SAN MATEO 6:2 - Nuevo Testamento en Quichua Cañar 1996

² Chaimanta can huacchacunaman imata cushpaca, ama gentecuna alli nichunlla pimanpish parlashpa puringuichu. Chashnaca mishqui shimi, jayac shungucunallami tandanacuna huasicunapipish, mai ñancunapipish gentecuna alli nichun nishpa, parlashpa purincuna. Chashna ruhuashpaca, cai pachapacllami alli nishca cancuna. Chaica chashnatacmi can.

Dios Rimashcata Quillcashcami

² Chaimanta can huacchacunata ayudashpaca tucuiman parlashpa puringuichu. Chashnaca mishqui shimi, jayac shungucunallami tandanacuna huasicunapipish, mai ñancunapipish parlashpa purincuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:2 Iomraidhean Croise

SAN MATEO 15:7

¡Cancunaca mishqui shimi, jayac shungucunami canguichic! Diosmanta ñaupa huillac Isaías cancunamanta huillashpaca, alli nircallami. Pai huillashpaca:

SAN MATEO 16:3

Shinallatac: ‘Tutamanta jahuata p'uyu pucayashca cacpica, cunanca mana alli punzhami cagrin’ ninguichicmi. Cancunaca p'uyuta ricushpaca, punzha ima laya cagricushcataca yachanguichicmi. Shina cashpapish cunan punzha ima tucucushcataca mana yachanguichicchu.

SAN MATEO 22:18

Shina tapucpi Jesusca, paicuna mana alli yuyaihuan tapuc shamushcata yachashpami paicunataca: —Mishqui shimi jayac shungucuna, ¿ima nishpatac ñucataca pandachishun nicunguichic?

SAN MATEO 23:5

Gentecuna paicunata Diosta yuyariccunami nichun nishpallami, imatapish ruhuancuna. Paicunaca frentepipish, rigrapipish Dios quillcachishcamanta llucchishpami, jatun apanapi apancuna. Shinallatac churanatapish, suni flecosyuc churanatami churarincuna.

SAN MATEO 23:6

Paicunaca mai micuicunapipish, punta alli tiyarinapi tiyarinatami munancuna. Tandanacuna huasicunapi tiyarishpapish, allita mashcashpami tiyarinata munancuna.

SAN MATEO 24:51

Chashna cacpica, mishqui shimi jayac shungucunata shinallatacmi, huañucta macachishpa amoca llaquipi churanga. Chaipica huacaihuanmi quiru caniringacuna.

SAN MATEO 5:18

Cai pachapish, jahua pachapish tucuringacamanca, mandashcacunamantaca shuc rimaillapish, shuc puntollapish mana chingaringachu, tucui pactacungallami. Chaica chashnatacmi canga.

SAN MATEO 6:16

Cancuna ayunashpaca, ama chai mishqui shimi, jayac shungucuna shina, llaquilla ñahui tucushpa ayunaichicchu. Paicuna chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:3

Can huacchacunaman imata cushpaca, cambac alli ricsishcacunallamanpish ama parlaichu.

SAN MATEO 6:5

Cancuna Taita Diosman mañashpaca, ama chai mishqui shimi jayac shungucuna shina mañaichicchu. Paicunaca gentecuna ricuchun nishpallami, plaza esquinacunapi, tandanacuna huasicunapi shayarishpa mañanata munancuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 7:5

Mishqui shimi, jayac shungu, puntaca cambac ñahuimantarac caspita llucchi. Chashna llucchishpami, canpish alli ricushpa, caishucpac ñahuipi tiyacuc uchilla ucshataca llucchingui.

MARCOS 12:39

Paicunaca mai tandanacuna huasicunapipish, mai jatun micuicunapipish punta alli tiyarinata mashcashpami, tiyarinata munancuna.

MARCOS 7:6

Shina tapucpimi, Jesusca paicunata cashna nirca: —¡Cancunaca mishqui shimi, jayac shungucunami canguichic! Diosmanta ñaupa huillac Isaías cancunamanta quillcashpaca, allillatatacmi cashna nishca: “Cai gentecunaca jahua shimillahuanmi ñucataca alli nincuna. Ashtahuanpish paicunapac shunguca ñucamanta carupimi.

SAN LUCAS 11:41

Cancunaca imalla charishcata huacchacunaman caraccuna caichic. Chashna cacpica, tucuimi jahuashca shina chuyanlla canga.

SAN LUCAS 11:43

¡Aij, fariseocunalla, imachari tucunguichic! Cancunaca tandanacuna huasicunapipish, punta alli tiyarinapi tiyarinata munaccunami canguichic. Shinallatac ñancunapi tupaccunapish, tucui c'uyaihuan alabaduchun munaccunami canguichic.

SAN LUCAS 12:33

Cancunaca imalla charishcata c'atushpa, huacchacunaman cuichic. Chashna ruhuashpaca, mana ismuclla coshtalpi huacaichic shinami, jahua pacha huiñai causaipi charicyanguichic. Chaipica shuhuapish mana yaicunchu, polillapish mana micunchu.

SAN LUCAS 12:56

Cancuna yachac tucushca cashpami, huaira jataricpipish, shinallatac p'uyuta ricushpapish, punzhacuna ima shina cagricushcataca yachanguichic. Chashna cashpaca, cunan punzha ñuca ima ruhuacushcata ricushpaca, ¿ima nishpatac mana entendinguichic?” nirca.

