Bruă Phung Khua Ƀĭng Kna 12:7 - Klei Aê Diê Blŭ 2015

⁷ Bhiâo riâo rit, sa čô dĭng buăl jăk Khua Yang bi êdah, leh anăn mâo klei mngač mtrang hlăm war. Dĭng buăl jăk čăm Y-Pêtrôs ti djiêô êrâo ñu, leh anăn lač, “Kgŭ bĕ djăl.” Leh anăn klei săng đai tloh lĕ mơ̆ng kngan ñu.

Bruă Phung Khua Ƀĭng Kna 12:7 Iomraidhean Croise

II Y-Samuel 22:29

Sĭt nik, Ih jing pui kđen kâo, Ơ Yêhôwa, leh anăn Aê Diê kâo bi mngač klei mmăt kâo.

I Bruă Mtao 19:5

Ñu đih leh anăn pĭt ti gŭ ana kyâo anăn; leh anăn nĕ anei sa čô dĭng buăl jăk ruêh ñu leh anăn lač kơ ñu, “Kgŭ leh anăn ƀơ̆ng bĕ.”

I Bruă Mtao 19:7

Dĭng buăl jăk lŏ hriê tal dua, ruêh ñu, leh anăn lač, “Kgŭ leh anăn ƀơ̆ng bĕ, kyuadah klei hiu ăt dôk kbưi đei kơ ih.”

Klei Mmuñ Hđăp 107:14

Gơ̆ atăt diñu kbiă mơ̆ng klei mmăt leh anăn êyui klei djiê, leh anăn bi tloh klei săng đai diñu.

Klei Mmuñ Hđăp 116:16

Ơ Yêhôwa, sĭt nik kâo jing dĭng buăl Ih, kâo jing dĭng buăl Ih, anak êkei dĭng buăl mniê Ih; Ih kleh leh bră kă kâo.

Klei Mmuñ Hđăp 146:7

Ñu ngă klei djŏ kơ phung arăng ktư̆ juă, leh anăn brei mnơ̆ng ƀơ̆ng huă kơ phung êpa. Yêhôwa bi êngiê phung mnă.

Klei Mmuñ Hđăp 34:7

Dĭng buăl jăk Yêhôwa dôk jŭm dar phung huĭ mpŭ kơ Ñu, leh anăn bi mtlaih digơ̆.

Klei Mmuñ Hđăp 68:6

Aê Diê brei găp djuê kơ phung dôk hjăn; Ñu atăt bi kbiă phung mnă leh anăn brei digơ̆ dôk hơ̆k kdơ̆k; ƀiădah phung bi kdơ̆ng dôk hlăm anôk lăn thu mlu.

Y-Êsai 37:30

Anei srăng jing klei bi knăl kơ ih, Ơ mtao Y-Hêsêkia: ‘Thŭn anei ih srăng ƀơ̆ng boh čăt hjăn ñu pô, leh anăn thŭn tal dua mnơ̆ng čăt hjăn ñu pô msĕ mơh. Thŭn tal tlâo brei ih rah wiă, pla đang boh kriăk ƀâo leh anăn ƀơ̆ng boh gơ̆.

Y-Êsai 60:1

“Kgŭ bĕ, mtrang bĕ, kyuadah klei mngač ih truh leh, leh anăn klei guh kơang Yêhôwa mtrang leh ti dlông ih.

Y-Yêrêmi 40:1

Yêhôwa blŭ kơ Y-Yêrêmi leh Y-Nebusaradan khua kahan phung gak phưi ñu nao mơ̆ng ƀuôn Rama, tơdah Y-Nebusaradan kă ñu hŏng klei săng đai mbĭt hŏng jih jang phung mnă mơ̆ng ƀuôn Yêrusalem leh anăn čar Yuđa, phung arăng atăt jing mnă kơ čar Ƀaƀilôn.

Y-Êsêkiêl 43:2

Nĕ anei, klei guh kơang Aê Diê Israel hriê mơ̆ng ngŏ; ênai klei Ñu hriê msĕ si ênai lu êa; leh anăn lăn ala kmlăi hŏng klei guh kơang Ñu.

Y-Đaniel 3:28

Y-Nebukatnetsar lač, “Mpŭ mni kơ Aê Diê Y-Sadrak, Y-Mêsăk, leh anăn Y-Abetnêgô, Pô tiŏ nao dĭng buăl jăk Ñu bi mtlaih leh phung dĭng buăl knang kơ Ñu, phung bi mlih leh klei mtao mtă, leh anăn săn asei mlei digơ̆ čiăng amâo kkuh mpŭ kơ yang mkăn ôh knŏng hjăn Aê Diê digơ̆ pô.

Y-Đaniel 6:22

Aê Diê kâo tiŏ hriê leh dĭng buăl jăk Ñu kđăl hĕ ƀăng êgei êmông gu; snăn diñu amâo ngă jhat kơ kâo ôh, kyuadah Aê Diê ƀuh kâo amâo mâo klei soh ôh ti anăp Ñu. Leh anăn wăt ti anăp ih msĕ mơh, Ơ mtao, kâo kăn ngă klei soh rei.”

