Bruă Phung Khua Ƀĭng Kna 13:22 - Klei Aê Diê Blŭ 2015

²² Leh Aê Diê mdlưh hĕ Y-Sôl, Ñu bi mđĭ brei Y-Đawit jing mtao kơ digơ̆; kơ pô anăn Ñu hưn snei, ‘Kâo ƀuh leh Y-Đawit anak êkei Y-Yêsê jing sa čô djŏ hŏng ai tiê Kâo, pô srăng ngă jih jang klei Kâo čiăng.’

Bruă Phung Khua Ƀĭng Kna 13:22 Iomraidhean Croise

I Bruă Mtao 15:5

kyuadah Y-Đawit ngă leh ya klei jing kpă ti anăp ală Yêhôwa, leh anăn amâo weh ôh mơ̆ng sa klei gơ̆ mtă leh kơ ñu jih ênuk ñu dôk hdĭp, knŏng hlăm klei Y-Uri êkei Hitit.

I Y-Samuel 16:13

Y-Samuel mă ki êa ƀâo mngưi leh anăn trôč kơ gơ̆ ti anăp phung ayŏng gơ̆. Leh anăn Mngăt Myang Yêhôwa hriê dôk hlăm Y-Đawit mơ̆ng hruê anăn kơ anăp. Leh klei anăn, Y-Samuel kgŭ leh anăn nao kơ ƀuôn Rama.

I Y-Samuel 16:1

Yêhôwa lač kơ Y-Samuel, “Dŭm boh sui ih srăng ênguôt kyua Y-Sôl, êjai ƀuh Kâo hngah leh kơ ñu jing mtao kiă kriê phung Israel? Bi bŏ ki ih hŏng êa ƀâo mngưi leh anăn nao bĕ; Kâo srăng tiŏ ih nao kơ sang Y-Yêsê, sa čô mnuih ƀuôn Betlêhem, kyuadah Kâo ruah leh kơ Kâo pô sa čô mtao mơ̆ng phung anak êkei ñu.”

I Y-Samuel 15:28

Y-Samuel lač kơ ñu, “Yêhôwa hiêk leh ƀuôn ala mtao Israel mơ̆ng ih hruê anei, leh anăn brei gơ̆ leh kơ sa čô riêng gah ih, pô jing jăk hĭn kơ ih.

I Y-Samuel 15:26

Y-Samuel lač kơ Y-Sôl, “Kâo amâo srăng lŏ wĭt mbĭt hŏng ih ôh; kyuadah ih hngah leh kơ klei Yêhôwa blŭ, leh anăn Yêhôwa hngah leh kơ ih jing mtao kiă kriê phung Israel.”

Bruă Phung Khua Ƀĭng Kna 7:46

Y-Đawit mâo klei pap ti anăp ală Aê Diê, leh anăn ñu akâo čiăng mdơ̆ng sa boh sang dôk pioh kơ Aê Diê Y-Yakôp;

I Bruă Mtao 15:3

Ñu êbat hlăm jih jang klei soh ama ñu ngă leh êlâo kơ ñu; leh anăn ai tiê ñu amâo jing sĭt suôr klă ôh hŏng Yêhôwa Aê Diê ñu, msĕ si ai tiê Y-Đawit aê ñu,

II Y-Samuel 7:8

Kyuanăn ară anei, brei ih lač snei kơ dĭng buăl Kâo Y-Đawit, ‘Snei Yêhôwa kơ phung kahan lač, Kâo mă leh ih mơ̆ng kdrăn rơ̆k mơ̆ng klei ih tui hlue biăp, čiăng brei ih jing khua kiă kriê phung ƀuôn sang Kâo Israel.

II Y-Samuel 2:4

Leh anăn phung êkei Yuđa hriê leh anăn tinăn yơh diñu trôč êa ƀâo mngưi kơ Y-Đawit jing mtao kơ sang Yuđa. Tơdah diñu hưn kơ Y-Đawit, “Phung êkei ƀuôn Jabes-Galaat yơh dơr leh Y-Sôl,”

I Y-Samuel 15:23

Kyuadah klei bi kdơ̆ng jing msĕ si klei soh mdian, leh anăn klei khăng kŏ jing msĕ si klei wê leh anăn klei kkuh rup yang. Kyuadah ih hngah leh klei Yêhôwa blŭ, Ñu hngah leh mơh kơ klei ih jing mtao.”

