കാട്ടികൊടുത്ത കാരിയ 12:4 - പുദിയ നേമ

⁴ അവോണ്ട ബാലു മോടഗേരത്തില ബെള്ളിമീനുവളിലി മൂന്റിലൊരു ബാഗത്തിനെ ബലിച്ചു കൂട്ടിച്ചു ബൂമിക്കു എറിഞ്ചുകാന്റയ്. പെറുവനാന പെണിയത്തി പെറ്റ ചാദിയെ അവോണ്ട പുള്ളെനെ റാക്കുവബേണ്ടി ആ നല്ലപാമ്പു അവോണ്ട മുല്ലെലക്കെയെ നിന്റിന്ത.

കാട്ടികൊടുത്ത കാരിയ 12:4 Iomraidhean Croise

ഓഗെന്നാനു 8:44

നിങ്കട അപ്പെയ് പേയി ആന്റു, നീങ്ക അയിന്റ മക്കളുമാന്റു. നിങ്കട അപ്പെയ് അലാക്കിന്റ കാരിയമൊക്ക ചെയിവനാന്റു നീങ്ക അലാക്കിന്റെയെയ്. അയിനു പണ്ടുതൊട്ടേ മയിച്ചെരളെ കൊല്ലിന്റ ഒരുത്തെനായിന്തയ്. അയിനു നേരുകാറെനല്ലത്തെനെകോണ്ടു നേരാന ഒരു കാരിയമു അയിനു ചെയ്യയ്. അയിനു കള്ള പറേന്റെയെയ് അയിന്റ മന അങ്ങാണത്തെയെയ് ആനെനെകോണ്ടാന്റു. അയിനു കള്ള പറേന്റ ഒരുത്തെനുമു അയിന്റ അപ്പെനുമാന്റു.

1 പത്തുറോച്ചു 5:8

നീങ്ക എച്ചരമായിരുമി, നിങ്കട എദിരാളിയാന പേയി ബലാമായി മുരേന്റ ചിങ്കത്തിനെപല്ലെ ആരുനെ റാക്കുവ പറ്റുവൊയ് എന്റൊണ്ടു അദെ ഇദെ തടാക്കികോണ്ടു നടാക്കിന്റൊ.

കാട്ടികൊടുത്ത കാരിയ 12:7

അയികവുഞ്ചിച്ചു ചൊറുഗത്തി മീഗായേലുമു അയിന്റ ദേവദൂദെരളുമു ബലിയ നല്ലപാമ്പുന്റൊന്റമു അവോണ്ട ദേവദൂദെരണ്ടൊന്റമു പടെപൊരിവ തൊടാങ്കിനരു. നല്ലപാമ്പുമു അവോണ്ടൊന്റ ഇന്തെരമു അയിരണ്ടൊന്റ പടേപൊരിഞ്ചരു.

കാട്ടികൊടുത്ത കാരിയ 12:9

ബൂമില ഒക്കാ നെരേയളെമു പൊരുബൊവ്വു തെറ്റിക്കിന്റ ബലിയ നല്ലപാമ്പാന ആ പണ്ടില പാമ്പുനെ ബൂമിക്കു എറിഞ്ചുകാന്റു. അവോളെ പേയി എന്റുമു ചുടേലെപേയി എന്റുമാന്റു ബുളിക്കിന്റെയെയ്. അവോണ്ട ദേവദൂദെരളെമു അവോണ്ടൊന്റ ബൂമിക്കു എറിഞ്ചുകാന്റു.

കാട്ടികൊടുത്ത കാരിയ 13:2

നാനു മെലേഞ്ച ജാത്തി പുള്ളിനരിനെപല്ലെ ഇന്തദെമു അവോണ്ട കാലു കറാടിന്റ കാലുപല്ലത്തെനുമു ബായി ചിങ്കത്തിന്റ ബായിപല്ലത്തെനുമു ആയിന്തയ്. അവോക്കു ബലിയ നല്ലപാമ്പു തന്റ അദിഗാരമു ചഗുത്തിമു കച്ചാലെമു കൊടുത്ത.

കാട്ടികൊടുത്ത കാരിയ 13:4

ബലിയ നല്ലപാമ്പു ആ ജാത്തിക്കു തന്റ അദിഗാര കൊടുത്തെനെകോണ്ടു മയിച്ചെര പാമ്പുനെ തൊവുദരു. “ഈ ജാത്തിനെപല്ലെ ആരുകീന്റൊരു? ഓണ്ടൊന്റ പടെപൊരിവ ആരുക്കു പറ്റുവൊയ്” എന്റു പറേഞ്ചൊണ്ടു മയിച്ചെര അവോളെമു തൊവുദരു.

കാട്ടികൊടുത്ത കാരിയ 16:13

ബലിയ നല്ലപാമ്പുന്റ ബായിലിന്തുമു ജാത്തിന്റ ബായിലിന്തുമു കള്ളതമ്മടിന്റ ബായിലിന്തുമു തപ്പെയളെപല്ലെകീന്റ മൂന്റു പേയ പുറാത്തെക്കു ബന്റെനെ നാനു മെലേഞ്ചെയ്.

