Bruă Phung Khua Ƀĭng Kna 1:2 - Klei Aê Diê Blŭ 2015

² truh ti hruê Aê Diê pŭ ba Ñu kơ dlông, leh Ñu brei klei mtă hŏng Yang Mngăt Jăk kơ phung khua ƀĭng kna Ñu ruah leh.

Bruă Phung Khua Ƀĭng Kna 1:2 Iomraidhean Croise

Y-Êsai 42:1

“Nĕ anei, dĭng buăl Kâo, pô Kâo krơ̆ng, pô Kâo ruah leh, hlăm ñu mngăt Kâo mâo klei mơak. Kâo dưm leh Mngăt Myang Kâo ti ñu, ñu srăng ba klei kpă kơ phung găp djuê mnuih.

Y-Êsai 48:16

Brei diih hriê giăm kơ Kâo, hmư̆ bĕ: “Mơ̆ng mphŭn dơ̆ng Kâo amâo tuôm blŭ hŏng klei hgăm ôh, mơ̆ng mphŭn klei anăn Kâo tinăn leh. Leh anăn ară anei, Khua Yang Yêhôwa tiŏ nao leh Kâo mbĭt hŏng Mngăt Myang Ñu.”

Y-Êsai 61:1

Mngăt Myang Khua Yang Yêhôwa dôk ti kâo, kyuadah Yêhôwa trôč leh êa ƀâo mngưi ti kâo čiăng hưn klei mrâo mrang jăk kơ phung ƀun ƀin. Ñu tiŏ hriê leh kâo čiăng bi hlao phung mâo ai tiê ênguôt, čiăng hưn klei êngiê kơ phung mnă, leh anăn klei pŏk sang mnă kơ phung arăng krư̆;

Y-Mathiơ 12:28

Ƀiădah tơdah Kâo suôt phung yang jhat hŏng Yang Mngăt Jăk Aê Diê, snăn ƀuôn ala mtao Aê Diê truh leh kơ diih.

Y-Mathiơ 3:16

Leh Yêsu tŭ klei ƀaptem, Ñu kbiă mtam mơ̆ng êa, leh anăn nĕ anei, adiê pŏk mdah leh anăn Yêsu ƀuh Yang Mngăt Jăk Aê Diê trŭn msĕ si sa drei mgăm leh anăn gam ti Ñu.

Y-Markôs 6:30

Phung khua ƀĭng kna lŏ wĭt kơ Yêsu leh anăn yăl dliê kơ Gơ̆ jih jang bruă diñu ngă leh anăn jih jang klei diñu mtô leh.

Y-Luk 24:51

Êjai Ñu hơêč hmưi kơ digơ̆, Ñu đuĕ mơ̆ng digơ̆, leh anăn Aê Diê pŭ ba Ñu kơ adiê.

Y-Luk 9:51

Tơdah giăm truh hruê arăng srăng pŭ ba Ñu kơ adiê, Yêsu čuăn nao kơ ƀuôn Yêrusalem.

Y-Yôhan 1:16

Leh anăn mơ̆ng klei Ñu bŏ dlai hŏng klei pap, jih jang drei mă tŭ, leh klei pap anei lŏ thiăm klei pap mkăn.

Y-Yôhan 13:1

Êlâo kơ hruê Knăm Klei Găn, Yêsu thâo mông truh leh brei Ñu kbiă đuĕ mơ̆ng lăn ala wĭt kơ Ama. Ñu khăp leh kơ phung Ñu hlăm lăn ala, leh anăn Ñu khăp kơ digơ̆ tơl knhal tuč.

Y-Yôhan 13:18

Kâo amâo blŭ djŏ kơ jih jang diih ôh. Kâo thâo hlei phung Kâo ruah leh, ƀiădah čiăng bi sĭt Klei Aê Diê Blŭ čih leh, ‘Pô ƀơ̆ng kpŭng Kâo yŏng leh kđul ñu čiăng čưng Kâo,’

Y-Yôhan 13:3

Yêsu thâo kơ Ama jao leh jih jang mnơ̆ng hlăm kngan Ñu, kơ Ñu hriê leh mơ̆ng Aê Diê, leh anăn srăng lŏ wĭt kơ Aê Diê,

Y-Yôhan 16:28

Kâo kbiă leh mơ̆ng Ama leh anăn hriê hlăm lăn ala. Ară anei Kâo kbiă mơ̆ng lăn ala leh anăn lŏ wĭt kơ Ama.”

