SAN MATEO 4:25 - Nuevo Testamento en Quichua Cañar 1996

²⁵ Chashna cashcamantami Galilea llactamantapish, Decápolis nishca chunga pueblocunamantapish, Jerusalén pueblomantapish, Judea llactamantapish, shinallatac Jordán yacu chimbapura llactacunamantapish, achca gentecunami Jesustaca c'atircacuna.

Dios Rimashcata Quillcashcami

²⁵ Chaimantami Galilea llactamantapish, Decápolis nishca chunga pueblocunamantapish, Jerusalén pueblomantapish, Judea llactamantapish, Jordán yacu chimba ladopi cac llactacunamantapish, achca gentecuna Jesustaca catirca.

SAN MATEO 4:25 Iomraidhean Croise

SAN MATEO 12:15

Chashna ninacucta Jesús yachashpa chaimanta ricpica, achca gentecunami c'atishpa rircacuna. Jesusca tucui ungushcacunatami alliyachirca.

SAN MATEO 19:2

Tauca gentecunami Jesusta c'atircacuna. Chaipimi Jesusca ungushcacunata alliyachirca.

SAN MATEO 4:15

Paica: “¡Zabulonpac, Neftalipac causana Galilea llactalla! ¡Jordán yacu chimba ladopi cac, jatun cucha cuchupi tiyac, mana israelcuna*f** causana Galilea llactalla!:

SAN MATEO 5:1

Achca gentecuna paita c'aticucta ricushpami, Jesusca urcu jahuaman rishpa tiyarirca. Chaipi tiyacucpimi, paipac yachacuccunaca paipacman cuchuyarca.

SAN MATEO 8:1

Jesús ña yachachishpa urcumanta cuticpica, achca gentecunami paita c'atimurcacuna.

MARCOS 5:20

Shina nicpi chai runa rishpaca, paita Jesús ima shina alliyachishcatapish tucuitami, Decápolis nishca chunga pueblocunapi huillashpa purirca. Shina huillacpica, tucui gentecunami cushicuihuan mana amirircacuna.

MARCOS 6:2

Chaipica samana punzha*f** chayamucpimi, israelcuna*f** tandanacuna huasipi yachachi callarirca. Jesús yachachicucta tucui uyaccunaca mancharishpami, paicunapura cashna nishpa parlanacurcacuna: —Cai runaca, ¿maipitac cai tucuitaca yachacurcayari? Cashna sumac yachaitapish, pi mana ruhuaipaccunata ruhuanatapish, ¿maijanshi paimanca yachachirca?

MARCOS 7:31

Jesusca Tiro llactamanta cutimushpaca, Sidón llactata rishpa, Decápolis llactata shamushpami, Galilea jatun cuchaman chayamurca.

SAN LUCAS 6:17

Jesusca paipac yachacuccunahuan chai urcumanta shamushpaca, shuc pambamanmi chayamurca. Chai pambamanmi paipac yachacuccunapish, shinallatac Judea llactamantapish, Jerusalén pueblomantapish, mama cucha cuchulla Tiro llactamantapish, Sidón llactamantapish achca gentecuna Jesús yachachishcata uyangapac, shinallatac ung:uicunamanta alliyana munaihuanpish shamushca carcacuna.

SAN LUCAS 6:19

Ima ung:uihuan caccunatapish alliyachiclla cashcata yachashpami, tucui gentecuna Jesuspi tuparina yuyailla carcacuna.