എപേച്ചിയെര 2:12 - പുദിയ നേമ

¹² പണ്ടു നീങ്ക എങ്ങാണെ ബദുക്കിനെന്റു നിനേച്ചു നോക്കുമി. ആ ചമേയത്തി നീങ്ക കിറുത്തുന്റൊന്റ ലോഗിയ കാണത്തെരളായി ബദുക്കിനെരി. നീങ്ക ഇച്ചുറായേലു ജാദിലിപടാത്തെരളായിന്തെരി. ഈച്ചിര അയിരക്കു ചെയിദുകൊടുപ്പെന്റു പറേഞ്ച ഉറേപ്പുന്റ ബാക്കുക്കു നിങ്കക്കു ഒരു പങ്കുമു കാണദെയിന്തയ്. അയിതന്നെയല്ല നിങ്കക്കു കാത്തൊണ്ടിപ്പ പറ്റിന ഒരു നല്ലകാരിയമു കാണദെയിന്തയ്. ആ ചമേയത്തി നീങ്ക ഈ ലോഗത്തി ഈച്ചിര കാണത്തെരളായിന്തെരി. ഇങ്ങാണെയായിന്തയ് നീങ്ക ബദുക്കികോണ്ടിന്തെയെയ്.

എപേച്ചിയെര 2:12 Iomraidhean Croise

ലൂക്കോച്ചു 1:72

അദു നമിന്റ അച്ചെരപ്പെരണ്ടൊന്റ ബാറുകത്തെലു കാട്ടുവനുമു താനു കൊടുത്ത നേരാന നേമത്തിനെ നിനേപ്പനുമു ചെയിദു.

ഓഗെന്നാനു 10:16

ഈ ഗൂടിലി കാണത്ത ബേറെ ആടുവളുമു എനാക്കു കീന്റൊരു. അയിരളെമു നാനു നോക്കിനടാത്തൊണ്ടെനാന്റു. അയിര എന്റ ഓച്ചെ കേട്ടിപ്പൊരു. അങ്ങാണെ രാണ്ടു ആടുഗുഡ്ഡെയളുമുകൂടി ഒരു ആടുഗുഡ്ഡെയ ആവൊരു, അയിരക്കു ഒരു ആടുനോക്കിന്റെനുമു ആവൊയ്.

ഓഗെന്നാനു 15:5

നാനു മുന്തിരിങ്ങെബള്ളിമു നീങ്ക കൊമ്പുമാന്റു. ഒരുത്തെയ് എന്നിലിമു നാനു അയിനിലിമു ഇപ്പായിത്തെങ്കി അയിനിലി ബലാബരി കായി പുടിപ്പൊയ്.

ഓഗെന്നാനു 4:22

നീങ്ക ആരുനെ തൊവുന്റെയെയ് എന്റു നിങ്കക്കു ഗൊത്തുകാണി. എന്റെങ്കി നാങ്ക ആരുനെ തൊവുന്റെയെയ് എന്റു എങ്കക്കു ഗൊത്തു. എന്നെഗെന്റെങ്കി ജൂദെരണ്ട ഇടേലിന്താന്റു മയിച്ചെരളെ രെച്ചിപ്പകീന്റദു ബന്റെയെയ്.

അപ്പോച്ചോലെര ചെയിദ കാരിയ 2:39

ഈച്ചിര ബാക്കു തന്തുകീന്റെയെയ് നിങ്കക്കുബേണ്ടിമു നിങ്കട മക്കക്കുബേണ്ടിമു ദൂരജാഗത്തിന്തു കറുത്താവാന ഈച്ചിര ബുളിക്കിന്റ ബേറൊക്കായിക്കുബേണ്ടിമാന്റു.”

