SAN MATEO 7:1 - Nuevo Testamento en Quichua Cañar 1996

¹ Ama shuccunata mana allichu nishpa juchanchinguichicchu, pacta cancunatapish mana allichu nishpa, Taita Diosca juchanchinman.

Dios Rimashcata Quillcashcami

¹ Ama shuccunata juchanchinguichicchu, pacta cancunatapish Diosca juchanchinman.

SAN MATEO 7:1 Iomraidhean Croise

SAN MATEO 7:2

Cancuna ima shinami shuccunata mana alli nishpa juchanchinguichic, chashnallatacmi cancunatapish Taita Diosca juchanchinga. Shuccunaman ima shinami cunguichic, chashnallatacmi cancunamanpish cunga.

SAN MATEO 7:5

Mishqui shimi, jayac shungu, puntaca cambac ñahuimantarac caspita llucchi. Chashna llucchishpami, canpish alli ricushpa, caishucpac ñahuipi tiyacuc uchilla ucshataca llucchingui.

SAN LUCAS 6:37

Ama shuccunata mana alli nishpa juchanchichicchu. Shina mana juchanchicpimi, Taita Diospish cancunataca mana juchanchinga. Pitapish llaquiman cachangapacca ama juchanchichicchu. Shina mana juchanchicpimi, Taita Diospish cancunataca juchanchishpa, jatun llaquiman mana cachanga. Imatapish mana allita ruhuashcataca perdonanami canguichic. Chashna ruhuacpimi, Taita Diospish cancunapac juchacunataca perdonanga.

SAN LUCAS 6:41

¿Ima nishpatac canca mana quiquin ñahuipi tiyacuc caspita ricushpa, shucpac ñahuipi tiyacuc ucshatarac ricunguiyari?

SAN JUAN 8:7

Chashna tapushpa c'aticpimi, Jesús paicunata ricushpaca: —Maijan cancunamanta mana juchayuc cashpaca, pairac rumihuan shitachun— nirca.

SANTIAGO 3:1

Ñuca c'uyashca criccuna, ñucanchic yachachiccunaca shamuc punzhapica ashtahuanmi taripashca cashun. Chaitaca ña yachanguichicmi. Chaimanta ama taucacuna Diosmanta yachachiccuna tucuichicchu.