Bruă Phung Khua Ƀĭng Kna 1:5 - Klei Aê Diê Blŭ 2015

⁵ kyuadah Y-Yôhan ngă leh ƀaptem hŏng êa, ƀiădah ăt dôk ƀiă hruê diih srăng tŭ klei ƀaptem hŏng Yang Mngăt Jăk.”

Bruă Phung Khua Ƀĭng Kna 1:5 Iomraidhean Croise

Y-Yôel 3:18

Hlăm hruê anăn kpiê mrâo mmih srăng rôč mơ̆ng čư̆, êa ksâo êmô srăng đoh mơ̆ng kbuôn, leh anăn jih jang anôk hnoh êa čar Yuđa srăng mâo êa đoh, leh anăn sa bĭt akŏ êa srăng ƀlĕ mơ̆ng sang Yêhôwa, leh anăn krih tlung Sitim.

Y-Mathiơ 3:11

Kâo ngă ƀaptem kơ diih hŏng êa kyua klei diih kmhal leh kơ klei soh, ƀiădah Pô hriê êdei kơ kâo jing myang hĭn kơ kâo, leh anăn kâo amâo năng ôh djă klĭt juă Ñu. Ñu srăng ngă ƀaptem kơ diih hŏng Yang Mngăt Jăk leh anăn hŏng pui.

Y-Mathiơ 3:6

Leh hưn klei soh, diñu tŭ Y-Yôhan ngă ƀaptem kơ diñu hlăm êa krông Yurdan.

Y-Markôs 1:8

Kâo ngă ƀaptem kơ diih hŏng êa, ƀiădah Ñu srăng ngă ƀaptem kơ diih hŏng Yang Mngăt Jăk.”

Y-Luk 3:16

Y-Yôhan lŏ wĭt lač kơ jih jang diñu, “Kâo ngă ƀaptem kơ diih hŏng êa, ƀiădah Pô myang hĭn kơ kâo srăng hriê, leh anăn kâo amâo năng ôh kleh klei klĭt juă Ñu. Ñu srăng ngă ƀaptem kơ diih hŏng Yang Mngăt Jăk leh anăn hŏng pui.

Y-Yôhan 1:26

Y-Yôhan lŏ wĭt lač kơ digơ̆, “Kâo dê ngă ƀaptem hŏng êa, ƀiădah mâo sa čô dôk ti krah diih, Pô anăn diih amâo thâo kral ôh,

Y-Yôhan 1:31

Kâo pô amâo tuôm thâo ôh Ñu jing Pô srăng truh, ƀiădah kyua klei anei kâo hriê ngă ƀaptem hŏng êa, čiăng bi êdah Ñu kơ phung Israel.”

Y-Yôhan 1:33

Kâo pô amâo tuôm thâo ôh Ñu jing Pô srăng truh, ƀiădah Pô tiŏ hriê kâo ngă ƀaptem hŏng êa lač leh kơ kâo, ‘Pô ih ƀuh Yang Mngăt Jăk trŭn leh anăn dôk, Ñu yơh jing Pô ngă ƀaptem hŏng Yang Mngăt Jăk.’

Bruă Phung Khua Ƀĭng Kna 10:45

Leh anăn phung đăo hlăm phung khăt klĭt hriê leh mbĭt hŏng Y-Pêtrôs bi kngăr, kyuadah klei brei Yang Mngăt Jăk Aê Diê tuh leh wăt kơ phung tue.

Bruă Phung Khua Ƀĭng Kna 19:4

Y-Pôl lač, “Y-Yôhan ngă ƀaptem kmhal kơ klei soh, leh anăn hưn kơ phung ƀuôn sang brei đăo kơ Pô srăng truh êdei kơ ñu, jing đăo kơ Yêsu.”

I Kôrantô 12:13

Kyuadah hŏng sa Yang Mngăt Jăk jih jang drei tŭ leh klei ƀaptem bi mguôp hlăm sa asei mlei — phung Yuđa amâodah phung Grĕk, phung hlŭn amâodah phung êngiê — leh anăn Aê Diê brei jih jang drei mnăm sa Yang Mngăt Jăk anăn.

Y-Tit 3:5

Ñu bi mtlaih leh drei, amâo djŏ kyua bruă kpă drei ngă leh ôh, ƀiădah tui si klei Ñu pô pap, hŏng klei bi doh kbiă hriê mơ̆ng klei lŏ bi kkiêng mrâo, leh anăn klei lŏ bi mrâo hŏng Yang Mngăt Jăk,