അപ്പോച്ചോലെര ചെയിദ കാരിയ 28:20

അയിനെകോണ്ടാന്റു നിങ്കളെ മെലേഞ്ചിച്ചു ഈ കാരിയമൊക്ക പറേവബേണ്ടി നാനു നിങ്കളെ ഊടെക്കു ബുളിച്ചുബരുത്തിനെയെയ്. ഇച്ചുറായേലുകാറെരളാന നാമൊക്ക കാത്തൊണ്ടുകീന്റ കിറുത്തുനെ നമ്പിനെനെകോണ്ടാന്റു ഇന്റു എന്നെ ചങ്ങലെലി കെട്ടിട്ടു ബെച്ചുകീന്റെയെയ്.”

അപ്പോച്ചോലെര ചെയിദ കാരിയ 3:25

ഈച്ചിര തന്റ തമ്മടികാറെരളെകോണ്ടു പറേപ്പിച്ച ഈ ഉറേപ്പുന്റ ബാക്കുമു നിങ്കട അച്ചെരമു ഈച്ചിരമു ഒന്റകൂടികോണ്ടു പറേഞ്ച ബാക്കുമു നിങ്കക്കുബേണ്ടി കീന്റെനാന്റദു. എന്നെഗെന്റെങ്കി ഈച്ചിര അബ്ബുറഗാമുന്റൊന്റ ഇങ്ങാണെ പറേഞ്ചുകീന്റു: ‘ഇഞ്ച മഗേനെകോണ്ടു ബൂമില ഒക്കാ മയിച്ചെരക്കുമു നാനു നല്ലെയെയ് ബരുത്തുവെയ്.’

റോമിലെര 9:8

അയിന്റ അറുത്ത എന്നെയെന്റെങ്കി, അബ്ബുറഗാമുന്റ ഇട്ടത്തി പുറാന്ത മഗേനെയല്ല, ഈച്ചിര കൊടുപ്പെന്റു ബാക്കുകൊടുത്തിച്ചു പുറാന്ത മഗേനെയാന്റു അബ്ബുറഗാമുന്റ മഗെനായി കണാക്കാക്കിന്റെയെയ്. അങ്ങാണെ ആ മഗേനിലിന്തു പുറാക്കിന്റെരളെയാന്റു ഈച്ചിരന്റ മക്കളായി കണാക്കാക്കിന്റെയെയ്.

ഗെലാത്തിയെര 4:8

പണ്ടു നീങ്ക ഈച്ചിരനെ അറിയത്ത കാലത്തി ചത്തിയകാണത്ത ദേവരുവക്കു അടിമെയളായിന്തെരി.

എപേച്ചിയെര 2:19

അയിനെകോണ്ടു നീങ്ക ഇപ്പൊ ചുദ്ദകീന്റ നെരേയളിലിപട്ടെരമു ഈച്ചിരന്റ മക്കളുമാന്റു. നീങ്ക ഇഞ്ഞിതൊട്ടു അങ്കൊരു നെരേയളിലിപട്ടെരളല്ല.

എപേച്ചിയെര 4:18

അയിര ബുദ്ദികാണത്തെരളാനെനെകോണ്ടുമു ഈച്ചിര പറേന്റെനെ ബഗെബെപ്പ മനാകാണത്തെരളാനെനെകോണ്ടുമു അയിരക്കു ഈച്ചിരനെപറ്റികീന്റ നേരാന കാരിയ എന്നെയെന്റു ഗൊത്തുകാണി. അയിനെകോണ്ടു ഈച്ചിര കൊടുക്കിന്റ പുദിയ ഉഗിരു അയിരക്കു കാണി.

കൊലോച്ചിയെര 1:21

പണ്ടു നീങ്ക ഈച്ചിരന്റൊന്റ ഒരു ലോഗിയമുകാണദെ ബദുക്കിനെരളായിന്തെരി. ആ ചമേയത്തി നീങ്ക ഈച്ചിരന്റ എദിരാളിയളായിന്തെരി. ആ ചമേയത്തി നീങ്ക ബേണ്ടത്തകാരിയമൊക്ക നിനേച്ചൊണ്ടുമു ചെയിദൊണ്ടുമു നടാന്തെരി.