SAN LUCAS 13:15

Shina nicpi Apunchic Jesusca: —¡Mishqui shimi, jayac shungucuna canguichic! Samana punzha cacpipish, cancunapac huagrata, burrotaca, ¿manachu huatashcamanta cacharishpa, yacuchingapacca apanguichic?

SAN LUCAS 20:46

“Mandashcacunata yachachiccuna yachachishcataca, pacta c'atinguichicman. Paicunaca pambacaman suni churanata churarishcami purinata munancuna. Chashnallatac mai plazacunapi tupaccunapish, paicunata manchaihuan ‘allillachu cangui’ nichunmi munancuna. Paicunaca mai tandanacuna huasicunapipish, punta alli tiyarinacunapi tiyarinallatami munancuna. Shinallatac micungapacpish, punta alli tiyarinata mashcashpami tiyarinata munancuna.

SAN LUCAS 6:24

¡Aij, cancuna cunan punzha charishcallahuan cushicuccunalla, ñami cancunaca cushicushcanguichic!

SAN LUCAS 6:42

Cambac ñahuipi caspi tiyacucta manarac ricushpaca, ¿ima shinatac cambac huauquitaca: ‘Shuyai, cambac ñahuipi tiyacuc ucshata llucchisha’ ninguiyari? Mishqui shimi, jayac shungu, cambac ñahuipi tiyacuc caspitarac llucchi. Chashna llucchishpami, ña alli ricushpa, cambac huauquipac ñahuipi tiyacuc ucshataca llucchingui.

SAN JUAN 13:29

Judasca cullquita tandacmi carca. Chaimantami maijancunaca: “Judastami fiestapac imallata randichun nicunga, mana cashpaca, huacchacunaman cullquita cuchunmi nicunga” nishpa yuyarcacuna.

SAN JUAN 5:41

Gentecunalla ñucata alli nichunca mana munanichu.

SAN JUAN 5:44

Cancunaca caishuc chaishuc alli ninacunallatami munanguichic, ashtahuanpish shuclla Taita Diospac alli nishca canataca mana munanguichicchu. Shina cashpaca, ¿ima shinatac ñucataca cringuichicyari?

SAN JUAN 7:18

Quiquin munaillamanta rimacca, gentecunapi alli llucshingaraicullami riman. Shina cacpipish Cachacta allipi llucchicmi, imapish cashcata nin. Paica jaicapi mana llullanchu.

HECHOS 10:2

Chai runaca paipac tucui familiandicmi Diosta manchac, yuyaric, mañarac carca. Shinallatac israelcunapurapi*f** huacchacunaman cullquita cucmi carca.

HECHOS 10:31

Chashna ricurishpaca: ‘Cornelio, can mañashcataca Taita Diosca uyashcami. Shinallatac can tucui imallacunata mana chariccunaman cushcacunatapish ricushcami.

HECHOS 10:4

Chaita uyashpa, Cornelio manchailla saquirishpami, angelta ricushpaca: —Amito, ¿imatatac ningui?— nirca. Chashna nicpi angelca: —Huacchacunaman cushpa, can Taita Diosman mañashcataca, paica chasquishcami.

HECHOS 11:29

Chashna huillacpimi, Antioquía pueblopi causac criccunaca paicuna imallata cui pudishcataca, Judea llactapi causac criccunaman cuchun cachanata yuyarircacuna.

HECHOS 24:17

Tauca huatacunata shuc llactacunapi puricushca q'uipami, Diosman cushca cullquita ñuca llactapi causac huacchacunaman cungapac, shinallatac Diosman cuna cashcata cungapac Jerusalenmanca rircani.

HECHOS 9:36

Jope pueblopica, Tabita shuti cric huarmimi causarca. Tabita shutica, griego*f** rimaipica “Dorcas” nisha ninmi. (Dorcas nishpaca, “taruga” nisha ninmi). Paica mana chariccunata llaquishpa imallatapish cushpa, allita ruhuashpa causac huarmimi carca.

ROMANOS 12:8

Shuccunata cunac canata cushca cacpica, alli cunacmi cana can. Shuccunaman imatapish cuc canata cushca cacpica, tucui shunguhuan cucmi cana can. Mandac canata cushca cacpica, alli mandacmi cana can. Imapipish ayudac canata cushca cacpica, cushicushpami ayudana can.

1 CORINTIOS 13:3

Shinallatac ñuca tucui ima charishcata huacchacunaman cushpapish, ñuca cuerpota rupachichun cushpapish, c'uyaita mana charishpaca, ima mana canichu.

GÁLATAS 2:10

Paicunapurapi cac huacchacunatapish yuyarichunmi nircacuna. Chaimanta ashtahuanca mana imata nircachu. Chaitaca tucui shunguhuanmi pactachina yuyailla cani.

EFESIOS 4:28

Shuhua cashpapish shuhuanata saquishpa, trabajanata callarichic. Shina quiquin maquihuan trabajashpami, imata huacchacunamanca cunata charinguichic.

1 TESALONICENSES 2:6

Cancuna cashpapish, shuccuna cashpapish, pi cashpapish ñucanchicta alli nichunca jaicapi mana munashcanchicchu.

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

FILEMÓN 1:7

C'uyashca huauqui, cambac c'uyaihuanmi Diospaclla cac tucui criccunataca cushichishcangui. Chaimantami ñucapish cushicushpa, Diospacta ruhuana yuyailla cani.

HEBREOS 13:16

Cancunaca allita ruhuashpa, ima charishcata caishuc chaishuc caranacunataca, amatac cungaringuichicchu. Chashna ruhuashpami, animalta Diosman cushpa rupachic shina, Taita Diosta cushichinguichic.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Taita Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.