Bruă Phung Khua Ƀĭng Kna 1:10 - Klei Aê Diê Blŭ 2015

¹⁰ Êjai digơ̆ dôk dlăng amâo kƀreh ală kơ Yêsu đĭ phă adiê, bhiâo riâo rit mâo dua čô êkei hơô ao jhung kô̆ dôk dơ̆ng giăm digơ̆,

Bruă Phung Khua Ƀĭng Kna 1:10 Iomraidhean Croise

II Bruă Mtao 2:10

Y-Êli lač, “Ih akâo sa mnơ̆ng dleh, ƀiădah tơdah ih ƀuh kâo êjai arăng mă kâo mơ̆ng ih, ih srăng mâo msĕ snăn; ƀiădah tơdah ih amâo ƀuh kâo ôh, amâo srăng mâo msĕ snăn ôh.”

Y-Đaniel 7:9

Êjai kâo dlăng: arăng dăp đa đa boh jhưng mtao, leh anăn Pô Dôk Hdĭp Mơ̆ng Ênuk Đưm dôk gŭ, čhiăm ao Ñu kô̆ msĕ si pliêr, leh anăn ƀŭk Ñu msĕ si mlâo biăp doh; jhưng mtao Ñu trơ̆ng hŏng êlah pui, leh anăn pông jhưng anăn jing pui trơ̆ng.

Y-Mathiơ 17:2

Asei mlei Yêsu mâo klei bi mlih ti anăp digơ̆: Ƀô̆ mta Ñu mtrang msĕ si yang hruê, leh anăn ao Ñu jing kô̆ msĕ si klei mngač,

Y-Mathiơ 28:3

Ñu jing mngač msĕ si kmlă, ao ñu kô̆ msĕ si pliêr.

Y-Markôs 16:5

Snăn diñu mŭt hlăm msat, diñu ƀuh sa čô êkei hlăk ai hơô ao jhung kô̆, dôk gŭ tĭng hnuă, leh anăn diñu huĭ snăk.

Y-Luk 24:4

Êjai diñu bi kngăr kơ klei anăn, nĕ anei mâo dua čô êkei dôk giăm diñu hơô ao kmlăi snăk.

Y-Yôhan 20:12

leh anăn ñu ƀuh dua čô dĭng buăl jăk hơô ao kô̆ dôk gŭ ti anôk arăng bi mđih leh asei mlei Yêsu. Sa čô dôk ti kŏ leh anăn sa čô dôk ti jơ̆ng.

Bruă Phung Khua Ƀĭng Kna 10:3

Sa hruê hlăm brô tlâo mông tlam ñu ƀuh klă hlăm klei bi ƀuh sa čô dĭng buăl jăk Aê Diê mŭt hlăm sang ñu leh anăn lač kơ ñu, “Ơ Y-Kornei.”

Bruă Phung Khua Ƀĭng Kna 10:30

Y-Kornei lač, “Êgao leh pă hruê, hlăm brô mông anei, kâo pioh mông wah lač ti tlâo mông tlam hlăm sang kâo; leh anăn bhiâo riâo rit, sa čô êkei hơô ao mngač snăk dôk ti anăp kâo,

Klei Bi Êdah 3:4

Ƀiădah ih ăt mâo ti ƀuôn Sarđis đa đa mnuih amâo tuôm bi čhŏ ôh ao diñu; diñu srăng êbat mbĭt hŏng Kâo hơô ao kô̆, kyuadah diñu jing năng.

Klei Bi Êdah 7:14

Kâo lač kơ Ñu, “Ơ Khua, ih yơh thâo.” Ñu lač kơ kâo, “Phung anei kbiă hriê mơ̆ng klei knap mñai prŏng. Diñu boh leh anăn bi kô̆ leh ao jhung diñu hŏng êrah Êđai Biăp.