TITO 3:5 - Nuevo Testamento en Quichua Cañar 1996

⁵ ñucanchicta quishpichirca. Mana ñucanchic ima allita ruhuashcamantachu quishpichirca, ashtahuanpish ñucanchicta llaquishcallamantami quishpichirca. Taita Diosca paipac Espirituhuan tucui juchacunamanta chuyayachishpami, mushuc causaita curca.

Dios Rimashcata Quillcashcami

⁵ ñucanchicta quishpichirca. Mana ñucanchic ima allita ruhuashcamanta, ashtahuanpish ñucanchicta llaquishcallamantami quishpichirca. Diosca tucui juchacunata jahuashpami cutin huacharishcata ruhuarca. Paipac Espirituta cushpami mushuc causaiyucta ruhuarca.

TITO 3:5 Iomraidhean Croise

SAN MATEO 3:11

Cancunataca ñucaca Taita Diosman cutirichun nishpallami, yacuhuan bautizacuni, ashtahuanpish ñucapac q'uipa shamucmi, Diospac Espirituhuan shinallatac ninahuan cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushutallatapish mana apaipacchu cani.

SAN LUCAS 1:50

Taita Diosca maijanpish paita manchashpa cazuccunataca llaquicungallami.

SAN LUCAS 1:54

Llaquinata mana cungarishpami, paipacta ruhuac israelcunamanca*f** allicunata cushpa ayudashca.

SAN LUCAS 1:72

Ñaupa taitacunata llaquishpa, paipac sumac ari nishcataca mana cungarishpa pactachicungallami.

SAN LUCAS 1:78

Ñucanchic Taita Diosca c'uyashpa llaquishcamantami, tutamanta inti achicyamucuc shina, quishpirinata jahua pachamanta cachanga.

ROMANOS 11:14

Ñuca quiquin llacta aillucunallatac cancuna quishpirishpa alli c'aticushcata ricushpa, quishpirina munaita japishpa, maijancunallapish quishpirichunmi munani.

ROMANOS 11:6

Paicunataca Taita Diosca paipac c'uyaillamantami acllarca. Mana ima allita ruhuashcamantachu paicunata acllarca. Paicuna allita ruhuashcamanta acllashca cacpica, Taita Diospac c'uyaica yangallami canman.

ROMANOS 12:2

Cai pachapaclla causaccuna shina ama causaichicchu. Chaipac randica Diospac Espíritu mushuc yuyaita cushpa, cancunapac causaita mushucyachichun saquichic. Chashna causashpami imapish allita cashcata, Diosman alli ricuric cashcata, shinallatac chashnatac cashcata yachac chayanguichic. Tucui chaicunaca Diospac munaimantami.

ROMANOS 3:20

Taita Diosca mandashcacunata pactachishcallamantaca pitapish paihuan alli tucuchunca mana chasquingachu. Chai mandashcacunaca ñucanchic juchayuccuna cashcata ricuchingapacllami can.

ROMANOS 3:28

Tucui caicunamanta yuyarishpaca, Taita Diosca mana mandashcacunata pactachishcamanta, ashtahuanpish Jesusta crishcamanta gentecunataca paihuan alli tucuchun chasquic cashcatami yachanchic.

ROMANOS 4:5

Shina cacpipish juchacunata perdonashpa, paihuan alli tucuchun chasquiclla Taita Diosta cricpica, paiman ima allita mana ruhuashca cacpipish, crishcallamantami paihuan alli tucuchun chasquin.

ROMANOS 9:11

Paicuna manarac huacharicpi allita, mana allita manarac ruhuacpimi, Taita Diosca Rebecamanca: “Punta churimi q'uipa churita servic canga” nishcami. Dios quillcachishcapipish: “Jacobotami c'uyarcani, Esautaca p'iñarcanimi” ninmi. Chashnami Taita Diosca pai munashca shinata ruhuashpa, paicuna ima ruhuashcatapish mana yuyarishpa, pai acllasha nishcacunallata acllac cashcata ricuchin.

ROMANOS 9:16

Shina cacpica gentecunalla munashpa, imata ruhuashcamantaca Diosca mana llaquinchu, ashtahuanpish pai c'uyashcallamantami llaquin.

ROMANOS 9:30

Shina cacpica, ¿imatatac nishun? Taita Dioshuan alli canata mana yuyaricpipish, Diosmi mana israelcunata*f** paita crishpalla paihuan alli tucuchun chasquirca.