കാട്ടികൊടുത്ത കാരിയ 17:18

നീ മെലേഞ്ച പെണിയത്തി ബൂമില റാജാവുവണ്ട മുഗാളു അദിഗാരകീന്റ ബലിയ പട്ടണമാന്റു.”

കാട്ടികൊടുത്ത കാരിയ 20:2

ആ ദേവദൂദെയ് പണ്ടില പാമ്പാന മാരിഗെട്ട നല്ലപാമ്പുനെ പുടിച്ചയ്. പേയെന്റുമു ചുടേലെപേയെന്റുമു അവോളെയാന്റു ബുളിക്കിന്റെയെയ്. അയിനു അവോളെ ആയിര കൊല്ലത്തെക്കു ചങ്ങലെലി ഇട്ടു പൂട്ടിനയ്.

കാട്ടികൊടുത്ത കാരിയ 8:10

മൂന്റാമത്തില ദേവദൂദെയ് തൊറുവളി ഊദിനപ്പൊ തീപന്തപല്ലെ കത്തികോണ്ടിന്ത ബലിയ ഒരു ബെള്ളിമീനു മോടഗേരത്തിന്തു ഒക്കാ പുവേലിയ മൂന്റിലൊരു ബാഗത്തെക്കുമു നീരുപൊടിന്റ ജാഗത്തെക്കുമു ബൂന്തയ്.

കാട്ടികൊടുത്ത കാരിയ 8:11

ആ ബെള്ളിമീനുന്റ പേരു കാഞ്ഞിര എന്റായിന്തയ്. ആ ബെള്ളിമീനു ബൂന്തപ്പൊ നീരു മൂന്റിലി ഒരു ബാഗ കയിപ്പായിപോനയ്. കയിപ്പുകീന്റ ആ നീരുകുടിച്ചിച്ചു ബലാബരി മയിച്ചെര ചത്തൊടുങ്കിനരു.

കാട്ടികൊടുത്ത കാരിയ 8:12

നാലാമത്തില ദേവദൂദെയ് തൊറുവളി ഊദിനപ്പൊ നേരത്തിന്റമു നിലാവുന്റമു ബെള്ളിമീനുവണ്ടമു മൂന്റിലി ഒരു ബാഗ കാവുളഗെട്ടുപോനയ്. അയിതന്നെയല്ല പഗേലുക്കുകീന്റ ബെളിച്ചത്തിന്റ മൂന്റിലി ഒരു ബാഗ കാവുളഗെട്ടുപോനയ്. അങ്ങാണെതന്നെ അന്തിക്കുകീന്റ ബെളിച്ചത്തിന്റ മൂന്റിലി ഒരു ബാഗമു കാവുളഗെട്ടുപോനയ്.

കാട്ടികൊടുത്ത കാരിയ 8:7

ഒന്റാമത്തില ദേവദൂദെയ് തൊറുവളി ഊദിനപ്പൊ ചോരെ കലേരുന്ത കല്ലുമാവുമു തീമു ബൂമിക്കു ചൊരിഞ്ചിച്ചു ബൂമിന്റ മൂന്റിലി ഒരു ബരി ബെന്തുപോനയ്. ബൂമില മരാമു മൂന്റിലി ഒരു ബാഗ ബെന്തുപോനയ്. അയിമാത്തിരമല്ല ബൂമില ഒക്കാ പച്ചെപുല്ലുമു ബെന്തുപോനയ്.

കാട്ടികൊടുത്ത കാരിയ 8:8

രാണ്ടാമത്തില ദേവദൂദെയ് തൊറുവളി ഊദിനപ്പൊ തീ നവാറി കത്തിന്റ ബലിയ മലേപല്ലത്ത എന്നെനോ ഒന്റു കടേലുക്കു ബൂന്തയ്. എമ്മടെക്കു കടേലില നീരു മൂന്റിലി ഒരു ബാഗ ചോരെയായിപോനയ്.

കാട്ടികൊടുത്ത കാരിയ 8:9

കടേലിലി ഉഗിരായി ബദുക്കിന്റെരളിലി മൂന്റിലി ഒരു ബാഗ ചത്തുപോനരു. ചമാത്തിരത്തിന്ത ഒക്കാ കപ്പെലിലിമുബെച്ചു മൂന്റിലി ഒരു ബാഗ കാണദായിപോനയ്.

കാട്ടികൊടുത്ത കാരിയ 9:10

കരിനെണ്ടുതളുവെക്കു കീന്റപല്ലത്ത ബാലുമു ബിചകീന്റ മുള്ളുമു അയിരക്കു ഇന്തയ്. മയിച്ചെരളെ അഞ്ചുമാച്ചബരെ കട്ടപ്പടുത്തുവകീന്റ ചഗുത്തി അയിരണ്ട ബാലുക്കു ഇന്തയ്.

കാട്ടികൊടുത്ത കാരിയ 9:19

എന്നെഗെന്റെങ്കി ആ കുദിരെയണ്ട ചഗുത്തി അവോണ്ട ബായിലിമു ബാലിലിമു ആയിന്തയ്. പാമ്പുനെപല്ലത്തെനായിന്തയ് അവോണ്ട ബാലു. അവോക്കു ബാലിലിമു തിലേയിന്തയ്. ആ ബാലുകോണ്ടു അയിര മയിച്ചെരളെ ഗായമാടികോണ്ടിന്തരു.