കൊലോച്ചിയെര 1:27

കിറുത്തുനെപറ്റി മറേഞ്ചിന്ത ഈ കാരിയത്തിന്റ ബിലെ എത്തെനെമാത്തിര ബലിയദെന്റു ഒക്കാ ജാദിയളിലിപട്ടെരമു അറിവൊണെന്റു ഈച്ചിര മനാമാടിത്തു. ഈ മറേഞ്ചിന്ത കാരിയ ബലിബലിയദാന കിറുത്തു ജൂദെരളല്ലത്ത നിങ്കളിലിമു ബദുക്കിന്റു എന്റെയെയ് തന്നെയാന്റു.

കൊലോച്ചിയെര 1:5

ഏച്ചുകിറുത്തുനെപറ്റികീന്റ നല്ലബാക്കു നേരാന ബാക്കാന്റു. ഈ നല്ലബാക്കു മുല്ലെലായി കേട്ടിന്തതൊട്ടു നീങ്ക ഈച്ചിര നിങ്കക്കുബേണ്ടി ചൊറുഗത്തി ഒരുക്കിബെച്ചുകീന്റ ഒക്കാ കാരിയത്തിനെമു നല്ല ദയിരത്തി കാത്തൊണ്ടുകീന്റ മയിച്ചെരളാനെരി.

1 തെച്ചലോനിക്കെര 4:13

എങ്കട അണ്ണെരളേയമക്കളേ, ചത്തെരളെ ഇഞ്ഞി മെലേവപറ്റയ് എന്റു നിനേച്ചൊണ്ടു ചങ്കടപണ്ടെരളെപല്ലെ നീങ്ക ചങ്കടപടുവ പാടുകാണി. ചത്തെരക്കു എന്നെയെയ് പറ്റുവൊയ് എന്റെനെപറ്റി നീങ്ക അറിവൊണു എന്റു നാങ്ക അലാക്കിന്റ.

2 തെച്ചലോനിക്കെര 2:16

നമിനെ ചിനേഗിച്ചദുമു നമിന്റൊന്റ ദരുമ ചെയിദിച്ചു നമിനെ എപ്പൊണുമു ദയിരിയപടുത്തിന്റദുമു ഏച്ചുകിറുത്തു ബന്റെനെ കാത്തൊണ്ടിപ്പബേണ്ടി നല്ല അലാപ്പു നമാക്കു തന്തദുമു നമിന്റ അപ്പെനാന ഈച്ചിരനാന്റു.

1 തിമോത്തിയോച്ചു 1:1

നമിനെ രെച്ചിച്ച ഈച്ചിരനുമു നാമു കാത്തൊണ്ടുകീന്റ കിറുത്തേച്ചുമു പറേഞ്ചെനെകോണ്ടു കിറുത്തേച്ചുന്റ അപ്പോച്ചോലെനാന പവുലോച്ചു തിമോത്തിയോച്ചുക്കു എവുദിന്റ കത്തു.

എബ്ബുറായെര 11:34

ഏരളിലി കുറെ മയിച്ചെര തീന്റ ചെഗേനെ കാണദെമാടിനരു, കുറെ മയിച്ചെര ബാളിലിന്തു രെച്ചപട്ടരു, ചാവളിയാന കുറെ മയിച്ചെര ഈച്ചിരനിലി നമ്പിനെനെകോണ്ടു ബലാകീന്റെര ആനരു. കുറെ മയിച്ചെര ബലാകീന്റെരളാച്ചു പടെപൊരിവനുമു തങ്കട എദിരാളിയളെ അടുത്തുബുടുവനുമു ചെയിദരു.

