Bruă Phung Khua Ƀĭng Kna 1:12 - Klei Aê Diê Blŭ 2015

¹² Êdei tinăn diñu wĭt kơ ƀuôn Yêrusalem mơ̆ng čư̆ arăng pia čư̆ Ôliwơ. Čư̆ anăn giăm ƀuôn Yêrusalem, sa wang bhiăn kơ arăng êbat hlăm hruê sabat.

Bruă Phung Khua Ƀĭng Kna 1:12 Iomraidhean Croise

Y-Sakari 14:4

Ti hruê anăn jơ̆ng ñu srăng juă ti dlông čư̆ Ôliwơ dôk ti anăp ƀuôn Yêrusalem tĭng ngŏ; leh anăn čư̆ Ôliwơ srăng kđang ti krah mơ̆ng ngŏ kơ yŭ mjing sa boh tlung prŏng; snăn sa mkrah čư̆ srăng kñăk phă dưr, leh anăn sa mkrah mkăn phă dhŭng.

Y-Mathiơ 21:1

Tơdah Yêsu leh anăn phung ƀĭng kna Ñu giăm truh kơ ƀuôn Yêrusalem, truh ti ƀuôn Betphajê ti Čư̆ Ôliwơ, Yêsu tiŏ nao dua čô ƀĭng kna,

Y-Mathiơ 24:20

Wah lač bĕ čiăng kơ hruê diih đuĕ amâo truh ôh êjai yan puih amâodah êjai hruê sabat.

Y-Mathiơ 24:3

Êjai Ñu dôk gŭ ti dlông čư̆ Ôliwơ, phung ƀĭng kna hriê lač kơ Ñu hjăn, “Hưn kơ hmei hbĭl klei anăn srăng truh, leh anăn ya jing klei bi knăl kơ klei Ih lŏ hriê, leh anăn kơ hruê knhal tuč ênuk?”

Y-Mathiơ 26:30

Leh diñu mmuñ sa klei, diñu kbiă nao kơ Čư̆ Ôliwơ.

Y-Luk 19:29

Tơdah Ñu giăm truh kơ ƀuôn Betphajê leh anăn ƀuôn Ƀêthani ti čư̆ arăng bi anăn čư̆ Ôliwơ, Ñu tiŏ nao dua čô phung ƀĭng kna Ñu,

Y-Luk 21:37

Grăp hruê Yêsu dôk mtô hlăm Sang Kkuh Mpŭ, ƀiădah mlam Ñu nao đăm ti čư̆ arăng pia Čư̆ Ôliwơ.

Y-Luk 24:50

Leh klei anăn Yêsu atăt digơ̆ truh ti ƀuôn Ƀêthani, leh anăn Ñu yơr kngan hơêč hmưi klei jăk jĭn kơ digơ̆.

Y-Luk 24:52

Digơ̆ kkuh mpŭ kơ Ñu leh anăn lŏ wĭt kơ ƀuôn Yêrusalem hŏng klei hơ̆k mơak snăk.

Y-Yôhan 11:18

Ƀuôn Ƀêthani giăm ƀuôn Yêrusalem, hlăm brô tlâo wang kilômet.