പിലിപ്പിയെര 4:9 - പുദിയ നേമ

⁹ നാനു പടേപ്പിച്ചെനുമു നീങ്ക ഗൊത്തുമാടിനെനുമു നാനു പറേഞ്ചപ്പൊ നീങ്ക കേട്ടിന്തെനുമു നാനു ചെയിന്റെനെ നീങ്ക മെലേഞ്ചെനുമാന കാരിയമൊക്ക നീങ്കമു ചെയിമി. എമ്മടെക്കു ചമാദാന തന്റ ഈച്ചിര നിങ്കടൊന്റയെ ഇപ്പു.

പിലിപ്പിയെര 4:9 Iomraidhean Croise

മത്തായി 28:20

അയിതന്നെയല്ല നാനു നിങ്കടൊന്റ പറേഞ്ചുതന്തെനൊക്ക കേട്ടിന്തുനടാപ്പ അയിരളെ പടേപ്പിപ്പനുമു ചെയിമി. നാനു ലോഗ അവചാനിക്കിന്റബരെ ഒക്കാ ജിനാമു നിങ്കടൊന്റയെ ഇപ്പെയ്.”

മത്തായി 7:21

എന്നെ ‘കറുത്താവേ, കറുത്താവേ’ എന്റു ബുളിക്കിന്റ ഒരുത്തെനുമല്ല, ചൊറുഗത്തികീന്റ എന്റ അപ്പെയ് അലാക്കിന്റ കാരിയമൊക്ക ചെയിന്റെരളാന്റു ഈച്ചിരന്റ നാടുക്കു പോന്റെയെയ്.

ലൂക്കോച്ചു 6:46

നീങ്ക എന്നെ കറുത്താവേ, കറുത്താവേ, എന്റു ബുളിപ്പനുമു നാനു പറേന്റെനെ കേട്ടിരാദിപ്പനുമു ചെയിന്റെയെയ് എന്നെഗു?

ലൂക്കോച്ചു 8:21

അയിങ്കു ഏച്ചു അയിരണ്ടൊന്റ: “ഈച്ചിരബാക്കു കേട്ടിന്തു ചെയിന്റെരളാന്റു എന്റ അവ്വെമു ളേയമക്കളുമു” എന്റു പറേഞ്ചു.

ഓഗെന്നാനു 13:17

ഈ കാരിയമൊക്ക നീങ്ക ഗൊത്തുമാടി ചെയിവായിത്തെങ്കി നിങ്കക്കു നല്ലെയെയ് ബരുവൊയ്.”

ഓഗെന്നാനു 15:14

നാനു നിങ്കടൊന്റ പറേന്റെനൊക്ക ചെയിദെങ്കി നീങ്ക എന്റ ജൊദേയളാന്റു.

ഓഗെന്നാനു 2:5

ഏച്ചുന്റ അവ്വെ അവുടെ പണി ചെയിന്റെരണ്ടൊന്റ: “ഇമ്മലെമി, ഏച്ചു നിങ്കടൊന്റ എന്നെനെങ്കില ചെയിവ പറേഞ്ചെങ്കി നീങ്ക ചെയിമി” എന്റു പറേഞ്ചു.

അപ്പോച്ചോലെര ചെയിദ കാരിയ 9:6

നീ ഏന്തെച്ചൊണ്ടു പട്ടണത്തെക്കു പോഗു. നീ എന്നെനെ ചെയ്യൊണെന്റു അവുടിന്തു നാനു ഇഞ്ചൊന്റ അറിപ്പിപ്പെയ്” എന്റു പറേഞ്ചു.

റോമിലെര 15:33

ചമാദാന തന്റ ഈച്ചിര നിങ്കട ഒക്കായിന്റൊന്റമു ഇക്കൊട്ടു. ആമേനു.