1 CORINTIOS 6:11

Shinallatac ñaupamanca cancunapuramanta maijancunaca chashna ruhuaccunallatacmi carcanguichic. Ashtahuanpish cunanca Diospaclla cachun pai acllashpa, chuyayachishcacunami canguichic. Ñucanchic Taita Diospac Espiritumantapish, Apunchic Jesucristomantapish ñami paihuan alli tucuchun chasquishcacuna canguichic.

GÁLATAS 2:16

Shina cacpipish Moisés mandashcacunata pactachishcallamantaca, Taita Diosca pitapish mana paihuan alli tucuchun chasquinchu, ashtahuanpish Jesucristota crishcallamantami paihuan alli tucuchun chasquin. Chaitaca yachanchicmi. Chaimantami ñucanchicpish mana Moisés mandashcacunata pactachishcallamanta, ashtahuanpish Jesucristota crishcallamanta Taita Dioshuan alli tucushca cangapac crishcanchic. Moisés mandashcacunata pactachishcallamantaca, Taita Diosca pitapish paihuan alli tucuchunca mana chasquinchu.

EFESIOS 2:4

Shina cacpipish Taita Diosca mai llaquic cashpami, ñucanchictaca yallita c'uyarca.

EFESIOS 4:23

Cancunaca Diospac Espíritu yuyaita cushca shinami, ñaupa mana alli yuyaicunataca saquina canguichic.

EFESIOS 5:26

Cristoca tandanacushca criccunataca yacuhuanpish, pai rimashca shimihuanpish chuyayachishcami. Diospaclla tucushpa causachunmi, paicunamanta Cristoca huañurca.

COLOSENSES 3:10

Cancuna mushuc churanata churaric shinami, mushuc yuyaita japishcanguichic. Imatapish ruhuac Taita Dios mushucta ruhuashpa pushacpimi, cancunaca pai shina tucunguichic. Chashna cashpami, Taita Diosta allita ricsic chayanguichic.

2 TIMOTEO 1:9

Taita Diosmi paipaclla causachun nishpami, ñucanchictaca quishpichishpa c'ayarca. Mana ñucanchic ima allita ruhuashcamantachu quishpichirca, ashtahuanpish Taita Dios c'uyashcallamantami, Jesucristohuan ñucanchic shuc shinalla tucucpi quishpichirca. Cai pacha manarac tiyacpimi, ñucanchictaca Taita Diosca c'uyashpa, chashnaca ruhuasha nishca.

TITO 3:4

Chashna causacucpipish ñucanchicta Quishpichic Taita Diosca pai c'uyac, llaquic cashcata ricuchishpami,

HEBREOS 10:22

Chaimantami mana caita chaita yuyashpa, tucui shunguhuan crishpa, ñucanchic shungupi millai yuyaicuna tiyashcatapish anchuchishca, shinallatac chuya yacuhuan chuyayachishca, Taita Diosman cuchuyana canchic.

HEBREOS 4:16

Chaimanta c'uyac Dios ñucanchicta llaquichun, shinallatac ima llaquihuan cacpipish paipac jatun c'uyaimanta ayudachun, paipacman tucui shunguhuan cuchuyashpa mañashunchic.

HEBREOS 6:6

“ña mana c'atishachu” nishpaca, Taita Dioshuan alli tucungapac cutinca ña mana tigrari pudinchu. Chaicunamanca mana yachachinachu canchic, ashtahuanpish paicunallatacmi Diospac Churitaca tucuipac ñaupapi pucllashpa, cutin chacatacuc shina ruhuancuna.

1 PEDRO 1:3

¡Ñucanchic Apunchic Jesucristopac Taita Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana c'uyaimanta Jesucristota causachishpa, ñucanchictaca cutin huacharishca shinata ruhuarca.

1 PEDRO 2:10

Cancunaca ñaupaca Diospac huahuacunallapish mana carcanguichic. Ashtahuanpish cunanca Diospac huahuacunami tucushcanguichic. Ñaupaca Dios mana llaquishcami carcanguichic. Shina cashpapish cunanca Dios llaquishcami canguichic.

1 PEDRO 3:21

Shinallatac chai yacuca bautizarinatami ricuchicurca. Jesucristo huañushcacunapuramanta causarishcamantami, yacupi bautizarishpaca cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Taita Diosman mañana yuyaicunatami cun.