Bruă Phung Khua Ƀĭng Kna 12:3 - Klei Aê Diê Blŭ 2015

³ Tơdah ñu ƀuh klei anăn bi mơak kơ phung Yuđa, ñu brei arăng mă čăp Y-Pêtrôs msĕ mơh. Klei anăn truh êjai hruê ƀơ̆ng kpŭng amâo mâo kpei.

Bruă Phung Khua Ƀĭng Kna 12:3 Iomraidhean Croise

Klei Mmuñ Hđăp 76:10

Sĭt nik klei mnuih ngêñ ăt srăng brei klei bi mni kơ Ih; Ih srăng yua klei ngêñ ăt dôk, bi guh kơang Ih.

Klei Kbiă 23:15

Brei ih ngă klei knăm kơ Kpŭng Amâo Mâo Kpei; tui si Kâo mtă leh, ih srăng ƀơ̆ng kpŭng amâo mâo kpei êjai kjuh hruê bi kčah leh hlăm mlan pă, kyuadah mlan anăn yơh ih kbiă leh mơ̆ng čar Êjip. Đăm brei sa čô hriê ti anăp Kâo hŏng kngan mang ôh.

Y-Mathiơ 26:17

Hruê tal sa hlăm klei ƀơ̆ng kpŭng amâo mâo kpei phung ƀĭng kna nao kơ Yêsu leh anăn lač, “Ti anôk Ih brei hmei mkra kơ Ih ƀơ̆ng Knăm Klei Găn?”

Y-Yôhan 12:43

Kyuadah diñu khăp kơ klei mnuih mpŭ mni lu hĭn kơ klei Aê Diê mpŭ mni.

Y-Yôhan 19:11

Yêsu lŏ wĭt lač kơ Aê Pilat, “Ih amâo mâo klei dưi ngă kơ Kâo ôh, tơdah Aê Diê amâo brei klei dưi anăn kơ ih. Kyuanăn hlei pô jao Kâo kơ ih mâo klei soh prŏng hĭn.”

Y-Yôhan 21:18

Kâo lač kơ ih klei sĭt nik, êjai ih hlăk ai, ih hyuă kơiêng ih pô leh anăn nao ti anôk ih čiăng; ƀiădah tơdah ih mduôn, ih srăng yơr kngan, leh anăn sa čô mkăn srăng hyuă brei hdrăng kơiêng ih, leh anăn srăng atăt ba ih ti anôk ih amâo čiăng nao ôh.”

Bruă Phung Khua Ƀĭng Kna 12:4

Tơdah mă čăp leh Y-Pêtrôs, ñu brei krư̆ gơ̆ hlăm war, jao gơ̆ kơ pă grông kahan kiă. Ñu mĭn leh ruê̆ hruê Knăm Klei Găn srăng atăt ba gơ̆ kơ phung ƀuôn sang.

Bruă Phung Khua Ƀĭng Kna 2:14

Ƀiădah Y-Pêtrôs dôk dơ̆ng mbĭt hŏng phung pluh sa čô, blŭ kraih kơ phung anăn, “Ơ phung Yuđa leh anăn jih jang mnuih dôk ti ƀuôn Yêrusalem, brei diih thâo klei anei, leh anăn mđing knga kơ klei kâo blŭ.

Bruă Phung Khua Ƀĭng Kna 20:6

Leh ruê̆ hruê ƀơ̆ng kpŭng amâo mâo kpei, hmei đĭ kŭmpăn mơ̆ng ƀuôn Philip, leh anăn êgao êma hruê hmei bi tuôm hŏng diñu ti ƀuôn Trôas. Tinăn hmei dôk kjuh hruê.

Bruă Phung Khua Ƀĭng Kna 24:27

Ƀiădah tơdah êgao leh dua thŭn, Aê Pôrtus Phêtus hriê hrô Aê Phêlik. Kyuadah Aê Phêlik čiăng bi mơak kơ phung Yuđa, ñu ăt brei arăng krư̆ Y-Pôl.

Bruă Phung Khua Ƀĭng Kna 25:9

Ƀiădah Aê Phêtus, čiăng bi mơak kơ phung Yuđa, lač kơ Y-Pôl, “Ih čiăng đĭ nao kơ ƀuôn Yêrusalem leh anăn tŭ klei phat kđi klei anei ti anăp kâo tinăn mơ̆?”

Bruă Phung Khua Ƀĭng Kna 4:13

Tơdah diñu ƀuh klei jhŏng Y-Pêtrôs leh anăn Y-Yôhan, diñu bi kngăr, kyuadah diñu thâo kơ digơ̆ jing mnuih ƀuôn sang amâo tuôm hriăm hră mơar ôh. Leh anăn diñu thâo kral kơ digơ̆ dôk leh mbĭt hŏng Yêsu.

Galati 1:10

Ară anei kâo tui duah klei mnuih tŭ mơ̆, amâodah klei Aê Diê tŭ? Amâodah kâo čiăng bi mơak kơ mnuih mơ̆? Tơdah kâo ăt bi mơak kơ mnuih, kâo amâo jing ôh dĭng buăl kơ Krist.

I Têsalônik 2:4

ƀiădah tui si Aê Diê yap leh hmei năng jao kơ hmei klei mrâo mrang jăk, snăn hmei blŭ, amâo djŏ čiăng bi mơak kơ mnuih ôh, ƀiădah čiăng bi mơak kơ Aê Diê, Pô ksiêm ai tiê hmei.