റോമിലെര 16:20

ചമാദാന തന്റ ഈച്ചിര ബിരേന്റു ചുടേലെപേയിനെ തോപ്പിപ്പനുമു നിങ്കക്കു അയിന്റ മുഗാളു അദിഗാര തരുവനുമു ചെയ്യൊട്ടു. നമിന്റ കറുത്താവാന ഏച്ചു നിങ്കക്കു ദരുമ ചെയ്യൊട്ടു.

1 കൊരിന്തിയെര 10:31

അയിനെകോണ്ടു നീങ്ക എന്നെനെ തിന്റുകുടിച്ചിട്ടദെമു എന്നെനെ ചെയിദദെമു അയിനൊക്ക ഈച്ചിരങ്കു നിലേമു ബിലേമു കൊടുത്തൊണ്ടു ചെയിമി.

1 കൊരിന്തിയെര 14:33

എന്നെഗെന്റെങ്കി ഈച്ചിര ഒരു കാരിയമു ജല്ലുജല്ലെ ചെയിന്റദല്ല. അദു ഒക്കാ കാരിയമു ബെടുപ്പായി ചെയിന്റ ഈച്ചിരനാന്റു.

1 കൊരിന്തിയെര 4:16

അയിനെകോണ്ടു നാനു കാട്ടിതന്തപല്ലെ ബദുക്കികോണ്ടു എന്നെപല്ലെ ആഗുമി എന്റു നാനു നിങ്കടൊന്റ പറേന്റെയ്.

2 കൊരിന്തിയെര 13:11

അണ്ണെരളേയമക്കളേ, ബൊവ്വിലായി നാനു നിങ്കടൊന്റ പറേന്റെയ്: നീങ്ക അയിച്ചിരികീന്റെരളായിരുമി, നീങ്ക അങ്കെക്കിങ്കെക്കു ദയിരപടുത്തുമി. നീങ്ക ഒക്കായിമു ഒരേമനാകീന്റെരളായിരുമി. ചമാദാന കീന്റെരളായിമു ബദുക്കുമി. എന്റെങ്കി ചിനേഗമു ചമാദാനമുകീന്റ ഈച്ചിര നിങ്കടൊന്റ ഇപ്പു.

പിലിപ്പിയെര 3:17

ഏച്ചുനെ നമ്പിന്റ എന്റ അണ്ണെരളേയമക്കളേ, നാനു ബദുക്കി കാട്ടിതന്തപല്ലെതന്നെ നീങ്കമു ബദുക്കുമി. നാങ്ക നിങ്കട ഇടേലി ബദുക്കി കാട്ടിതന്തപല്ലെ ബദുക്കിന്റെരളെമു നീങ്ക നോക്കിമാടിയിരുമി.

പിലിപ്പിയെര 4:7

അങ്ങാണെ പുറാത്തിക്കിന്റ നിങ്കക്കു നിങ്കട ബുദ്ദിക്കു എത്തത്തത്തെനെമു ചമാദാന ഈച്ചിര തരുവു. ഈ ചമാദാന നിങ്കട മനാത്തെക്കു ദുക്ക ബാരദെ നിങ്കളെ കാപ്പൊയ്. കിറുത്തേച്ചുനെ നമ്പികോണ്ടു ബദുക്കിന്റെരക്കാന്റു ഈച്ചിര ഈ ചമാദാന തന്റെയെയ്.

1 തെച്ചലോനിക്കെര 1:6

നിങ്കക്കു ചാല കട്ടപ്പാടു തരിക്കൊണ്ടി ബന്തിച്ചുമു ഈച്ചിരനുവേലു നിങ്കളെ അയിച്ചിരിപടുത്തിനെനെകോണ്ടു നീങ്ക അയിച്ചിരിലി ഈച്ചിരബാക്കു കേട്ടിന്തുനടാന്തെരി. അങ്ങാണെ നീങ്ക നാങ്ക ബദുക്കിനപല്ലെമു കറുത്താവു ബദുക്കിനപല്ലെമു ബദുക്കി കാട്ടിനെരി.

