Bruă Phung Khua Ƀĭng Kna 11:1 - Klei Aê Diê Blŭ 2015

¹ Phung khua ƀĭng kna leh anăn phung ayŏng adei dôk hlăm čar Yuđa hmư̆ kơ phung tue msĕ mơh mă tŭ klei Aê Diê blŭ.

Bruă Phung Khua Ƀĭng Kna 11:1 Iomraidhean Croise

Klei Mphŭn Dơ̆ng 49:10

Giê mtao amâo srăng đuĕ mơ̆ng Y-Yuđa ôh, kăn giê knuăk kiă kriê đuĕ rei mơ̆ng ti krah jơ̆ng ñu, tơl Pô jing năng kơ dŏ anăn truh; leh anăn kơ Ñu yơh phung ƀuôn sang srăng gưt asăp.

Klei Mmuñ Hđăp 22:27

Jih jang knhal lăn ala srăng hdơr leh anăn wĭt kơ Yêhôwa; jih jang găp djuê mnuih srăng buôn kkuh ti anăp Ñu.

Y-Êsai 11:10

Hlăm hruê anăn agha Y-Yêsê srăng dôk tinăn msĕ si čhiăm gru kơ jih jang phung ƀuôn sang; phung găp djuê mnuih srăng duah Ñu, leh anăn anôk Ñu dôk mdei srăng mâo klei guh kơang.

Y-Êsai 32:15

tơl Aê Diê tuh Mngăt Myang kơ drei mơ̆ng dlông, leh anăn kdrăn tač lŏ jing hma mboh, leh anăn arăng dlăng kơ hma mboh msĕ si kmrơ̆ng.

Y-Êsai 42:1

“Nĕ anei, dĭng buăl Kâo, pô Kâo krơ̆ng, pô Kâo ruah leh, hlăm ñu mngăt Kâo mâo klei mơak. Kâo dưm leh Mngăt Myang Kâo ti ñu, ñu srăng ba klei kpă kơ phung găp djuê mnuih.

Y-Êsai 42:6

“Kâo gơ̆ Yêhôwa iêô ih leh hlăm klei kpă ênô; Kâo djă leh ih ti kngan. Kâo srăng kiă kriê ih brei ih jing sa klei bi mguôp kơ phung ƀuôn sang, klei mngač kơ phung găp djuê mnuih,

Y-Êsai 49:6

Ñu lač, “Jing klei điêt đei kơ ih jing dĭng buăl Kâo čiăng lŏ kơrŭ phung găp djuê Yakôp leh anăn čiăng lŏ mdơ̆ng phung Israel adôk. Kâo msĕ mơh srăng brei ih jing klei mngač kơ phung tue, čiăng kơ klei Kâo bi mtlaih dưi truh ti knhal lăn ala.”

Y-Êsai 52:10

Yêhôwa bi êdah leh bruă păl doh jăk Ñu ngă, ti anăp ală jih jang phung găp djuê mnuih, leh anăn jih jang knhal lăn ala srăng ƀuh klei Aê Diê drei bi mtlaih.

Y-Êsai 60:3

Phung găp djuê mnuih srăng hriê kơ klei mngač ih, leh anăn phung mtao kơ klei kmlăi klei ih mtrang aguah ưm.

Y-Êsai 62:2

Phung găp djuê mnuih srăng ƀuh klei kpă ênô ih, leh anăn jih jang phung mtao srăng ƀuh klei guh kơang ih; leh anăn arăng srăng pia ih hŏng anăn mrâo, Yêhôwa pô srăng brei.

Y-Yêrêmi 16:19

Ơ Yêhôwa, klei ktang kâo leh anăn kđông kjăp kâo, anôk kâo đuĕ dăp êjai hruê mâo klei rŭng răng, kơ Ih yơh phung găp djuê mnuih srăng hriê mơ̆ng knhal lăn ala leh anăn lač: “Phung aê hmei dưn knŏng klei luar, mnơ̆ng hơăi mang amâo mâo klei tŭ dưn ôh.

Y-Ôsê 2:23

Kâo srăng pla ñu kơ Kâo pô hlăm čar. Leh anăn Kâo srăng pap kơ pô ka mâo klei pap ôh, Kâo srăng lač kơ pô amâo djŏ ƀuôn sang Kâo ôh, ‘Diih jing phung ƀuôn sang Kâo,’ leh anăn diñu srăng lač, ‘Ih jing Aê Diê Kâo.’ ”

Y-Mika 5:7

Hlăk anăn kdrêč adôk mơ̆ng Yakôp srăng dôk ti krah lu phung ƀuôn sang msĕ si êa nguôm mơ̆ng Yêhôwa, msĕ si êa hjan ti rơ̆k mda, msĕ si mnơ̆ng amâo guôn kơ mnuih ôh, kăn bi kdung hruê kơ phung anak mnuih rei.

