SAN MATEO 7:14 - Nuevo Testamento en Quichua Cañar 1996

¹⁴ Ashtahuanpish huiñai causaiman apac ñanca, ñanpish, pungupish quichquimi, mana yaicuipacllachu. Ashallacunami chaitaca yaicuncuna.

Dios Rimashcata Quillcashcami

¹⁴ Ashtahuanpish huiñai causaiman apac ñanpish, pungupish quichquimi, mana yaicuipacllachu. Ashallami chaitaca yaicun.

SAN MATEO 7:14 Iomraidhean Croise

SAN MATEO 20:16

Chai shinallatacmi cunan punzhapi ‘allimi canchic’ niccunaca, yangalla cangacuna. Yangalla caccunaca, alli nishcami cangacuna— nishpami, Jesusca yachachirca.

SAN MATEO 22:14

Cai parlo nishca shinallatac c'ayashcacunaca achcami, acllashcacunaca ashallami— nishpami, Jesusca yachachirca.

SAN MATEO 7:13

Chingarinaman apac ñanca, ñanpish, pungupish purinalla jatunmi. Taucacunami chaitaca yaicuncuna.

SAN MATEO 7:15

‘Diosmantami huillacunchic’ nishpa, llullashpa huillaccunamantaca huacaichiringuichic. Paicunaca jahuallatacca, ovejacuna shina c'uyaillami. Shina cashpapish ucu shungupica, atuc shina millaicunami cancunapacmanca shamuncuna.

MARCOS 8:34

Shina nishpami, Jesusca paipac yachacuccunatapish, caishuc gentecunatapish c'ayashpa cashna nirca: —Maijanpish ñucata c'atisha nishpaca, quiquin causaita mana llaquishpa, cruzpi chacatashpa huañuna shina llaquita apana cashpapish, ñucataca c'atichunlla.

SAN LUCAS 12:32

Ñuca ovejacunalla, ashalla cashpapish ama manchaichicchu. Chashna ashalla cacpipish, Taita Diosca cushicushpami cancunahuan mandasha nicun.

SAN JUAN 16:2

Cancunataca tandanacuna huasicunamanta llucchishpa cachangacunami. Shinallatac cancunata huañuchishpaca, Taita Diosmanmi alli ruhuanchic nina punzhaca chayamungami.

SAN JUAN 16:33

Tucui caicunataca cancuna ñucahuan shuc shinalla cashcata yachashpa, shungupi yallita cushicuita charichunmi nini. Cai pachapica cancunaca llaquita apanguichicmi. Shina cacpipish, cai pacha mana allicunata ñuca mishashcata yuyarishpa, ama manchashpa cushicuichiclla— nirca.

HECHOS 14:22

Chai pueblocunaman chayashpa, chaipi causac criccunataca: “Jesusta crishcata mana saquishpa, alli c'atichic” nircacunami. Shinallatac: “Tucui laya llaquicunata apashpami, Taita Dios mandacucmanca yaicuna canchic” nircacuna.

ROMANOS 12:2

Cai pachapaclla causaccuna shina ama causaichicchu. Chaipac randica Diospac Espíritu mushuc yuyaita cushpa, cancunapac causaita mushucyachichun saquichic. Chashna causashpami imapish allita cashcata, Diosman alli ricuric cashcata, shinallatac chashnatac cashcata yachac chayanguichic. Tucui chaicunaca Diospac munaimantami.

ROMANOS 9:32

¿Imamantatac chashnaca carca? Paicunaca crishcallamanta Taita Dioshuan alli tucunata mana munarcacunachu, ashtahuanpish mandashcacuna nishcata pactachishpami, Taita Dioshuan alli tucunata munarcacuna. Chaimantami mitcarina rumipi mitcarircacuna.