Bruă Phung Khua Ƀĭng Kna 12:6 - Klei Aê Diê Blŭ 2015

⁶ Mlam êlâo kơ hruê mtao Hêrôt čiăng atăt ba gơ̆ kơ tač, Y-Pêtrôs dôk pĭt ti plah wah dua čô kahan, kă hŏng dua aruăt klei săng đai; leh anăn ti anăp ƀăng bhă mâo phung kahan kiă war mnă.

Bruă Phung Khua Ƀĭng Kna 12:6 Iomraidhean Croise

Klei Mphŭn Dơ̆ng 22:14

Y-Abraham pia anôk anăn “Yêhôwa Jirê”; kyuanăn yơh arăng lač truh ti hruê anei, “Ti čư̆ Yêhôwa srăng mâo klei brei.”

Klei Mmuñ Hđăp 4:8

Kâo srăng đih leh anăn pĭt hŏng klei êđăp ênang; kyuadah knŏng Ih, Ơ Yêhôwa, brei kâo dôk mdei hŏng klei hơĭt.

Y-Yêrêmi 40:1

Yêhôwa blŭ kơ Y-Yêrêmi leh Y-Nebusaradan khua kahan phung gak phưi ñu nao mơ̆ng ƀuôn Rama, tơdah Y-Nebusaradan kă ñu hŏng klei săng đai mbĭt hŏng jih jang phung mnă mơ̆ng ƀuôn Yêrusalem leh anăn čar Yuđa, phung arăng atăt jing mnă kơ čar Ƀaƀilôn.

Y-Yêrêmi 40:4

Nĕ hruê anei kâo kleh săng đai ti kngan ih. Tơdah ih mĭn jăk nao mbĭt hŏng kâo kơ čar Ƀaƀilôn, nao bĕ, leh anăn kâo srăng kiă kriê ih bi jăk. Ƀiădah tơdah ih mĭn amâo jăk nao mbĭt hŏng kâo kơ čar Ƀaƀilôn, đăm nao ôh. Dlăng bĕ, jih čar dôk ti anăp ih; nao bĕ ti anôk ih mĭn jăk leh anăn djŏ.”

Y-Mathiơ 28:4

Phung kahan huĭ kơ ñu, ktư̆ yơ̆ng tơl jing msĕ si mnuih djiê.

Bruă Phung Khua Ƀĭng Kna 12:5

Snăn Y-Pêtrôs tŭ klei krư̆ hlăm war; ƀiădah Phung Sang Aê Diê wah lač kơ gơ̆ hŏng jih ai tiê.

Bruă Phung Khua Ƀĭng Kna 21:33

Khua kahan prŏng nao giăm, mă Y-Pôl leh anăn mtă kơ arăng kă gơ̆ hŏng dua aruăt klei săng đai. Ñu êmuh hlei gơ̆ jing leh anăn ya klei gơ̆ ngă leh.

Bruă Phung Khua Ƀĭng Kna 28:20

Kyuanăn yơh kâo akâo čiăng bi tuôm leh anăn blŭ hrăm hŏng diih, kyua klei phung Israel čang hmăng yơh arăng kă kâo hŏng klei săng đai anei.”

Bruă Phung Khua Ƀĭng Kna 5:23

“Hmei ƀuh war mnă khuă kjăp leh, leh anăn phung kahan gak ăt dôk ti êngao ƀăng bhă, ƀiădah tơdah hmei pŏk ƀăng bhă, hmei amâo ƀuh sa čô mnuih hlăm lam ôh.”

Êphêsô 6:20

Kyua bruă anăn kâo jing dĭng ktang arăng kă hŏng klei săng đai. Snăn wah lač kơ kâo čiăng kơ kâo dưi hưn klei anei hŏng klei jhŏng tui si jing djŏ kơ kâo blŭ.

Klei Mtô Mñă Klei Bhiăn 32:26

Kâo lač leh, ‘Kâo srăng kpuh mđuĕ diñu kbưi, Kâo srăng bi ruê̆ klei hdơr kơ diñu ti krah phung mnuih.’

II Y-Timôthê 1:16

akâo kơ Khua Yang brei klei pap kơ sang Y-Ônêsiphôr, kyuadah ñu bi juh kâo leh jêñ jêñ. Ñu amâo hêñ ôh kơ klei arăng kă kâo hŏng klei săng đai,

Hêbrơ 13:6

Snăn drei dưi lač hŏng klei knang, “Khua Yang jing Pô đru kâo, kâo amâo srăng huĭ ôh; ya mnuih dưi ngă kơ kâo?”