SAN MATEO 5:3 - Nuevo Testamento en Quichua Cañar 1996

³ “Juchayuc cashcamanta Taita Diospac ñaupapi yangalla cashcata yuyaccuna, ¡cushicuichic! Jahua pacha Taita Dios mandacucca cancunapacmi.

Dios Rimashcata Quillcashcami

³ «Juchayuc cashcamanta Diosta mashcaccuna, ¡cushicuichic! Jahua pacha Dios mandacucca cancunapacmi.

SAN MATEO 5:3 Iomraidhean Croise

SAN MATEO 11:25

Chai q'uipami Jesusca: “Jahua pachata cai pachata Mandac ñuca Taitalla, cantaca ‘allimari cangui’ ninimi. Canca cai yachanacunataca alli yuyaiyuc, alli yachaccunamanca pacashpami mana yachachishcangui, ashtahuanpish huahuacuna shinamanmi, yachana yuyaita cushpa yachachishcangui.

SAN MATEO 11:6

Maijanpish ñuca ima ruhuacushcata ricushpa, crishpa mana pandaricmanca, mai cushicuimi— nircami.

SAN MATEO 13:16

Ashtahuanpish cancunapac ñahuipish ricucunmi, rinripish uyacunmi. Chaimanta cushicuichic.

SAN MATEO 19:14

Paicuna chashna jarcacpimi Jesusca: —Saquichic, huahuacuna ñucapacman shamuchun, ama jarcaichicchu. Cai huahuacuna shina caccunami Taita Dios mandacucmanca yaicungacuna— nirca.

SAN MATEO 24:46

Chashna tucui mandashcata pactachicucpi amo shamushpa tuparicpica, ¡chai servicmanca mai cushicuimi canga!

SAN MATEO 25:34

Ñuca alli maqui ladoman caccunataca: ‘Ñuca Taita alli nishcacuna, ñucahuan pacta mandangapac shamuichic, japinguichic. Cai mandanataca Diosmi cai pachata ruhuashca punzhamanta pacha, cancunaman cungapac allichishpa charicushca.

SAN MATEO 3:2

Pai huillashpaca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nirca.

SAN MATEO 8:11

Cancunaman huillanimi: Achcacunami inti llucshicmanta, inti yaicucmanta tucui tandarishpa, ñaupa taita Abrahamhuan, Isaachuan, shinallatac Jacobohuan jahua pacha Taita Dios mandacucpi micungapac tiyaringacuna.

MARCOS 10:14

Chashna jarcacucta ricushpami, Jesusca p'iñarishpa paipac yachacuccunataca: —Saquichic, huahuacuna ñucapacman shamuchun ama jarcaichicchu. Cai huahuacuna shina caccunami Taita Dios mandacucmanca yaicunga.

SAN LUCAS 11:28

Chashna nicpi Jesusca: —Maijanpish Taita Dios ima nishcata uyashpa cazuccunamanmi, ashtahuan cushicuica— nirca.

SAN LUCAS 18:14

Cancunaman huillanimi: Fariseopac randica, impuestota japic runaracmi juchacunata Taita Dios perdonashca paipac huasimanca cutimurca. Maijanpish ‘allimi cani’ nictaca, mana allichu nishcami canga. Shinallatac maijanpish ‘mana allichu cani’ nictaca, alli nishcami canga” nirca.

SAN LUCAS 22:29

Chaimantami ñuca Taita ñucata Mandacta ruhuashca shinallatac, cancunatapish mandacta ruhuasha.

SAN LUCAS 22:30

Chashna ruhuacpimi, cancunaca maipi ñuca mandacucpica ñucahuan micunguichic, ubianguichic. Shinallatac mandashpa tiyarinapi tiyarishpami, Israelpac*f** chunga ishcai aillucunata mandanguichic— nirca.

SAN LUCAS 4:18

“Ñucaca Diospac Espirituhuanmi cani. Taita Diosca ñucata acllashpaca, llaquilla causac huacchacunaman alli huillaita huillachun, shungupi llaquirishpa causaccunatapish alliyachichunmi cacharca. Prezu caccunamanpish, ña chaimanta llucshina tiyashcata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunpish cacharcami.

SAN JUAN 20:29

Chashna nicpi Jesusca: —Tomás, canca ricushpatacmi cringui. Mana ricushpapish criccunaca, mai cushicuimi cancuna— nirca.

SANTIAGO 1:10

Shinallatac chayucpish pai charishca ima mana cashcata Dios ricuchicpi, cushillami cana can. Chayucca q'uihua sisa shina tucuriclla cashcamantaca, chingarinallami can.

SANTIAGO 1:12

Imapish mana alli munaicuna shamucpi, chaita mishacmanca mai cushicuimi canga. Chashna mishacmi Dios paita c'uyaccunaman cusha nishca huiñai causai coronataca japinga.

SANTIAGO 2:5

Ñuca c'uyashca criccuna, caita uyaichic: Taita Diosca cai pachapi imata mana chariccunataca, crishcahuan chayuc tucuchunmi acllarca. Dios maipi mandacucpi paita c'uyaccuna pai cusha nishcata japichunmi, chashnaca acllarca.

APOCALIPSIS 19:9

Chai ángel ñucaman nishpaca: —‘¡Pactalla Ovejapac bodaman c'ayashcacunaca mai cushicuimi cancuna!’ nishpa quillcai. Cai rimashca shimicunaca mana llullachu, ashtahuanpish Dios rimashcami— nirca.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!

APOCALIPSIS 3:17

Shina cashpapish cancunaca ‘chayuccunami canchic, imapish mana illanchu, tucuipimi alli ricurinchic’ nishpami niricunguichic. Cancunaca imatapish mana charic, lluchulla, ñahui mana ricuc, misa, pipish mana c'uyashca cashcataca mana yachanguichicchu.