Bruă Phung Khua Ƀĭng Kna 13:10 - Klei Aê Diê Blŭ 2015

¹⁰ “Ơ anak yang jhat, pô roh hŏng jih klei kpă, bŏ hŏng klei mplư leh anăn klei ƀai, ih amâo srăng mdei hĕ bi msoh êlan kpă Khua Yang?

Bruă Phung Khua Ƀĭng Kna 13:10 Iomraidhean Croise

Klei Mphŭn Dơ̆ng 18:19

Hơăi, kyuadah Kâo ruah ñu leh, čiăng kơ ñu mtă kơ phung anak ñu leh anăn kơ sang ñu kơ êdei, čiăng diñu djă pioh êlan Khua Yang hŏng klei ngă klei kpă ênô leh anăn klei djŏ, čiăng kơ Khua Yang dưi bi sĭt klei Ñu ƀuăn leh kơ Y-Abraham.”

Klei Mphŭn Dơ̆ng 3:15

Kâo srăng mjing klei bi roh ŏng hŏng mniê anăn, wăt klei bi roh phung anak čô ŏng hŏng phung anak čô ñu; gơ̆ srăng bi êka boh kŏ ŏng, leh anăn ŏng srăng bi êka kđul gơ̆.”

II Klei Yăl Dliê 17:6

Ai tiê ñu mâo klei jhŏng êbat hlăm êlan Yêhôwa; leh anăn êbeh kơ anăn ñu bi rai hĕ anôk dlông leh anăn phung rup yang Asêra mơ̆ng čar Yuđa.

Khua Pô Mtô 9:3

Anei jing sa klei jhat hlăm jih jang klei arăng ngă ti gŭ yang hruê: sa klei knhal tuč truh kơ jih jang; msĕ mơh ai tiê phung mnuih bŏ hŏng klei jhat, leh anăn klei mluk dôk hlăm ai tiê diñu êjai diñu dôk hdĭp, leh klei anăn diñu nao kơ anôk phung djiê.

Y-Yêrêmi 23:36

Ƀiădah đăm diih srăng lŏ bâo ôh, ‘Klei Yêhôwa bi ktrŏ,’ kyuadah klei ktrŏ jing klei grăp čô blŭ, leh anăn diih bi msoh leh kơ klei blŭ mơ̆ng Aê Diê hdĭp, Yêhôwa kơ phung kahan, Aê Diê drei blŭ.

Y-Ôsê 14:9

Hlei pô jing mnuih thâo mĭn, brei ñu thâo săng klei anei, hlei pô jing mnuih thâo ksiêm, brei ñu thâo kral digơ̆; kyuadah êlan Yêhôwa jing kpă, leh anăn phung kpă êbat tinăn, ƀiădah phung gao klei bhiăn srăng lĕ buh tinăn.

Y-Mathiơ 13:38

hma jing lăn ala, mjeh jăk jing phung anak ƀuôn ala mtao, rơ̆k jhat jing phung anak pô jhat,

Y-Mathiơ 15:19

Kyuadah mơ̆ng ai tiê yơh kbiă hriê klei mĭn jhat, klei bi mdjiê mnuih, klei tlĕ piu, klei knhông, klei tlĕ, klei hưn luar, klei mčeh.

Y-Mathiơ 23:13

“Knap mñai yơh kơ diih, Ơ phung khua čih hră leh anăn phung Pharisi, phung ai ngăm! Kyuadah diih kđăl ƀuôn ala mtao adiê kơ mnuih, diih pô amâo mŭt hlăm ƀuôn ala mtao anăn ôh, kăn brei rei phung čiăng mŭt tinăn. [

Y-Mathiơ 3:7

Ƀiădah tơdah ñu ƀuh lu phung Pharisi leh anăn phung Sadusi hriê tŭ klei ƀaptem, ñu lač kơ digơ̆, “Ơ phung djuê ala kpơ̆ng, hlei hưn kơ diih dưi đuĕ mơ̆ng klei Aê Diê ngêñ srăng truh?

Y-Luk 11:39

Ƀiădah Khua Yang lač kơ gơ̆, “Phung diih Pharisi bi doh ti êngao kčok leh anăn jam, ƀiădah hlăm lam diih bŏ hŏng klei mplư leh anăn klei ƀai.

Y-Luk 11:52

Knap mñai yơh kơ diih, Ơ phung khua klei bhiăn! Kyuadah diih djă pioh leh kliăng klei thâo mĭn; diih pô amâo tuôm mŭt ôh, leh anăn diih ghă phung čiăng mŭt.”

Y-Yôhan 1:23

Ñu lač, “Kâo jing asăp sa čô mnuih hưn kraih hlăm kdrăn tač, ‘Mkra bi dap êlan Khua Yang,’ tui si khua pô hưn êlâo Y-Êsai lač leh.”

Y-Yôhan 8:44

Diih kbiă hriê mơ̆ng ama diih yang jhat, leh anăn diih čiăng ngă tui si klei ama diih čiăng. Ñu jing pô bi mdjiê mnuih mơ̆ng mphŭn, leh anăn ñu amâo mâo sa kdrêč hlăm klei sĭt nik ôh, kyuadah amâo mâo ôh klei sĭt nik hlăm ñu. Tơdah ñu luar, ñu blŭ tui si knuih ñu pô, kyuadah ñu jing pô luar leh anăn ama klei luar.

Bruă Phung Khua Ƀĭng Kna 20:30

Leh anăn mơ̆ng krah phung diih pô srăng mâo mnuih mtô klei luar, čiăng mplư phung ƀĭng kna tui hlue diñu.

II Kôrantô 11:3

Ƀiădah kâo huĭ msĕ si ala mplư leh H'Êwơ hŏng klei ñu thâo mnêč, snăn mơh klei mĭn diih srăng weh đuĕ mơ̆ng klei diih jao leh diih pô kơ Krist hŏng klei kpă leh anăn klei doh.

Galati 1:7

amâo djŏ ôh mâo klei mrâo mrang jăk mkăn, ƀiădah mâo đa đa mnuih bi rŭng klei mĭn diih leh anăn čiăng bi msoh klei mrâo mrang jăk Krist.

Êphêsô 4:14

Klei anăn čiăng kơ drei amâo lŏ jing ôh phung hđeh mâo angĭn kpuh mđung wĭt nao hŏng klei mtô mdê mdê mơ̆ng phung mnuih mnêč leh anăn phung knhăk mplư.

II Y-Pêtrôs 2:15

Êjai diñu hngah êlan kpă, diñu klah đuĕ leh. Diñu tui hlue leh êlan Y-Balaam anak êkei Y-Bôsôr, pô khăp ênoh mưn kơ bruă soh.

I Y-Yôhan 3:8

Hlei pô ngă soh jing anak yang jhat; kyuadah yang jhat ngă soh leh mơ̆ng mphŭn dơ̆ng. Anak Aê Diê bi êdah leh čiăng bi rai bruă yang jhat.