Bruă Phung Khua Ƀĭng Kna 12:11 - Klei Aê Diê Blŭ 2015

¹¹ Y-Pêtrôs thâo săng leh klei truh leh anăn lač, “Ară anei hin kâo thâo sĭt kơ Khua Yang tiŏ hriê leh dĭng buăl jăk Ñu bi mtlaih kâo mơ̆ng kngan mtao Hêrôt leh anăn mơ̆ng jih klei phung Yuđa amra ngă kơ kâo.”

Bruă Phung Khua Ƀĭng Kna 12:11 Iomraidhean Croise

Klei Mphŭn Dơ̆ng 15:13

Khua Yang lač kơ Y-Abram, “Brei ih thâo sĭt nik kơ phung anak čô ih srăng dôk hlăm čar amâo djŏ čar diñu pô ôh; diñu srăng jing hlŭn kơ phung anăn, leh anăn phung anăn srăng ktư̆ juă diñu êjai pă êtuh thŭn.

Klei Mphŭn Dơ̆ng 18:13

Khua Yang lač kơ Y-Abraham, “Si ngă H'Sara tlao leh anăn lač, ‘Sĭt mơ̆ kâo srăng mâo sa čô anak tơdah kâo mduôn leh?’

Klei Mphŭn Dơ̆ng 26:9

Y-Abimêlek iêô Y-Isăk leh anăn lač, “Sĭt nik gơ̆ jing mô̆ ih. Si ih lač, ‘Gơ̆ jing adei mniê kâo’?” Y-Isăk lač kơ ñu, “Kyuadah kâo mĭn kâo srăng djiê kyua gơ̆.”

II Y-Samuel 22:1

Y-Đawit blŭ kơ Yêhôwa boh blŭ klei mmuñ anei ti hruê Yêhôwa bi mtlaih ñu mơ̆ng kngan jih jang phung roh ñu, leh anăn mơ̆ng kngan Y-Sôl.

II Klei Yăl Dliê 16:9

Kyuadah ală Yêhôwa dlăng tar ƀar lăn ala čiăng bi êdah klei ktang ñu tĭng kơ phung mâo ai tiê arăng amâo dưi ƀuah ôh ti anăp Yêhôwa. Hlăm klei anei ih ngă klei mluk; kyuadah mơ̆ng anei kơ anăp ih srăng mâo klei bi blah.”

Y-Yôp 31:31

tơdah phung mnuih hlăm sang čhiăm kâo amâo tuôm lač ôh, ‘Hlei pô amâo tuôm trei hŏng mnơ̆ng ƀơ̆ng huă Y-Yôp?’

Y-Yôp 5:19

Ñu srăng bi mtlaih ih mơ̆ng năm mta klei rŭng răng; wăt kjuh mta dưn mơh, klei ƀai amâo srăng ngă kơ ih ôh.

Klei Mmuñ Hđăp 109:31

Kyuadah Ñu dôk dơ̆ng tĭng hnuă pô kƀah, čiăng bi mtlaih gơ̆ mơ̆ng phung phat kđi gơ̆.

Klei Mmuñ Hđăp 33:18

Nĕ anei, ală Yêhôwa dlăng kơ phung huĭ mpŭ kơ Ñu, kơ phung knang kơ klei Ñu khăp sĭt suôr,

Klei Mmuñ Hđăp 33:19

čiăng kơ Ñu bi mtlaih mngăt digơ̆ mơ̆ng klei djiê, leh anăn pioh klei hdĭp digơ̆ êjai klei ư̆ êpa.

Klei Mmuñ Hđăp 34:22

Yêhôwa bi tui mngăt phung dĭng buăl Ñu; amâo mâo sa čô đuĕ dăp hlăm Ñu srăng tŭ klei bi kmhal.

Klei Mmuñ Hđăp 34:7

Dĭng buăl jăk Yêhôwa dôk jŭm dar phung huĭ mpŭ kơ Ñu, leh anăn bi mtlaih digơ̆.