Bruă Phung Khua Ƀĭng Kna 15:8

Aê Diê, Pô thâo kral ai tiê, hưn bi sĭt leh kơ digơ̆ hŏng klei brei Yang Mngăt Jăk kơ digơ̆, msĕ si Ñu brei leh kơ drei.

Y-Ôsê 3:5

Êdei kơ klei anăn phung anak čô Israel srăng lŏ wĭt leh anăn tui duah Yêhôwa Aê Diê diñu, leh anăn Y-Đawit mtao diñu. Diñu srăng hriê hŏng klei huĭ mpŭ kơ Yêhôwa leh anăn hriê mă tŭ klei jăk jĭn Ñu hlăm ênuk knhal tuč.

Y-Yêrêmi 33:26

snăn Kâo srăng hngah kơ phung anak čô Y-Yakôp leh anăn dĭng buăl Kâo Y-Đawit, leh anăn Kâo amâo srăng ruah ôh sa čô anak čô ñu brei kiă kriê phung anak čô Y-Abraham, Y-Isăk, leh anăn Y-Yakôp. Kyuadah Kâo srăng lŏ brei klei jăk jĭn kơ diñu, leh anăn srăng pap kơ diñu.’ ”

Klei Mmuñ Hđăp 2:6

“Kâo mdơ̆ng leh Mtao Kâo ti dlông Siôn, čư̆ doh jăk Kâo.”

I Klei Yăl Dliê 10:13

Snăn Y-Sôl djiê kyua ñu amâo dôk sĭt suôr ôh; ñu amâo mâo jing sĭt suôr ôh hŏng Yêhôwa hlăm klei ñu amâo djă pioh ôh klei Yêhôwa mtă, leh anăn msĕ mơh ñu êmuh leh kơ sa čô mjâo čiăng duah klei kčĕ,

II Y-Samuel 7:15

Ƀiădah Kâo amâo srăng sua hĕ ôh klei Kâo khăp sĭt suôr mơ̆ng ñu, msĕ si Kâo sua hĕ leh mơ̆ng Y-Sôl, pô Kâo suôt leh mơ̆ng anăp ih.

I Y-Samuel 31:6

Snăn yơh ti hruê anăn sơăi Y-Sôl, tlâo čô anak êkei ñu, pô djă mnơ̆ng ñu bi blah, leh anăn jih jang phung kahan ñu djiê.

I Y-Samuel 15:11

“Kâo hƀlŏk kơ klei Kâo mjing leh Y-Sôl mtao; kyuadah ñu lui wir leh amâo lŏ tui hlue Kâo ôh, leh anăn amâo ngă ôh tui si klei Kâo mtă leh.” Y-Samuel ngêñ snăk leh anăn ur kơ Yêhôwa jih mlam.

I Y-Samuel 12:25

Ƀiădah tơdah diih ăt ngă klei jhat ƀai, diih srăng rai luč, diih wăt mtao diih.”

Y-Êsêkiêl 34:23

Kâo srăng brei sa čô mgăt biăp kiă kriê diñu, dĭng buăl Kâo Y-Đawit, leh anăn ñu srăng čiêm diñu. Ñu srăng čiêm diñu leh anăn jing mgăt biăp diñu.

Y-Yêrêmi 33:21

snăn mơh arăng dưi gao klei Kâo bi mguôp hŏng Y-Đawit dĭng buăl Kâo tơl ñu amâo srăng mâo ôh sa čô anak êkei jing mtao kiă kriê ti jhưng mtao ñu, leh anăn dưi gao klei Kâo bi mguôp hŏng phung khua ngă yang Lêwi, phung mă bruă kơ Kâo.

I Y-Samuel 28:16

Y-Samuel lač, “Snăn si ngă ih êmuh kơ kâo, kyuadah Yêhôwa lui ih leh anăn jing roh hŏng ih leh?

Bruă Phung Khua Ƀĭng Kna 13:36

Kyuadah leh mă bruă hlăm ênuk ñu tui si Aê Diê čiăng, Y-Đawit djiê, leh anăn arăng dơr ñu mbĭt hŏng phung aê ñu, leh anăn ñu brŭ rai.

I Klei Yăl Dliê 2:12

Y-Bôas jing ama kơ Y-Ôbet, Y-Ôbet jing ama kơ Y-Yêsê.