Bruă Phung Khua Ƀĭng Kna 10:4 - Klei Aê Diê Blŭ 2015

⁴ Hŏng klei huĭ snăk ñu dlăng amâo kƀreh ală ôh kơ dĭng buăl jăk leh anăn lač, “Ya klei mâo, Ơ Khua?” Dĭng buăl jăk lač kơ ñu, “Klei ih wah lač leh anăn mnơ̆ng ih brei pap đĭ leh truh kơ Aê Diê, leh anăn Aê Diê hdơr kơ klei anăn.

Bruă Phung Khua Ƀĭng Kna 10:4 Iomraidhean Croise

II Klei Yăl Dliê 32:24

Hlăm ênuk anăn Y-Hêsêkia mâo klei ruă tơl giăm djiê. Ñu wah lač kơ Yêhôwa; leh anăn Yêhôwa lŏ wĭt lač kơ ñu, leh anăn brei kơ ñu sa klei bi knăl.

II Klei Yăl Dliê 6:33

hmư̆ bĕ mơ̆ng anôk Ih dôk hlăm adiê, leh anăn ngă bĕ tui si jih jang klei pô tue anăn iêô wah lač kơ Ih, čiăng kơ jih jang mnuih ƀuôn sang ti lăn ala dưi thâo kral Anăn Ih leh anăn huĭ kơ Ih, msĕ si phung ƀuôn sang Ih Israel, leh anăn čiăng kơ digơ̆ dưi thâo kral kơ sang anei kâo mdơ̆ng leh arăng pia hŏng Anăn Ih.

Klei Mmuñ Hđăp 141:2

Brei ih yap klei kâo wah lač jing msĕ si mnơ̆ng ƀâo mngưi ti anăp ih; leh anăn klei kâo yơr kngan phă ih jing msĕ si mnơ̆ng myơr tlam.

Klei Mmuñ Hđăp 20:3

Akâo Ñu hdơr kơ jih jang mnơ̆ng ih myơr, leh anăn akâo Ñu tŭ mnơ̆ng ngă yang ih myơr čuh! (Sêla)

Y-Êsai 43:26

Bi hdơr bĕ kơ Kâo, brei drei bi mgăl mđrăm mbĭt; bi êdah bĕ klei diih mĭn diih ênuah ênô.

Y-Êsai 45:19

Kâo amâo tuôm blŭ hŏng klei hgăm ôh kăn blŭ hlăm čar klei mmăt rei. Kâo amâo tuôm lač ôh kơ phung anak čô Y-Yakôp, ‘diih duah Kâo hơăi mang!’ Kâo gơ̆ Yêhôwa, blŭ klei sĭt nik, Kâo hưn klei kpă.”

Y-Đaniel 10:11

Leh anăn ñu lač kơ kâo, “Ơ Y-Đaniel, pô arăng khăp snăk, brei ih hmư̆ bi nik klei kâo blŭ kơ ih, leh anăn brei ih dôk dơ̆ng kpă, kyuadah arăng tiŏ nao kâo kơ ih.” Êjai ñu blŭ kơ kâo snăn, kâo dôk dơ̆ng hŏng klei ktư̆ yơ̆ng.

Bruă Lêwi 2:2

Ñu srăng ba gơ̆ kơ phung anak êkei Y-Arôn phung khua ngă yang. Khua ngă yang srăng mă mơ̆ng gơ̆ sa kpăt kpŭng ƀhĭ leh anăn êa boh ôliwơ, mbĭt hŏng jih mnơ̆ng ƀâo mngưi gơ̆; leh anăn khua ngă yang srăng čuh dŏ anăn ti dlông knưl jing kdrêč bi hdơr, sa mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Y-Malaki 3:16

Leh anăn phung huĭ mpŭ kơ Yêhôwa bi blŭ hdơ̆ng diñu; Yêhôwa mđing knga leh anăn dôk hmư̆ diñu. Leh anăn arăng čih sa pŏk hdruôm hră bi hdơr ti anăp Yêhôwa kơ phung huĭ mpŭ kơ Yêhôwa leh anăn mpŭ leh kơ anăn Gơ̆.

Y-Mathiơ 26:13

Sĭt nik Kâo lač kơ diih, tar ƀar lăn ala ti anôk arăng srăng mtô klei mrâo mrang jăk anei, arăng srăng yăl dliê bi hdơr klei mniê anei ngă leh.”

Y-Luk 1:29

Hmư̆ klei blŭ anăn, H'Mari rŭng răng snăk, leh anăn bi mĭn hlăm ai tiê ñu ya jing klei kkuh msĕ snăn.

Y-Luk 24:5

Êjai diñu huĭ snăk leh anăn kkui ƀô̆ kơ lăn, phung êkei anăn lač kơ diñu, “Si ngă diih duah pô hdĭp ti krah phung djiê? Gơ̆ amâo dôk tinei ôh, Gơ̆ kbiă lŏ hdĭp leh.

Bruă Phung Khua Ƀĭng Kna 10:31

lač, ‘Ơ Y-Kornei, Aê Diê hmư̆ leh klei ih wah lač, leh anăn Ñu hdơr mnơ̆ng ih brei pap.

Bruă Phung Khua Ƀĭng Kna 14:9

Ñu dôk hmư̆ Y-Pôl mtô. Y-Pôl dlăng kơ ñu amâo kƀreh ală, leh anăn thâo ñu mâo klei đăo dưi bi hlao ñu.

Bruă Phung Khua Ƀĭng Kna 22:10

Leh anăn kâo lač, ‘Ya kâo srăng ngă, Ơ Khua Yang?’ Khua Yang lač kơ kâo, ‘Kgŭ nao bĕ kơ ƀuôn Damas, leh anăn tinăn arăng srăng hưn jih klei kâo čuăn kơ Ih ngă.’

Bruă Phung Khua Ƀĭng Kna 3:4

Y-Pêtrôs mbĭt hŏng Y-Yôhan dlăng kơ gơ̆ leh anăn lač, “Dlăng bĕ kơ hmei.”

Philip 4:18

Kâo mă tŭ ênŭm leh, wăt êbeh hĭn mơh; kâo mâo lu leh, kyuadah kâo mă tŭ leh mơ̆ng Y-Êpaphôdit mnơ̆ng diih mơĭt kơ kâo, jing sa mnơ̆ng myơr ƀâo mngưi, mnơ̆ng ngă yang Aê Diê tŭ leh anăn bi mơak kơ Ñu.

Philip 4:6

Đăm ênguôt hnĭng kơ sa mta klei ôh, ƀiădah hlăm djăp mta klei hŏng klei wah lač, klei kwưh, leh anăn klei bi mni, akâo bĕ kơ Aê Diê klei diih čiăng.

Hêbrơ 13:16

Đăm wơr bĭt ôh ngă klei jăk leh anăn bi mbha mnơ̆ng diih mâo kơ phung mkăn, kyuadah klei ngă yang msĕ snăn bi mơak kơ Aê Diê.

Hêbrơ 6:10

Kyuadah Aê Diê amâo jing wê ôh; Ñu amâo wơr bĭt hĕ bruă diih leh anăn klei khăp diih bi êdah leh kyua anăn Ñu, hlăm klei diih đru leh phung doh jăk, msĕ si diih ăt ngă.

Klei Bi Êdah 8:4

Săp pui mnâo ƀâo mngưi đĭ mơ̆ng kngan dĭng buăl jăk mbĭt hŏng klei phung doh jăk wah lač ti anăp Aê Diê.

I Y-Samuel 3:10

Yêhôwa hriê leh anăn dôk dơ̆ng leh anăn iêô msĕ si êlâo, “Ơ Y-Samuel! Ơ Y-Samuel!” Leh anăn Y-Samuel lač, “Blŭ bĕ, kyuadah dĭng buăl Ih dôk hmư̆.”