1 തെച്ചലോനിക്കെര 2:14

എങ്കട അണ്ണെരളേയമക്കളേ, ജൂദിയെനാടിലി കിറുത്തേച്ചുനെ നമ്പിന്റ ഈച്ചിരന്റ നെരേയ കട്ടപ്പാടു തരിച്ചപല്ലെതന്നെയാന്റു നീങ്കമു കട്ടപ്പാടു തരിച്ചെയെയ്. എന്നെഗെന്റെങ്കി ജൂദനെരേയ അയിരണ്ട ഇണ്ടിലി ഏച്ചുനെ നമ്പിന്റ നെരേയളെ കട്ടപ്പടുത്തിനപല്ലെതന്നെ നിങ്കളെമു നിങ്കട ജാദിലിപട്ടെര കട്ടപ്പടുത്തിനരില്ല.

1 തെച്ചലോനിക്കെര 5:23

ചമാദാന തന്റ ഈച്ചിര നിങ്കളെ ഒരു കുറ്റമുകാണദെ ചുദ്ദകീന്റെരളാക്കൊട്ടു. നമിന്റ കറുത്താവാന ഏച്ചുകിറുത്തു ബരുവടെക്കു നിങ്കട നുവേലിലിമു മനാത്തിമു മേലിലിമു ഒരു കുറ്റമുകാണദെ അദുന്റ മുല്ലെലക്കെ നില്ലുവ ഈച്ചിര നിങ്കളെ കാക്കൊട്ടു.

2 തെച്ചലോനിക്കെര 3:4

നാങ്ക നിങ്കക്കു പറേഞ്ചുകാട്ടിതന്ത കാരിയമൊക്ക നീങ്ക ചെയിന്റപല്ലെ ഇഞ്ഞിമു ചെയിവെരി എന്റു നിനേച്ചൊണ്ടു കറുത്താവിലി നാങ്ക ദയിരിയപണ്ട.

2 തിമോത്തിയോച്ചു 4:22

ഏച്ചുകിറുത്തു എപ്പൊണുമു ഇഞ്ച നുവേലുന്റൊന്റ ഇക്കൊട്ടു. അദു നിങ്കക്കു ദരുമ ചെയ്യൊട്ടു.

ആക്കോബു 1:22

എന്റെങ്കി നീങ്ക ഈച്ചിരബാക്കു കേട്ടിന്തിച്ചുമാത്തിര കാരിയകാണി. അയിലി പറേഞ്ചുകീന്റചാദിയൊക്ക ചെയ്യൊണു. കേട്ടിന്തിച്ചുമു ചെയ്യക്കി നീങ്ക നിങ്കളെതന്നെ പറ്റിക്കിന്റെരി.

2 പത്തുറോച്ചു 1:10

അയിനെകോണ്ടു ഏച്ചുനെ നമ്പിന്റ എന്റ അണ്ണെരളേയമക്കളേ, ഈച്ചിര നിങ്കളെ ബുളിപ്പനുമു തടാക്കിയെടുപ്പനുമു ചെയിദുകീന്റു. അയിനെ ഉറേപ്പുമാടുവ നീങ്ക അദിഗമായി പേച്ചാടുമി. അങ്ങാണെ നീങ്ക ചെയിവായിത്തെങ്കി നിങ്കട നമ്പെലിലിന്തു നീങ്ക ഒരുന്നമു തെറ്റിപോഗെരി.

1 ഓഗെന്നാനു 3:22

ഈച്ചിരന്റ നേമത്തി പറേഞ്ചുകീന്റെനൊക്ക നാമു കേട്ടിന്തുനടാക്കിന്റെനെകോണ്ടുമു അദുനെ അയിച്ചിരിപടുത്തിന്റ കാരിയമൊക്ക ചെയിദൊണ്ടു നടാക്കിന്റെനെകോണ്ടുമു നാമു അദുന്റൊന്റ എന്നെനെ കേട്ടദെമു അദു നമാക്കു അയിനെ തരുവു.