Y-Yôhan 17:13

Ƀiădah ară anei Kâo wĭt kơ Ih. Kâo lač klei anei hlăm lăn ala, čiăng kơ klei hơ̆k mơak Kâo dưi bi sĭt hlăm ai tiê diñu.

Y-Yôhan 20:17

Yêsu lač kơ ñu, “Đăm ruêh Kâo ôh, kyuadah Kâo ka đĭ ôh kơ Ama Kâo; ƀiădah nao bĕ kơ phung ayŏng adei Kâo leh anăn lač kơ diñu, ‘Kâo đĭ nao kơ Ama Kâo leh anăn kơ Ama diih, kơ Aê Diê Kâo leh anăn kơ Aê Diê diih.’ ”

Y-Yôhan 20:21

Yêsu lŏ lač kơ digơ̆, “Brei klei êđăp ênang dôk mbĭt hŏng diih. Msĕ si Ama tiŏ hriê leh Kâo, msĕ snăn mơh Kâo tiŏ nao diih.”

Y-Yôhan 3:34

Pô Aê Diê tiŏ hriê leh hưn klei Aê Diê blŭ, kyuadah Aê Diê brei Yang Mngăt Jăk kơ Ñu amâo mâo klei mkă hnơ̆ng ôh.

Y-Yôhan 6:62

Ya diih mĭn tơdah diih srăng ƀuh Anak Mnuih đĭ nao kơ anôk Ñu dôk êlâo?

Y-Yôhan 6:70

Yêsu lŏ wĭt lač kơ digơ̆, “Amâo djŏ hĕ Kâo ruah diih leh, pluh dua čô, ƀiădah sa čô hlăm phung diih jing yang jhat?”

Bruă Phung Khua Ƀĭng Kna 1:11

leh anăn lač, “Ơ phung mnuih čar Galilê, si ngă diih dôk dơ̆ng dlăng kơ adiê lĕ? Yêsu anei, Pô Aê Diê pŭ ba leh kơ adiê mơ̆ng diih, srăng lŏ hriê msĕ si diih ƀuh Ñu đĭ kơ adiê mơh.”

Bruă Phung Khua Ƀĭng Kna 1:13

Tơdah diñu mŭt leh hlăm ƀuôn, diñu đĭ kơ adŭ tal dlông ti anôk Y-Pêtrôs, Y-Yôhan, Y-Yakơ, Y-Andrê, Y-Philip, Y-Thômas, Y-Bartêlômi, Y-Mathiơ, Y-Yakơ anak êkei Y-Alphê, Y-Simôn Sêlôt, leh anăn Y-Yut anak êkei Y-Yakơ khăng dôk.

Bruă Phung Khua Ƀĭng Kna 1:22

dơ̆ng mơ̆ng hruê Y-Yôhan ngă ƀaptem truh ti hruê Aê Diê pŭ ba Ñu kơ dlông mơ̆ng phung drei, brei sa čô hlăm phung anei jing pô hưn bi sĭt mbĭt hŏng drei kơ klei Yêsu kbiă lŏ hdĭp.”

Bruă Phung Khua Ƀĭng Kna 1:9

Leh Ñu blŭ klei anăn, Aê Diê pŭ ba Ñu kơ dlông êjai phung khua ƀĭng kna Ñu dôk dlăng, leh anăn mâo knam guôm Ñu, leh anăn digơ̆ amâo lŏ ƀuh Ñu ôh.

Bruă Phung Khua Ƀĭng Kna 10:38

si Aê Diê trôč leh êa ƀâo mngưi kơ Yêsu ƀuôn Nasaret hŏng Yang Mngăt Jăk leh anăn klei myang; si Ñu hiu ngă klei jăk leh anăn bi hlao jih jang mnuih yang jhat ktư̆ juă, kyuadah Aê Diê dôk mbĭt hŏng Ñu.

Galati 1:1

Kâo gơ̆ Y-Pôl, sa čô khua ƀĭng kna amâo djŏ mơ̆ng phung mnuih amâodah mơ̆ng sa čô mnuih brei jing, ƀiădah tui si Yêsu Krist leh anăn Aê Diê Ama mjing, Pô bi kbiă lŏ hdĭp Yêsu leh mơ̆ng phung djiê,

Êphêsô 2:20

mdơ̆ng leh ti dlông atur phung khua ƀĭng kna leh anăn phung khua pô hưn êlâo dưm leh, Krist Yêsu pô jing boh tâo phŭn ti kiêng.

