk hlŏng lar. Amen.

II Y-Pêtrôs 3:2

klei phung khua pô hưn êlâo doh jăk hưn leh đưm êlâo, leh anăn klei Khua Yang leh anăn Pô Bi Mtlaih mtă brei phung khua ƀĭng kna hưn.

I Y-Yôhan 4:14

Drei ƀuh leh anăn hưn bi sĭt kơ Ama tiŏ hriê leh Anak Ñu jing Pô Bi Mtlaih kơ lăn ala.

Y-Yut 1:25

kơ knŏng sa čô Aê Diê, Pô Bi Mtlaih drei, hlăm Yêsu Krist Khua Yang drei, brei mâo klei guh kơang, klei kdrăm, klei kiă kriê, leh anăn klei dưi, mơ̆ng êlâo kơ jih jang ênuk, ară anei hin, leh anăn hlŏng lar. Amen.

Klei Bi Êdah 22:16

“Kâo gơ̆, Yêsu, tiŏ nao leh dĭng buăl jăk Kâo kơ ih djă ba klei hưn anei kơ Phung Sang Aê Diê. Kâo jing kƀiêng leh anăn čô Y-Đawit, mtŭ tŭr mngač aguah.”