SAN MATEO 6:6 - Nuevo Testamento en Quichua Cañar 1996

⁶ Chaimanta can Taita Diosman mañashpaca, ucuman yaicui, punguta huichcai, cambac Taita Diosman pacalla mañai. Can pacallapi mañacushcatapish ricuc Taita Diosca, can japina cashcataca cungami.

Dios Rimashcata Quillcashcami

⁶ Canta Diosta mañashpaca, ucuman yaicushpa, punguta huichcashpa canta Mandac Diosta pacalla mañai. Chashna mañacpica, pacallata ricuc Diosca, can japina cashcata cungami.

SAN MATEO 6:6 Iomraidhean Croise

SAN MATEO 14:23

Shina “caya minchacaman” nishca q'uipaca, pailla urcuman rishpami, Taita Diosman mañagrirca. Chaipica tutayangacamanmi pailla carca.

SAN MATEO 6:18

Cancuna chashna ayunacpica, gentecunaca mana yachangachu, ashtahuanpish ima pacallatapish ricuc Taita Diosmi, cancuna japina cashcataca cunga.

SAN MATEO 6:4

Chashna huacchacunaman imatapish pacalla cucpica, ima pacalla ruhuashcata ricuc Taita Diosca, can japina cashcataca cungami.

SAN JUAN 1:48

Shina nicpi Natanaelca: —¿Ima shinatac ñuca ima laya cashcataca yachangui?— nishpa tapurca. Shina nicpi Jesusca: —Can higo yura ucupi cacpi, Felipe manarac c'ayacpimi, cantaca ña ricurcani— nirca.

SAN JUAN 20:17

Shina nicpi Jesusca: —Ñucaca manarac ñuca Taitapacman huichiyanichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichiyagrini’ ninmi, nishpa huillagri— nirca.

HECHOS 10:30

Shina nicpi Cornelioca: —Sarun, cunan shina chishipimi, cai ñuca huasipi ayunashpa, Diosman mañacucpi, jagan nicuc churanata churashca runa ñapish ricurirca. Chaica ña chuscu punzhami tucun.

HECHOS 10:9

Cayandic punzha chai cachashca runacuna Jope puebloman ñanta shamucucpica, ña chaupi punzha shina cacpimi, Pedroca pai pozana huasi jahuaman huichicushpa, Taita Diosman mañacurca.

HECHOS 9:40

Pedroca tucui chai ucupi caccunata canzhaman llucchishpaca, cungurishpami Taita Diosman mañarca. Chaimanta huañushca huarmita ricungapac tigrarishpaca: —Tabita, jatari— nicpi, chai huarmica ñahuita pascashpa, Pedrota ricushcahuan jatarishpa tiyarircallami.

ROMANOS 8:5

Maijanpish cai pacha jucha munashcata ruhuaccunaca, jucha munashca shina causanatami munancuna. Ashtahuanpish Diospac Espíritu yuyaita cushca shina causaccunaca, Diospac Espíritu munashca shina causanatami munancuna.

EFESIOS 3:14

Chaimantami Taita Diospac ñaupapica mañangapac cungurini.