I Y-Timôthê 3:16

Klei yuôm hgăm kơ klei drei mpŭ kơ Aê Diê prŏng snăk, klei anăn arăng amâo dưi hngah ôh: Pô bi êdah leh hlăm kđeh, mâo Yang Mngăt Jăk yap kpă, phung dĭng buăl jăk ƀuh Ñu leh, arăng mtô leh klei Ñu kơ phung tue, arăng đăo kơ Ñu leh hlăm lăn ala, leh anăn Aê Diê pŭ ba Ñu leh hlăm klei guh kơang.

Hêbrơ 9:24

Kyuadah Krist mŭt leh, amâo djŏ ôh hlăm adŭ doh jăk kngan mnuih ngă, jing rup kơ adŭ doh jăk sĭt, ƀiădah mŭt leh hlăm adiê čiăng bi êdah Ñu pô ară anei ti anăp Aê Diê bi ala drei.

I Y-Pêtrôs 3:22

Yêsu Krist đĭ leh kơ adiê leh anăn dôk tĭng hnuă kơ Aê Diê. Phung dĭng buăl jăk, phung khua kiă kriê, leh anăn phung khua prŏng myang mŭt đup gưt leh kơ Ñu sơăi.

II Y-Pêtrôs 3:2

klei phung khua pô hưn êlâo doh jăk hưn leh đưm êlâo, leh anăn klei Khua Yang leh anăn Pô Bi Mtlaih mtă brei phung khua ƀĭng kna hưn.

Klei Bi Êdah 1:1

Klei Yêsu Krist bi êdah tui si Aê Diê brei leh kơ Ñu, čiăng kơ Ñu bi êdah kơ phung dĭng buăl Ñu klei srăng truh djăl. Ñu bi êdah klei anăn hŏng klei Ñu tiŏ nao sa čô dĭng buăl jăk Ñu hưn bi êdah kơ dĭng buăl Ñu Y-Yôhan.

Klei Bi Êdah 2:11

Hlei pô mâo knga, brei ñu hmư̆ klei Mngăt Myang lač kơ Phung Sang Aê Diê. Hlei pô dưi amâo srăng tŭ ôh klei knap mơ̆ng klei djiê tal dua.’ ”

Klei Bi Êdah 2:17

Hlei pô mâo knga, brei ñu hmư̆ klei Mngăt Myang lač kơ Phung Sang Aê Diê. Kơ hlei pô dưi, Kâo srăng brei kơ ñu kpŭng mana hgăm, leh anăn Kâo srăng brei kơ ñu sa boh tâo kô̆, ti boh tâo kô̆ anăn arăng čih leh sa anăn mrâo amâo mâo mnuih thâo ôh, knŏng pô mă tŭ thâo.’ ”

Klei Bi Êdah 2:29

Hlei pô mâo knga, brei ñu hmư̆ klei Mngăt Myang lač kơ Phung Sang Aê Diê.’ ”

Klei Bi Êdah 2:7

Hlei pô mâo knga, brei ñu hmư̆ klei Mngăt Myang lač kơ Phung Sang Aê Diê. Kơ hlei pô dưi, Kâo srăng brei ñu ƀơ̆ng boh mơ̆ng ana kyâo klei hdĭp hlăm Paradi Aê Diê.’ ”

Klei Bi Êdah 21:14

Mnư̆ ƀuôn anăn mâo pluh dua atur, leh anăn ti atur anăn arăng čih anăn pluh dua čô khua ƀĭng kna Êđai Biăp.

Klei Bi Êdah 3:13

Hlei pô mâo knga, brei ñu hmư̆ klei Mngăt Myang lač kơ Phung Sang Aê Diê.’ ”

Klei Bi Êdah 3:16

Snăn kyuadah ih jing mđao, leh anăn amâo jing êăt, kăn hlơr rei, Kâo dơ̆ng čiăng alĕ ih mơ̆ng ƀăng êgei Kâo.

Klei Bi Êdah 3:22

Hlei pô mâo knga, brei ñu hmư̆ klei Mngăt Myang lač kơ Phung Sang Aê Diê.’ ”