Y-Sôphôni 2:11

Yêhôwa srăng jing Pô bi huĭ snăk kơ diñu tơdah Ñu srăng bi mdjiê hŏng klei ư̆ êpa jih jang yang ti lăn ala, leh anăn phung găp djuê mnuih srăng buôn kkuh ti anăp Ñu, grăp čô hlăm anôk gơ̆ pô, hlăm jih plao ksĭ hlăm jih jang lăn čar.

Y-Sôphôni 3:9

Ênuk anăn Kâo srăng bi doh ƀăng kƀông phung ƀuôn sang, čiăng kơ jih jang diñu iêô anăn Yêhôwa leh anăn mă bruă sa ai kơ Ñu mđrăm mbĭt.

Y-Sakari 2:11

“Lu phung găp djuê mnuih srăng bi mguôp hŏng Yêhôwa hlăm hruê anăn, leh anăn srăng jing phung ƀuôn sang Kâo; leh anăn Kâo srăng dôk ti krah diih.” Diih srăng thâo Yêhôwa kơ phung kahan tiŏ nao leh kâo kơ diih.

Y-Malaki 1:11

Kyuadah mơ̆ng anôk yang hruê ƀlĕ truh ti anôk yang hruê lĕ, anăn Kâo jing prŏng ti krah phung găp djuê mnuih, leh anăn hlăm jih jang anôk arăng myơr mnơ̆ng ƀâo mngưi leh anăn mnơ̆ng myơr doh kơ anăn Kâo, kyuadah anăn Kâo jing prŏng ti krah phung găp djuê mnuih,” Yêhôwa kơ phung kahan lač.

Y-Mathiơ 2:1

Leh H'Mari kkiêng kơ Yêsu ti ƀuôn Betlêhem hlăm čar Yuđa ênuk mtao Hêrôt, nĕ anei mâo phung knhâo mơ̆ng čar Ngŏ truh ti ƀuôn Yêrusalem leh anăn êmuh,

Y-Mathiơ 8:11

Kâo hưn kơ diih, mâo lu mnuih srăng hriê mơ̆ng ngŏ mơ̆ng yŭ leh anăn dôk gŭ kơ klei huă mnăm mbĭt hŏng Y-Abraham, Y-Isăk, leh anăn Y-Yakôp hlăm ƀuôn ala mtao adiê,

Y-Markôs 16:5

Snăn diñu mŭt hlăm msat, diñu ƀuh sa čô êkei hlăk ai hơô ao jhung kô̆, dôk gŭ tĭng hnuă, leh anăn diñu huĭ snăk.

Y-Luk 2:32

jing klei mngač brei klei bi êdah kơ phung tue, leh anăn jing klei guh kơang kơ phung ƀuôn sang Ih Israel.”

Bruă Phung Khua Ƀĭng Kna 1:15

Đa hruê êdei kơ anăn Y-Pêtrôs kgŭ dơ̆ng ti krah phung ayŏng adei (mâo hlăm brô sa êtuh dua pluh čô), leh anăn lač,

Bruă Phung Khua Ƀĭng Kna 11:29

Phung ƀĭng kna mĭn čiăng mơĭt mnơ̆ng đru kơ phung ayŏng adei dôk hlăm čar Yuđa, tui si grăp čô dưi.

Bruă Phung Khua Ƀĭng Kna 14:27

Leh diñu truh, diñu bi kƀĭn Phung Sang Aê Diê leh anăn yăl dliê jih klei Aê Diê ngă mbĭt hŏng diñu, leh anăn si Aê Diê pŏk leh ƀăng bhă klei đăo kơ phung tue.

Bruă Phung Khua Ƀĭng Kna 15:3

Snăn leh Phung Sang Aê Diê tiŏ nao diñu, diñu găn čar Phênisi leh anăn čar Samari yăl dliê klei phung tue đăo. Klei anăn bi mơak snăk kơ jih jang phung ayŏng adei.

Bruă Phung Khua Ƀĭng Kna 28:15

Phung ayŏng adei ti ƀuôn Rôm, tơdah diñu hmư̆ hing kơ hmei, hriê truh ti Sang Mnia Apius leh anăn anôk arăng pia Tlâo Sang Jưh čiăng drông hmei. Tơdah ƀuh diñu, Y-Pôl bi mni kơ Aê Diê leh anăn bi mđĭ ai.