Klei Mmuñ Hđăp 41:2

Yêhôwa mgang ñu leh anăn pioh klei hdĭp ñu, ñu srăng mâo klei jăk jĭn ti lăn čar, leh anăn Ih amâo jao ñu ôh kơ klei phung roh ñu čiăng ngă.

Klei Mmuñ Hđăp 97:10

Brei phung khăp kơ Yêhôwa bi êmut kơ klei jhat; Ñu mgang klei hdĭp phung sĭt suôr hŏng Ñu; Ñu bi mtlaih digơ̆ mơ̆ng kngan phung ƀai.

Y-Đaniel 3:25

Mtao lŏ wĭt lač, “Dlăng bĕ, kâo ƀuh pă čô mnuih tlaih leh, êbat ti krah pui, amâo mâo êka ôh; leh anăn ƀô̆ mta pô tal pă anăn jing msĕ si sa čô anak êkei phung yang.”

Y-Đaniel 3:28

Y-Nebukatnetsar lač, “Mpŭ mni kơ Aê Diê Y-Sadrak, Y-Mêsăk, leh anăn Y-Abetnêgô, Pô tiŏ nao dĭng buăl jăk Ñu bi mtlaih leh phung dĭng buăl knang kơ Ñu, phung bi mlih leh klei mtao mtă, leh anăn săn asei mlei digơ̆ čiăng amâo kkuh mpŭ kơ yang mkăn ôh knŏng hjăn Aê Diê digơ̆ pô.

Y-Đaniel 6:22

Aê Diê kâo tiŏ hriê leh dĭng buăl jăk Ñu kđăl hĕ ƀăng êgei êmông gu; snăn diñu amâo ngă jhat kơ kâo ôh, kyuadah Aê Diê ƀuh kâo amâo mâo klei soh ôh ti anăp Ñu. Leh anăn wăt ti anăp ih msĕ mơh, Ơ mtao, kâo kăn ngă klei soh rei.”

Y-Luk 15:17

Snăn ñu dơ̆ng ksiêm wĭt hlăm ai tiê ñu, ñu lač, ‘Mâo lu phung dĭng buăl ama kâo mưn mâo kpŭng ƀơ̆ng djăp leh anăn êbeh mơh, ƀiădah kâo dơ̆ng djiê êwiêt tinei.

Bruă Phung Khua Ƀĭng Kna 12:7

Bhiâo riâo rit, sa čô dĭng buăl jăk Khua Yang bi êdah, leh anăn mâo klei mngač mtrang hlăm war. Dĭng buăl jăk čăm Y-Pêtrôs ti djiêô êrâo ñu, leh anăn lač, “Kgŭ bĕ djăl.” Leh anăn klei săng đai tloh lĕ mơ̆ng kngan ñu.

Bruă Phung Khua Ƀĭng Kna 24:27

Ƀiădah tơdah êgao leh dua thŭn, Aê Pôrtus Phêtus hriê hrô Aê Phêlik. Kyuadah Aê Phêlik čiăng bi mơak kơ phung Yuđa, ñu ăt brei arăng krư̆ Y-Pôl.

Bruă Phung Khua Ƀĭng Kna 25:9

Ƀiădah Aê Phêtus, čiăng bi mơak kơ phung Yuđa, lač kơ Y-Pôl, “Ih čiăng đĭ nao kơ ƀuôn Yêrusalem leh anăn tŭ klei phat kđi klei anei ti anăp kâo tinăn mơ̆?”

Bruă Phung Khua Ƀĭng Kna 5:19

Ƀiădah êjai mlam sa čô dĭng buăl jăk Khua Yang pŏk brei ƀăng bhă war leh anăn atăt digơ̆ kbiă ti tač, leh anăn lač,

Hêbrơ 1:14

Snăn, hlei jing phung dĭng buăl jăk? Amâo djŏ hĕ jih jang diñu jing phung yang Aê Diê tiŏ nao mă bruă kơ phung srăng dưn klei bi mtlaih?

II Y-Pêtrôs 2:9

snăn Khua Yang thâo bi mtlaih phung mpŭ kơ Aê Diê mơ̆ng klei lông dlăng, leh anăn thâo pioh phung wê hlăm klei bi kmhal tơl truh Hruê Phat Kđi,