SAN MATEO 8:4 - Nuevo Testamento en Quichua Cañar 1996

⁴ Chashna alliyachishpaca, Jesusca: —Riqui, pi canta alliyachishcataca, pacta piman huillanguiman. Cunanca ri, Israel*f** curaman ricuchigri. Can alliyashcata paicuna ricuchunca, Diosman cuna cashcata Moisés mandashca shinallatac cugringui— nirca.

Dios Rimashcata Quillcashcami

⁴ Shinallatac Jesusca: —Riqui, canta alliyachishcataca, pacta piman huillanguiman. Cunanca Israel curaman ricuchishpa, Moisés mandashca shinallatac ofrendata cugringui— nirca.

SAN MATEO 8:4 Iomraidhean Croise

SAN MATEO 10:18

Ñucata c'aticushcamantami, cancunataca llactata mandaccunapacmanpish, jatun mandaccunapacmanpish apangacuna. Shina cacpimi paicunamanpish, shuctac mana israelcunamanpish*f** ñucamanta huillanguichic.

SAN MATEO 16:20

Chashna nishca q'uipami, Jesusca paipac yachacuccunataca: —Pacta piman ñuca Quishpichic Cristo cashcataca huillanguichicman— nirca.

SAN MATEO 17:9

Jesús yachacuccunandic urcumanta cutishpaca: —Cai cancuna ricushcataca, Runa Tucungapac shamushca*f** ñuca huañushpa, causaringacaman pacta piman huillanguichicman— nishpami mandarca.

SAN MATEO 3:15

Shina nicpi Jesusca: —Cunanca can bautizailla. Ñucanchicmanca Taita Dios munashcata pactachinami ashtahuan alli— nicpimi, Juanca bautizarca.

SAN MATEO 5:17

Ñucataca ‘Moisés mandashcacunata, shinallatac Diosmanta ñaupa huillaccuna huillashcacunata anchuchingapacmi shamushca’ nishpaca, ama yuyaichicchu, ashtahuanpish mandashcacunataca pactachingapacmi shamurcani.

SAN MATEO 6:1

Ama gentecunapac ñaupapi paicuna ricuchun nishpalla, allita ruhuaichicchu. Chashna ruhuacpica, jahua pachapi tiyac cancunapac Taita Diosca, ima allita mana cungachu.

SAN MATEO 9:30

Chashnami paicunapac ñahuica alli tucurca. Ña alli tucucpica Jesusca: —Pacta cancuna alli tucushcata piman huillanguichicman— nishpami cacharca.

MARCOS 13:9

Ashtahuanpish cancunaca alli yuyaihuan puringuichic. Cancunataca japishpa, mandaccunapac ñaupaman apangacunami. Tandanacuna huasicunapipish azutingacunami. Ñucata c'aticushcamantaca, cancunapac llactapi mandaccunapacmanpish, jatun llactata mandaccunapacmanpish apangacunami. Chashna apacpica, paicunaman ñucamanta huillanguichicmi.

MARCOS 3:12

Chashna caparicpimi, Jesusca paimanta ama huillachun nishpa, sinchita rimashpa jarcarca.

MARCOS 5:43

Jesusca: —Paita causachishcataca, pacta piman huillanguichicman— nishpami mandarca. Chai q'uipaca: —Cai huambraman micunata caraichic— nircami.

MARCOS 6:11

Maijan llactapi cashpapish cancunata mana chasquishpa, cancuna huillashcata mana uyashun nicpica, llucshishpa ringuichiclla. Chai llactapi causaccuna llaquita apana cashcata ricuchingapacca, cancunapac chaquipi c'atirishca allpatapish chaspishpa shitashpa ringuichics— nirca.

MARCOS 7:36

Chashna alliyachishpaca Jesusca: —Pacta piman huillanguichicman— nishpami, gentecunataca cutin cutin nirca. Chashna nishcapish, paicunaca ashtahuanmi pimanpish parlashpa purircacuna.

MARCOS 8:30

Shina nicpica, Jesusca paipac yachacuccunataca: —Ñuca pi cashcataca, pimanpish mana huillanachu canguichic— nirca.

MARCOS 9:9

Chai urcumanta urai cutimushpaca, Jesusca chai quimsa yachacuccunataca: —Cancuna cunan ricushcataca, pacta piman huillanguichicman. Huañushcacunapuramanta Runa Tucungapac shamushca*f** ñuca causarishca q'uipaca, huillanguichiclla— nirca.

SAN LUCAS 17:14

Chashna caparicpimi, Jesús paicunata ricushpaca: —Richic, Israel*f** curacunaman ricuchigrichic— nirca. Chashna nicpi, paicunaca ñanta ricushpallatacmi alli tucurcacuna.

SAN LUCAS 21:13

Chashna cancunata apacpica, paicunamanpish ñucamanta huillanguichicmi.

SAN LUCAS 4:41

Chai ungushcacunamantaca, achcacunamantami supaicunaca llucshirca. Chai supaicuna llucshishpaca: —¡Canca Diospac Churimi cangui!— nishpami caparircacuna. Chashna caparicucpimi Jesusca: —¡Upallaichic!— nirca. Quishpichic Cristo cashcata yachashcamantami, supaicunataca mana imata rimachun saquirca.

SAN LUCAS 5:14

Chashna alliyachishpami Jesusca: —Pi canta alliyachishcataca, pacta piman huillanguiman. Cunanca ri, Israel*f** curaman ricuchigri. Can alliyashcata paicuna ricuchunca, Taita Diosman cuna cashcata Moisés mandashca shinallatac cugringui— nirca.

SAN LUCAS 8:56

Chaita ricushpa, taita mama mancharishpa mana amiricucpimi, Jesús paicunataca: —Cashna ruhuashcataca pacta piman huillanguichicman— nirca.

SAN LUCAS 9:21

Pedro chashna nicpi, Jesusca cashna nishpami mandarca: —Ñuca pi cashcataca pacta piman huillanguichicman.

SAN JUAN 5:41

Gentecunalla ñucata alli nichunca mana munanichu.

SAN JUAN 7:18

Quiquin munaillamanta rimacca, gentecunapi alli llucshingaraicullami riman. Shina cacpipish Cachacta allipi llucchicmi, imapish cashcata nin. Paica jaicapi mana llullanchu.

SAN JUAN 8:50

Gentecuna ñucata alli nichunca mana munanichu, ashtahuanpish ñuca Taitami ñucata alli nichun munan. Shina ñucata mana alli nicpica, paillatacmi taripanga.