TITO 1:4 - Nuevo Testamento en Quichua Cañar 1996

⁴ Ñuca shina cric cashcamanta ñucapac quiquin huahua shina Tito, ñucanchic Taita Diospish, Apunchic Jesucristopish mai c'uyashpa, canman sumac causaita cushca cachun nishpami caita quillcani.

Dios Rimashcata Quillcashcami

⁴ Ñuca shina cric cashcamanta ñucapac huahua shina Tito, ñucanchic Diospish, Apunchic Jesucristopish mai cuyashpa, canman sumac causaita cushca cachun nishpami caita quillcani.

TITO 1:4 Iomraidhean Croise

SAN LUCAS 2:11

Cunanmi David huacharishca Belén pueblopica, gentecunata Quishpichic huacharishca. Paimi tucuita Mandac, Quishpichic Cristo.

SAN JUAN 4:42

Chaimantami chai huarmitaca: —Cunancarin mana can huillashcallamantachu crinchic, ashtahuanpish ñucanchicllatac pai ima nishcataca uyashcanchic. Chaimantami cai pachapi causaccunata quishpichingapac shamushca cashcatatac yachanchic— nircacuna.

ROMANOS 1:12

Cancunapish, ñucapish chaillatatac cric cashcamanta caishuc chaishuc yuyachinacushpa alli c'atingapacmi, chashna shamusha nicuni.

2 CORINTIOS 12:18

Titotami cancunata ricugrichun mañarcani. Shinallatac shuc cric huauquitapish paihuan cacharcanimi. ¿Titochari imatapish umashpa cancunamanta quichurca? Ñucanchicca, ¿manachu shuc yuyailla tucushpa, ishcaindicta chai shinallatac ruhuarcanchic?

2 CORINTIOS 2:13

Shina cacpipish Jesusmanta ñuca huauqui Tito mana tupashcamantaca, mai llaquillami carcani. Chaimantami paicunataca “caya minchacaman” nishpa, Macedonia llactaman rircanilla.

2 CORINTIOS 4:13

Dios quillcachishcapica: “Crishcamantami chai shinaca huillarcani” ninmi. Chai shinallatacmi ñucanchicpish crishpa huillacunchic.

2 CORINTIOS 7:6

Shina cacpipish llaquilla caccunata cushichic Diosca Tito chayamucpimi, ñucanchictaca yallita cushichirca.

2 CORINTIOS 8:16

Cancunata ñuca llaquic cashca shinallatac, Titoman cancunata llaquina yuyaita Taita Dios cushcamantami, paitaca pagui nicunilla.

2 CORINTIOS 8:23

Titoca ñucahuan pacta cancunapac allipac ruhuashpa puricmi. Shinallatac caishuc ishcai huauquicunaca, caipi chaipi cac tandanacushca criccuna acllashcacunami. Paicunaca Cristo alli nishca cachunmi ruhuacuncuna.

2 CORINTIOS 8:6

Chaimantami Titotaca pai puntaman callarishca shinallatac, Dios c'uyashcamanta cancuna cushcacunata tandachichun nishpa mañarcanchic.

GÁLATAS 2:3

Chashna yachachicpica ñucahuan shamuc Titotaca mana israel runa cacpipish, mana pi circuncisionta*f** ruhuachun mandarcachu.

GÁLATAS 3:26

Tucui cancunami Jesucristota crishcamantaca, Diospac huahuacuna canguichic.

GÁLATAS 3:28

Jesucristohuan shuc shinalla tucushcamantaca, tucui mashnami shuc shinalla canguichic. Shina cacpica israel*f** cashpapish, mana israel*f** cashpapish, servic cashpapish, mana servic cashpapish, c'ari cashpapish, huarmi cashpapish mana ima canchu.

EFESIOS 1:2

Ñucanchic Taita Diospish, Apunchic Jesucristopish cancunataca mai c'uyashpa, sumac causaita cushca cachun ninimi.

COLOSENSES 1:2

Colosas pueblopi causac, Diospaclla cac criccunaman cai quillcata quillcani. Cancuna Cristohuan shuc shinalla tucushpa, paita alli c'atic, ñucanchic c'uyashca criccunami canguichic. Ñucanchic Taita Dios mai c'uyashpa, cancunaman sumac causaita cushca cachun ninimi.

1 TIMOTEO 1:12

Alli crishpa c'atichun ñucata sinchiyachishcamanta, shinallatac ñuca paita cazuc cashcata yachashpa paita servichun churashcamantami, ñucanchic Apunchic Jesucristotaca pagui nicunilla.

2 TIMOTEO 1:1

Ñucaca Taita Dios munashcamanta, Apunchic Jesucristo acllashca huillac Pablomi cani. Apunchic Jesucristohuan shuc shinalla tucushcamanta, pai cushami nishca causaita huillacmi cani.

2 TIMOTEO 1:2

Ñuca c'uyashca huahua shina Timoteo, ñucanchic Taita Diospish, Apunchic Jesucristopish canta c'uyashpa, llaquishpa sumac causaita canman cushca cachun nishpami caita quillcani.

2 TIMOTEO 4:10

Demas runaca cai pachapi imalla tiyaccunapi shunguta churashpami, ñucata shitashpa Tesalónica puebloman rirca. Shinallatac Crescente runaca Galacia llactamanmi rirca. Cutin Tito runaca Dalmacia llactamanmi rirca.

TITO 1:3

Chaitaca ñucanchicta Quishpichic Taita Diosmi, pai huillachun nishca punzhacuna pactacpi ñuca huillachun mingashpa, mandashpa huillachirca.

TITO 2:13

Shinallatac chai c'uyaimi, ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactanata shuyanata yachachicun.

2 PEDRO 1:1

Ñucaca Jesús acllashca huillac, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

2 PEDRO 1:11

Chashna cacpimi ñucanchicta Mandac Quishpichic Apunchic Jesucristoca, pai huiñaita mandacucman cancunataca imamanta mana jarcarishpa yaicuchun saquingalla.

2 PEDRO 2:20

Maijanpish ñucanchicta Mandac Quishpichic Jesusta crishpa, chai mana alli causaimanta anchurishcacunami. Chashna anchurishca cashpa, cutin chai mana alli causaiman tigrarishpaca, ñaupa ima shina causacushcatapish ashtahuan yallimi tucun.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai c'uyac cashcata yachashpa, ashtahuan c'uyanacuichic. ¡Paica cunanpish, huiñai huiñaipacpish sumaimana alli nishca cachun! Chashna cachun.

2 PEDRO 3:2

Diospaclla cac ñaupa huillaccuna nishcatapish, Quishpichic Apunchic Jesús mandashcata pai acllashca huillaccuna cancunaman huillashcatapish yuyarichicyari.

1 JUAN 5:14

Taita Diospac munaipi imatapish mañacpica, paica uyanmi. Shina cashcamantami paipi shunguta churashpa mañanchic.

SAN JUDAS 1:3

C'uyashca criccuna, ñucapish, cancunapish quishpirishca cashcamantami, cancunamanca yallita quillcanata munarcani. Shina cacpipish cunanca Diospaclla caccunaman paicuna crichun yachachishcata, macanacuc shina sinchita c'atina cacpimi, cai quillcata cachani.