Bruă Phung Khua Ƀĭng Kna 11:21 - Klei Aê Diê Blŭ 2015

²¹ Kngan Khua Yang dôk mbĭt hŏng diñu, leh anăn mâo lu mnuih đăo kơ Khua Yang.

Bruă Phung Khua Ƀĭng Kna 11:21 Iomraidhean Croise

II Klei Yăl Dliê 30:12

Msĕ mơh kngan Aê Diê yơr kơ phung Yuđa čiăng brei kơ diñu mâo sa ai čiăng ngă klei mtao leh anăn phung khua mtă leh tui si klei Yêhôwa blŭ.

Y-Êsra 7:9

Kyuadah hlăm hruê tal sa mlan tal sa ñu dơ̆ng đĭ nao mơ̆ng čar Ƀaƀilôn, leh anăn hlăm hruê tal sa mlan tal êma ñu truh kơ ƀuôn Yêrusalem, kyuadah kngan jăk Aê Diê ñu dôk ti ñu.

Y-Êsra 8:18

Leh anăn tui si kngan jăk Aê Diê dôk ti hmei, diñu atăt kơ hmei sa čô mnuih thâo mĭn hlăm phung anak êkei Y-Mahli anak êkei Y-Lêwi, anak êkei Y-Israel, anăn gơ̆ Y-Sêrêbia mbĭt hŏng phung anak êkei gơ̆ leh anăn phung găp djuê gơ̆, mâo pluh sa păn čô;

Y-Nêhêmi 2:18

Kâo hưn kơ diñu kơ kngan Aê Diê kâo dôk leh ti kâo kơ klei jăk, leh anăn msĕ mơh kơ klei blŭ mtao hưn leh kơ kâo. Diñu lač, “Bơ bĕ drei kgŭ leh anăn mdơ̆ng.” Snăn diñu bi ktang kngan diñu kơ bruă jăk.

Y-Nêhêmi 2:8

leh anăn sa pŏk hră mơĭt kơ Y-Asap pô kiă kmrơ̆ng mtao, čiăng kơ ñu brei kơ kâo kyâo pioh ngă kmeh ƀăng jang kđông mgang sang yang leh anăn kơ mnư̆ ƀuôn, leh anăn kơ sang kâo srăng dôk.” Mtao brei kơ kâo ya mnơ̆ng kâo akâo leh, kyuadah kngan jăk Aê Diê dôk ti kâo.

Y-Êsai 53:1

Hlei pô đăo leh kơ klei hmei hưn, leh anăn kơ hlei pô bruă păl Yêhôwa ngă bi êdah leh?

Y-Êsai 59:1

Nĕ anei, kngan Yêhôwa amâo jing đŭt ôh tơl Ñu amâo dưi bi mtlaih, knga Ñu kăn dăl rei tơl Ñu amâo dưi hmư̆ ôh.

Y-Luk 1:66

Jih jang phung hmư̆ klei anăn djă pioh hlăm ai tiê diñu leh anăn lač, “Ya anak anăn srăng jing?” leh anăn kngan Khua Yang dôk mbĭt hŏng gơ̆.

Bruă Phung Khua Ƀĭng Kna 11:24

Y-Barnabas jing mnuih jăk, bŏ hŏng Yang Mngăt Jăk leh anăn klei đăo. Mâo lu mnuih đăo kơ Khua Yang.

Bruă Phung Khua Ƀĭng Kna 15:19

Kyuanăn tui si klei kâo mĭn, đăm drei bi dleh ôh phung tue đăo kơ Aê Diê.

Bruă Phung Khua Ƀĭng Kna 2:47

bi mni kơ Aê Diê leh anăn bi mơak kơ jih jang phung ƀuôn sang. Leh anăn grăp hruê Khua Yang lŏ thiăm kơ Phung Sang Aê Diê phung mă tŭ klei bi mtlaih.

Bruă Phung Khua Ƀĭng Kna 4:4

Wăt tơdah snăn lu phung hmư̆ klei blŭ anăn đăo; leh anăn ênoh phung êkei đăo lŏ thiăm truh kơ hlăm brô êma êbâo čô.

Bruă Phung Khua Ƀĭng Kna 5:14

Phung đăo kơ Khua Yang lŏ thiăm lu hĭn êjai, wăt êkei wăt mniê.

Bruă Phung Khua Ƀĭng Kna 6:7

Klei Aê Diê blŭ kčaĭ truh tar ƀar hĭn êjai, leh anăn phung ƀĭng kna jing lar lu hĭn hlăm ƀuôn Yêrusalem, leh anăn lu phung khua ngă yang mă tŭ klei đăo.

Bruă Phung Khua Ƀĭng Kna 9:35

Jih jang phung ƀuôn sang ti ƀuôn Lida leh anăn ƀuôn Sarôn ƀuh gơ̆, leh anăn diñu đăo kơ Khua Yang.

I Têsalônik 1:5

kyuadah klei mrâo mrang jăk hmei mtô truh leh kơ diih, amâo djŏ knŏng hlăm klei blŭ ôh, ƀiădah wăt hŏng klei myang, hŏng Yang Mngăt Jăk, leh anăn hŏng jih klei thâo sĭt. Diih thâo leh si klei hmei dôk hdĭp ti krah diih kyua diih.