എബ്ബുറായെര 6:18

അങ്ങാണെ ഈച്ചിര ബാക്കു തന്തുമുകീന്റു, ചത്തിയ ചെയിദുമുകീന്റു. ഈച്ചിരങ്കു കള്ള പറേവ പറ്റത്തെനെകോണ്ടു ഈ രാണ്ടു കാരിയത്തെക്കു ഒരു മാറ്റമു കാണി. അയിനെകോണ്ടു ഈച്ചിര തരുവെന്റു പറേഞ്ചെനെ കേളുപ്പബേണ്ടി ഈച്ചിരനാത്തെക്കു ബന്ത നമാക്കു നല്ല ദയിരിയകീന്റെരളായി ഇപ്പനാവൊയ്.

എബ്ബുറായെര 8:6

എന്റെങ്കി നമിന്റ നാടുമൂപ്പെനാന ഏച്ചുകിറുത്തു ഊടെകീന്റ കനെലാടിയ ചെയിന്റെങ്കിന്തുമു മുന്തിന പണിയാന്റു ചെയിന്റെയെയ്. ഈച്ചിര കൊടുത്ത ബിലേപട്ട ഉറേപ്പുന്റ ബാക്കിലി ഉണ്ടാന ബിലേപട്ട കറാറുന്റ ഉടേയക്കാറെനാന്റു അദു.

1 പത്തുറോച്ചു 1:21

നീങ്ക ഈച്ചിരനെ നമ്പിന്റെരളുമു അദു നിങ്കക്കു തരുവപോന്റ കാരിയത്തിനെ കാത്തൊണ്ടുകീന്റെരളുമു ആഗൊണെന്റു ഈച്ചിര അലാന്തു. അയിനെകോണ്ടു അദു കിറുത്തുനെ ചത്തെരളിലിന്തു ഉഗിരുപുറാപ്പിച്ചിച്ചു ബലിബലിയദാക്കികീന്റു.

1 പത്തുറോച്ചു 1:3

നമിന്റ കറുത്താവാന ഏച്ചുകിറുത്തുന്റ അപ്പെനാന ഈച്ചിര ബലിബലിയദാന്റു. എന്നെഗെന്റെങ്കി അദു നമിന്റൊന്റ അദിഗമായി ബാറുകത്തെലു കാട്ടിച്ചു നമാക്കു പുദിയ ഉഗിരു തന്തുകീന്റു. അദു ഏച്ചുകിറുത്തുനെ ചത്തെരളിലിന്തു ഉഗിരുപുറാപ്പിച്ചെനെകോണ്ടു ഈച്ചിര തരുവെന്റു ബാക്കുപറേഞ്ച ഒക്കാ കാരിയത്തിനെമു നമാക്കു ഉറേപ്പുകീന്റെരളായി കാത്തൊണ്ടു ഇപ്പനാവൊയ്.

1 പത്തുറോച്ചു 3:15

കിറുത്തുനെ നിങ്കട ഉടേയക്കാറെയ് എന്റൊണ്ടു നിങ്കട ഉള്ളുമനാത്തി ബിലേബെയിമി. കിറുത്തുനെ നമ്പിന്റെനെപറ്റി നിങ്കടൊന്റ ആരെങ്കില കേട്ടെങ്കി അയിനെപറ്റി ബെടുപ്പായി അയിരണ്ടൊന്റ പറേവബേണ്ടി എപ്പൊണുമു നീങ്ക ഒരുങ്കിയിക്കൊണു.

1 ഓഗെന്നാനു 3:3

അദുനെപല്ലെ ആവബേണ്ടി കാത്തൊണ്ടുകീന്റെര അദു തെറ്റുകുറ്റമൊന്റുമു ചെയ്യദെ ചുദ്ദത്തികീന്റപല്ലെതന്നെ തെറ്റുകുറ്റമൊന്റുമു ചെയ്യദെ ചുദ്ദത്തി തങ്കളെതന്നെ കാക്കിന്റൊരു.