Bruă Phung Khua Ƀĭng Kna 1:3 - Klei Aê Diê Blŭ 2015

³ Leh Ñu tŭ klei knap mñai, Ñu bi êdah Ñu pô hdĭp kơ digơ̆ hŏng lu klei bi knăl bi sĭt. Êjai pă pluh hruê Ñu bi êdah Ñu pô kơ digơ̆, leh anăn Ñu blŭ kơ digơ̆ djŏ kơ ƀuôn ala mtao Aê Diê.

Bruă Phung Khua Ƀĭng Kna 1:3 Iomraidhean Croise

I Bruă Mtao 19:8

Ñu kgŭ ƀơ̆ng leh anăn mnăm, leh anăn hŏng klei ktang mơ̆ng mnơ̆ng ƀơ̆ng huă anăn ñu êbat pă pluh hruê leh anăn pă pluh mlam truh kơ Hôrep, čư̆ Aê Diê.

Y-Mathiơ 21:43

Kyuanăn Kâo hưn kơ diih, arăng srăng sua mă hĕ ƀuôn ala mtao Aê Diê mơ̆ng diih leh anăn srăng brei kơ sa găp djuê srăng brei boh djŏ. [

Y-Mathiơ 28:9

Nĕ anei, Yêsu bi tuôm hŏng phung mniê anăn leh anăn lač, “Kkuh kơ diih!” Diñu nao giăm djă jơ̆ng Gơ̆ leh anăn buôn kkuh kơ Gơ̆.

Y-Mathiơ 3:2

“Kmhal hĕ bĕ kơ klei soh diih, kyuadah ƀuôn ala mtao adiê giăm truh leh.”

Y-Mathiơ 4:2

Leh kăm ƀơ̆ng huă pă pluh hruê leh anăn pă pluh mlam, Ñu êpa.

Y-Markôs 16:19

Leh Khua Yang Yêsu blŭ kơ diñu, arăng pŭ ba Ñu phă adiê, leh anăn Ñu dôk gŭ tĭng hnuă kơ Aê Diê.

Y-Yôhan 20:26

Sa păn hruê êdei, phung ƀĭng kna Ñu lŏ dôk hlăm sang anăn, leh anăn Y-Thômas dôk mbĭt hŏng digơ̆. Ƀăng bhă arăng kđăl leh, ƀiădah Yêsu hriê dôk dơ̆ng ti krah digơ̆ leh anăn lač, “Brei klei êđăp ênang dôk mbĭt hŏng diih.”

Y-Yôhan 21:1

Êdei kơ klei anăn Yêsu lŏ bi êdah Ñu pô kơ phung ƀĭng kna ti hang êa ksĭ Tiberias. Klei Ñu bi êdah Ñu pô msĕ snei.

Y-Yôhan 21:14

Hlăk anăn jing blư̆ tal tlâo Yêsu bi êdah Ñu pô kơ phung ƀĭng kna, leh Ñu kbiă lŏ hdĭp mơ̆ng phung djiê.

Bruă Phung Khua Ƀĭng Kna 13:31

Leh anăn êjai lu hruê Gơ̆ bi êdah Gơ̆ pô kơ phung hiu mbĭt hŏng Gơ̆ mơ̆ng čar Galilê truh ti ƀuôn Yêrusalem. Phung anăn ară anei jing phung hưn bi sĭt kơ phung ƀuôn sang.

Bruă Phung Khua Ƀĭng Kna 19:8

Y-Pôl mŭt hlăm sang bi kƀĭn leh anăn mtô hŏng klei jhŏng êjai tlâo mlan, bi mgăl leh anăn mtrŭt digơ̆ tŭ klei djŏ kơ ƀuôn ala mtao Aê Diê.

Bruă Phung Khua Ƀĭng Kna 28:23

Tơdah truh hruê diñu bi kčah, lu mnuih hriê kơ gơ̆ hlăm sang gơ̆ dôk. Y-Pôl mblang klei anăn kơ diñu mơ̆ng aguah lĕ tlam, hưn bi sĭt kơ ƀuôn ala mtao Aê Diê leh anăn duah mtrŭt diñu đăo kơ Yêsu tui si klei čih hlăm klei bhiăn Y-Môis leh anăn hlăm phung khua pô hưn êlâo.

Bruă Phung Khua Ƀĭng Kna 28:31

mtô kơ klei ƀuôn ala mtao Aê Diê leh anăn bi hriăm klei Khua Yang Yêsu Krist hŏng klei êngiê, amâo mâo klei ghă ôh.

Bruă Phung Khua Ƀĭng Kna 8:12

Ƀiădah leh digơ̆ đăo klei Y-Philip mtô klei mrâo mrang jăk djŏ kơ ƀuôn ala mtao Aê Diê leh anăn kơ anăn Yêsu Krist, digơ̆ tŭ klei ƀaptem, wăt êkei mniê.

Hră Y-Pôl Mơĭt kơ Phung Rôm 14:17

Kyuadah ƀuôn ala mtao Aê Diê amâo djŏ jing klei ƀơ̆ng huă mnăm ôh, ƀiădah klei kpă ênô, klei êđăp ênang, leh anăn klei hơ̆k mơak hlăm Yang Mngăt Jăk.

Klei Mtô Mñă Klei Bhiăn 9:18

Leh anăn kâo buôn ti anăp Yêhôwa msĕ si tal êlâo pă pluh hruê leh anăn pă pluh mlam; kâo amâo tuôm ƀơ̆ng kpŭng ôh, kăn mnăm êa rei, kyua jih klei soh diih ngă leh êjai ngă klei jhat ti anăp ală Yêhôwa mčhur ai ngêñ Ñu.

Klei Mtô Mñă Klei Bhiăn 9:9

Tơdah kâo đĭ čư̆ čiăng mă mdhă boh tâo, mdhă klei bi mguôp Yêhôwa ngă leh hŏng diih, kâo dôk ti dlông čư̆ pă pluh hruê leh anăn pă pluh mlam; kâo amâo ƀơ̆ng kpŭng ôh, kăn mnăm êa rei.

Kôlôs 1:13

Ñu bi mtlaih drei leh mơ̆ng klei myang klei mmăt, leh anăn atăt ba drei kơ ƀuôn ala mtao Anak Ñu khăp êdimi.

I Têsalônik 2:12

Hmei mtô, mtrŭt, leh anăn mtă kơ grăp čô diih brei dôk hdĭp năng kơ Aê Diê, Pô iêô diih kơ ƀuôn ala mtao leh anăn klei guh kơang Ñu pô.

I Y-Yôhan 1:1

Kâo čih djŏ kơ Klei Blŭ klei hdĭp, klei anăn mâo mơ̆ng mphŭn dơ̆ng, klei anăn hmei hmư̆ leh, klei anăn ală hmei ƀuh leh, klei anăn hmei dlăng leh, leh anăn kngan hmei ruêh leh.