Bruă Phung Khua Ƀĭng Kna 13:11 - Klei Aê Diê Blŭ 2015

¹¹ Nĕ ară anei hin, kngan Khua Yang ngă kơ ih, leh anăn ih srăng jing bum ală êjai sui ƀiă, amâo dưi ƀuh yang hruê ôh.” Mtam mâo klei bum mmăt tĭt truh kơ Y-Êlimas, leh anăn ñu duah mnuih atăt ñu djă ti kngan.

Bruă Phung Khua Ƀĭng Kna 13:11 Iomraidhean Croise

Klei Mphŭn Dơ̆ng 19:11

Digơ̆ bi bum ală phung mnuih ti ƀăng bhă sang, phung điêt wăt prŏng, tơl diñu amâo thâo ƀuh duah ƀăng bhă.

II Bruă Mtao 6:8

Tơdah mtao Siri bi blah hŏng phung Israel, ñu trông čhai mbĭt hŏng phung dĭng buăl ñu, lač, “Anôk kđông kâo srăng jing tinei tinăn.”

Y-Yôp 19:21

Pap mñai kơ kâo đa, pap mñai kơ kâo bĕ, Ơ diih, phung mah jiăng kâo, kyuadah kngan Aê Diê čăm kâo leh!

Klei Mmuñ Hđăp 32:4

Kyuadah hruê mlam kngan Ih bi ktrŏ ti kâo; klei mơai kâo jing thu msĕ si mđiă yan bhang. (Sêla)

Klei Mmuñ Hđăp 38:2

Kyuadah ƀrăm Ih djŏ ti kâo leh, leh anăn kngan Ih čăm kâo leh.

Klei Kbiă 9:3

nĕ anei kngan Yêhôwa srăng čăm kơ mnơ̆ng ih rông dôk hlăm hma, aseh, aseh dliê, aseh samô, êmô, leh anăn biăp srăng mâo klei ruă tưp djiê lu.

Y-Êsai 29:10

Kyuadah Yêhôwa bi truh leh kơ diih klei pĭt snăk; Ñu bi pĭt leh ală diih, ală diih si tô hmô phung khua pô hưn êlâo, Ñu guôm leh boh kŏ diih, boh kŏ si tô hmô phung mâo klei bi ƀuh.

Y-Yôhan 9:39

Yêsu lač, “Kâo hriê leh ti lăn ala čiăng phat kđi, čiăng kơ mnuih amâo thâo ƀuh ôh dưi ƀuh, leh anăn čiăng kơ mnuih thâo ƀuh jing hĕ bum ală.”

Bruă Phung Khua Ƀĭng Kna 9:17

Snăn Y-Ananias kbiă nao leh anăn mŭt hlăm sang. Ñu ênă kngan ti Y-Sôl leh anăn lač, “Ơ ayŏng Y-Sôl, Khua Yang Yêsu, Pô bi êdah leh kơ ih ti êlan ih hriê, tiŏ hriê leh kâo čiăng kơ ih dưi lŏ ƀuh mngač leh anăn bŏ hŏng Yang Mngăt Jăk.”

Hră Y-Pôl Mơĭt kơ Phung Rôm 11:25

Ơ phung ayŏng adei, huĭdah diih mgao hŏng klei diih pô thâo mĭn, kâo čiăng kơ diih thâo săng klei hgăm anei: sa kdrêč hlăm phung Israel mâo leh ai tiê khăng, tơl ênŭm leh ênoh Aê Diê bi kčah kơ phung tue đăo kơ Aê Diê,

Hêbrơ 10:31

Jing klei huĭ snăk lĕ hlăm kngan Aê Diê hdĭp.

II Y-Pêtrôs 2:17

Phung anăn jing msĕ si akŏ êa thu, msĕ si dhul angĭn êbŭ kpuh; Aê Diê pioh leh kơ diñu klei mmăt tĭt hlăm anôk ti gŭ.

I Y-Samuel 5:11

Snăn diñu tiŏ arăng iêô bi kƀĭn jih jang khua phung Philistin leh anăn lač, “Bi mđuĕ hĕ hip Aê Diê Israel, brei gơ̆ wĭt kơ anôk gơ̆ pô, čiăng kơ gơ̆ amâo bi mdjiê drei leh anăn phung ƀuôn sang drei ôh.” Kyuadah mâo hlăm kluôm ƀuôn klei bi huĭ bi mdjiê. Kngan Aê Diê bi ktrŏ snăk tinăn.

I Y-Samuel 5:9

Ƀiădah leh diñu kkung ba gơ̆ leh, kngan Yêhôwa ngă kơ ƀuôn anăn mơh, leh anăn ngă klei bi huĭ prŏng leh anăn bi knap phung êkei hlăm ƀuôn, phung hlăk ai wăt mduôn, diñu mâo klei ruă kdloh mlŭn: