Bruă Phung Khua Ƀĭng Kna 10:22 - Klei Aê Diê Blŭ 2015

²² Digơ̆ lač, “Y-Kornei, sa čô khua kahan kơ sa êtuh čô, sa čô kpă leh anăn huĭ mpŭ kơ Aê Diê, Pô jih jang phung Yuđa mpŭ. Mâo sa čô dĭng buăl doh jăk mtă brei hriê iêô ih nao kơ sang ñu, čiăng hmư̆ klei ih mtô.”

Bruă Phung Khua Ƀĭng Kna 10:22 Iomraidhean Croise

Y-Ôsê 14:9

Hlei pô jing mnuih thâo mĭn, brei ñu thâo săng klei anei, hlei pô jing mnuih thâo ksiêm, brei ñu thâo kral digơ̆; kyuadah êlan Yêhôwa jing kpă, leh anăn phung kpă êbat tinăn, ƀiădah phung gao klei bhiăn srăng lĕ buh tinăn.

Y-Haƀakuk 2:4

Nĕ anei, ñu jing pô mgao; klei ñu čiăng amâo kpă ôh, ƀiădah pô kpă ênô srăng dôk hdĭp kyua klei đăo.

Y-Mathiơ 1:19

Ung gơ̆ Y-Yôsep jing sa čô êkei kpă ênô, amâo čiăng bi hêñ gơ̆ ôh, snăn ñu mĭn čiăng bi lui hŏng klei hgăm.

Y-Mathiơ 2:12

Aê Diê hưn kơ digơ̆ hlăm klei êpei amâo brei lŏ wĭt kơ mtao Hêrôt ôh, snăn digơ̆ wĭt kơ čar digơ̆ pô êlan mkăn.

Y-Markôs 6:20

kyuadah Hêrôt huĭ kơ Y-Yôhan. Hêrôt thâo leh Y-Yôhan jing sa čô mnuih kpă leh anăn doh jăk, snăn ñu amâo brei arăng bi mdjiê gơ̆ ôh. Tơdah Hêrôt hmư̆ gơ̆ mtô, ñu rŭng răng snăk; ƀiădah ăt ñu mơak hmư̆ gơ̆.

Y-Markôs 8:38

Kyuadah hlei pô hêñ kơ Kâo leh anăn kơ klei Kâo blŭ hlăm ênuk knhông leh anăn soh anei, msĕ mơh Anak Mnuih srăng hêñ kơ pô anăn tơdah Ñu hriê hlăm klei guh kơang Ama Ñu mbĭt hŏng phung dĭng buăl doh jăk.”

Y-Luk 2:25

Hlăk anăn mâo ti ƀuôn Yêrusalem sa čô êkei, anăn ñu Y-Simêôn. Ñu jing kpă ênô leh anăn doh jăk. Ñu dôk čang hmăng klei bi juh kơ phung Israel, leh anăn Yang Mngăt Jăk dôk ti ñu.

Y-Luk 23:50

Mâo sa čô êkei, anăn ñu Y-Yôsep, mơ̆ng ƀuôn Arimathê hlăm čar Yuđa. Ñu jing sa čô hlăm phung khua phat kđi, sa čô mnuih jăk leh anăn kpă. Ñu amâo ư ai ôh hŏng klei phung anăn trông čhai leh anăn ngă, leh anăn ñu čang guôn ƀuôn ala mtao Aê Diê.

Y-Luk 9:26

Kyuadah hlei pô hêñ kơ Kâo leh anăn kơ klei Kâo blŭ, Anak Mnuih srăng hêñ kơ pô anăn tơdah Ñu lŏ hriê hlăm klei guh kơang Ñu, klei guh kơang Ama Ñu, leh anăn klei guh kơang phung dĭng buăl doh jăk Ñu.

Y-Yôhan 13:20

Kâo lač kơ diih klei sĭt nik, hlei pô jum mnuih Kâo tiŏ nao msĕ si jum Kâo mơh; leh anăn hlei pô jum Kâo jum wăt Pô tiŏ hriê Kâo msĕ mơh!”

Y-Yôhan 17:20

Kâo amâo wah lač knŏng kơ phung anei ôh, ƀiădah Kâo wah lač msĕ mơh kơ phung srăng đăo kơ Kâo kyua klei diñu hưn,

Y-Yôhan 17:8

Kyuadah Kâo brei leh kơ diñu klei blŭ Ih brei leh kơ Kâo, leh anăn diñu mă tŭ leh klei blŭ anăn, leh anăn diñu thâo sĭt nik kơ Kâo kbiă hriê mơ̆ng Ih. Leh anăn diñu đăo kơ Ih tiŏ hriê Kâo leh.

Y-Yôhan 5:24

Kâo lač kơ diih klei sĭt nik, hlei pô hmư̆ klei Kâo blŭ leh anăn đăo kơ Pô tiŏ hriê Kâo, mâo leh klei hdĭp hlŏng lar; ñu amâo srăng truh kơ klei phat kđi ôh, ƀiădah ñu găn leh klei djiê nao kơ klei hdĭp.

Y-Yôhan 6:63

Mngăt Myang yơh jing Pô brei klei hdĭp, kđeh amâo yuôm ôh; klei Kâo blŭ leh kơ diih jing Mngăt Myang leh anăn klei hdĭp.

Y-Yôhan 6:68

Y-Simôn Pêtrôs lŏ wĭt lač kơ Ñu, “Ơ Khua Yang, kơ hlei pô mkăn hmei dưi nao lĕ? Ih yơh mâo klei blŭ kơ klei hdĭp hlŏng lar;

Bruă Phung Khua Ƀĭng Kna 10:2

sa čô mâo klei đăo, thâo huĭ mpŭ kơ Aê Diê mbĭt hŏng jih phung hlăm sang ñu. Ñu brei lu mnơ̆ng pap hŏng klei kmah kơ phung ƀuôn sang, leh anăn ñu wah lač kơ Aê Diê nanao.

Bruă Phung Khua Ƀĭng Kna 10:21

Snăn Y-Pêtrôs trŭn nao kơ phung mnuih anăn leh anăn lač, “Kâo gơ̆ yơh pô diih duah. Ya klei diih čiăng hriê?”

Bruă Phung Khua Ƀĭng Kna 10:30

Y-Kornei lač, “Êgao leh pă hruê, hlăm brô mông anei, kâo pioh mông wah lač ti tlâo mông tlam hlăm sang kâo; leh anăn bhiâo riâo rit, sa čô êkei hơô ao mngač snăk dôk ti anăp kâo,

Bruă Phung Khua Ƀĭng Kna 10:33

Snăn kâo tiŏ nao mtam mnuih iêô ih, leh anăn ih mâo ai tiê jăk čiăng hriê. Snăn ară anei jih jang hmei dôk ti anăp Aê Diê, čiăng hmư̆ jih klei Khua Yang mtă kơ ih blŭ.”

Bruă Phung Khua Ƀĭng Kna 10:6

Ñu dôk mbĭt hŏng Y-Simôn, sa čô mnuih mkra klĭt, hlăm sang gơ̆ ti hang êa ksĭ.”

Bruă Phung Khua Ƀĭng Kna 11:14

Ñu srăng mtô kơ ih sa klei srăng bi mtlaih ih leh anăn jih jang mnuih hlăm sang ih.’

Bruă Phung Khua Ƀĭng Kna 22:12

Mâo sa čô bi anăn Y-Ananias, mnuih kpă ênô tui si klei bhiăn, mâo hing ang jăk ti anăp jih jang phung Yuđa dôk ti ƀuôn Damas.

Bruă Phung Khua Ƀĭng Kna 24:15

Kâo mâo klei čang hmăng hlăm Aê Diê msĕ si diñu pô tŭ leh, jing klei phung kpă wăt phung wê srăng kbiă lŏ hdĭp.

Bruă Phung Khua Ƀĭng Kna 6:3

Kyua anăn Ơ phung ayŏng adei, ruah bĕ mơ̆ng krah diih kjuh čô êkei mâo hing ang jăk, bŏ hŏng Yang Mngăt Jăk leh anăn hŏng klei thâo mĭn, phung hmei dưi jao bruă anei.

Hră Y-Pôl Mơĭt kơ Phung Rôm 1:17

Kyuadah klei mrâo mrang jăk bi êdah klei kpă ênô Aê Diê mâo mơ̆ng klei đăo leh anăn atăt kơ klei đăo; tui si klei čih leh, “Pô kpă srăng hdĭp hŏng klei đăo.”

II Kôrantô 5:18

Jih klei anăn kbiă hriê mơ̆ng Aê Diê, Pô bi grăng leh drei hŏng Ñu hlăm Krist, leh anăn jao leh kơ hmei bruă klei bi grăng.

Klei Mtô Mñă Klei Bhiăn 30:13

Kăn ñu dôk nah dih hang êa ksĭ rei tơl ih lač, ‘Hlei srăng găn brei kơ drei êa ksĭ leh anăn djă ba gơ̆ kơ drei, čiăng kơ drei dưi hmư̆ leh anăn tui hlue klei anăn?’

I Y-Timôthê 3:7

Leh anăn brei ñu mâo klei hưn jăk mơ̆ng phung ti tač, čiăng kơ ñu đăm lĕ ôh hlăm klei arăng ƀuah leh anăn hlăm kđông yang jhat.

Hêbrơ 10:38

ƀiădah pô kâo yap kpă srăng dôk hdĭp kyua klei đăo, ƀiădah tơdah ñu kdŭn, mngăt kâo amâo mơak hŏng ñu ôh.”

Hêbrơ 11:2

Hŏng klei đăo phung ênuk đưm mâo klei Aê Diê tŭ.

Hêbrơ 12:23

Diih nao leh kơ Phung Sang Aê Diê phung Aê Diê kkiêng tal êlâo mâo anăn čih leh hlăm phung adiê. Diih nao leh kơ sa čô khua phat kđi jing Aê Diê kơ jih jang, kơ mngăt phung mnuih kpă mâo leh klei jăk klă.

II Y-Pêtrôs 3:2

klei phung khua pô hưn êlâo doh jăk hưn leh đưm êlâo, leh anăn klei Khua Yang leh anăn Pô Bi Mtlaih mtă brei phung khua ƀĭng kna hưn.

III Y-Yôhan 1:12

Jih jang hưn klei bi sĭt jăk kơ Y-Dêmêtrius, wăt ñu mâo klei hưn jăk mơ̆ng klei sĭt nik. Hmei msĕ mơh hưn bi sĭt klei kơ ñu, leh anăn ih thâo klei hmei hưn jing sĭt.

Klei Bi Êdah 14:10

ñu yơh srăng mnăm kpiê klei Aê Diê ngêñ, hlĭng leh amâo bi lŭk ôh hlăm atŏ klei Aê Diê ăl, leh anăn ñu srăng tŭ klei knap mñai hlăm pui leh anăn sulphur ti anăp phung dĭng buăl jăk doh jăk leh anăn ti anăp Êđai Biăp.