Y-Mika 7:9

Kâo srăng tŭ klei Yêhôwa ăl, kyuadah kâo ngă soh leh hŏng Ñu, tơl Ñu blŭ mgang brei kđi kâo leh anăn phat brei kđi kâo. Ñu srăng atăt kâo kơ klei mngač, kâo srăng ƀuh klei Ñu kpă ênô.

Y-Haƀakuk 3:11

Yang hruê leh anăn mlan dôk hĕ hlăm adiê kyua klei mngač ƀrăm Ih tơdah Ih mnah diñu, kyua klei kmlăi kju Ih mtrang.

Y-Haƀakuk 3:4

Klei kmlăi Ñu jing msĕ si klei mngač yang hruê, klei ktlă kbiă mơ̆ng kngan Ñu; tinăn Ñu mdăp klei myang Ñu.

Y-Mathiơ 2:13

Leh phung knhâo đuĕ wĭt, nĕ anei mâo sa čô dĭng buăl jăk Khua Yang bi êdah hlăm klei êpei kơ Y-Yôsep leh anăn lač, “Kgŭ bĕ ih, mă hđeh điêt leh anăn amĭ Gơ̆, đuĕ kơ čar Êjip, leh anăn dôk tinăn tơl kâo srăng lŏ hưn kơ ih; kyuadah mtao Hêrôt dơ̆ng duah hđeh điêt čiăng bi mdjiê hĕ Gơ̆.”

Y-Luk 2:9

Mâo sa čô dĭng buăl jăk Khua Yang bi êdah kơ diñu, klei guh kơang Khua Yang mtrang jŭm dar diñu, snăn diñu huĭ snăk.

Y-Luk 24:4

Êjai diñu bi kngăr kơ klei anăn, nĕ anei mâo dua čô êkei dôk giăm diñu hơô ao kmlăi snăk.

Bruă Phung Khua Ƀĭng Kna 10:30

Y-Kornei lač, “Êgao leh pă hruê, hlăm brô mông anei, kâo pioh mông wah lač ti tlâo mông tlam hlăm sang kâo; leh anăn bhiâo riâo rit, sa čô êkei hơô ao mngač snăk dôk ti anăp kâo,

Bruă Phung Khua Ƀĭng Kna 12:23

Hlăk anăn mtam sa čô dĭng buăl jăk Khua Yang čăm mtao Hêrôt, kyuadah ñu amâo brei klei guh kơang kơ Aê Diê ôh, leh anăn hluăt ƀơ̆ng ñu tơl djiê.

Bruă Phung Khua Ƀĭng Kna 12:6

Mlam êlâo kơ hruê mtao Hêrôt čiăng atăt ba gơ̆ kơ tač, Y-Pêtrôs dôk pĭt ti plah wah dua čô kahan, kă hŏng dua aruăt klei săng đai; leh anăn ti anăp ƀăng bhă mâo phung kahan kiă war mnă.

Bruă Phung Khua Ƀĭng Kna 12:8

Dĭng buăl jăk lač kơ ñu, “Hơô bĕ čhiăm ao ih leh anăn čŭt klĭt juă.” Y-Pêtrôs ngă snăn. Dĭng buăl jăk lač kơ ñu, “Hơô ao jhung ih leh anăn tui hlue kâo.”

Bruă Phung Khua Ƀĭng Kna 16:26

Bhiâo riâo rit mâo klei yơ̆ng lăn ala ktang, tơl atur sang war mgei; mông anăn jih jang ƀăng bhă pŏk sơăi, leh anăn klei săng đai phung mnă tlaih jih.

Bruă Phung Khua Ƀĭng Kna 2:24

Ƀiădah Aê Diê bi kbiă lŏ hdĭp Ñu leh, bi êngiê leh Ñu mơ̆ng klei myang klei djiê, kyuadah klei djiê amâo dưi kơ̆ng Ñu ôh.

Bruă Phung Khua Ƀĭng Kna 5:19

Ƀiădah êjai mlam sa čô dĭng buăl jăk Khua Yang pŏk brei ƀăng bhă war leh anăn atăt digơ̆ kbiă ti tač, leh anăn lač,

Bruă Phung Khua Ƀĭng Kna 9:3

Êjai ñu êbat giăm truh kơ ƀuôn Damas, bhiâo riâo rit mâo klei mngač mơ̆ng adiê mtrang jŭm ñu.

Êphêsô 5:14

Kyua anăn Klei Aê Diê Blŭ lač leh, “Ơ pô dôk pĭt, mdih leh anăn kgŭ bĕ ih mơ̆ng phung djiê, leh anăn Krist srăng bi mngač ih.”

Hêbrơ 1:14

Snăn, hlei jing phung dĭng buăl jăk? Amâo djŏ hĕ jih jang diñu jing phung yang Aê Diê tiŏ nao mă bruă kơ phung srăng dưn klei bi mtlaih?

Klei Bi Êdah 18:1

Êdei kơ klei anăn kâo ƀuh sa čô dĭng buăl jăk mkăn trŭn mơ̆ng adiê, mâo klei dưi prŏng; leh anăn lăn ala jing mngač hŏng klei guh kơang ñu.