SAN MATEO 4:18 - Nuevo Testamento en Quichua Cañar 1996

¹⁸ Jesusca Galilea jatun cucha patata puricushpami, ishcai huauquindic runacunata ricurca. Shucca Simón nishca Pedro, shinallatac shucca Andresmi carca. Paicunaca pescadota japiccuna cashpami, linchita yacupi shitacurcacuna.

Dios Rimashcata Quillcashcami

¹⁸ Jesusca Galilea cucha patata puricushpami, ishcai huauquindi runacunata ricurca. Shucca Simón nishca Pedro, shinallatac Andresmi carca. Paicunaca challuata japiccuna cashpami, linchita yacupi shitacurca.

SAN MATEO 4:18 Iomraidhean Croise

SAN MATEO 10:2

Jesusmanta huillachun acllashca chunga ishcaicunaca caicunami: Pedro nishca Simón, paipac huauqui Andrés, shinallatac Zebedeopac churicuna huauquindicpura Jacobopish, Juanpish carcami.

SAN MATEO 15:29

Jesús chaimanta rishpaca, Galilea jatun cucha patamanmi chayarca. Chai q'uipaca urcuman rishpami, chaipi tiyarirca.

SAN MATEO 16:18

Ñucapish cantaca Pedromi*f** cangui ninimi. Cai rumi jahuapi huasichic shinami, tandanacushca criccunataca mirachisha. Chashna miraricpica, huañuipish mana ati pudingachu.

SAN MATEO 4:19

Chaipimi Jesusca paicunataca: —Ñucahuan jacuchic. Cancunataca pescadota japiccuna shina, gentecunata Diospacman pushamuccuna cachun yachachisha— nirca.

MARCOS 7:31

Jesusca Tiro llactamanta cutimushpaca, Sidón llactata rishpa, Decápolis llactata shamushpami, Galilea jatun cuchaman chayamurca.

SAN LUCAS 6:14

Chai acllashcacunaca shucca Simonmi carca. Paillatatacmi Pedro shutita Jesusca shutichirca. Simonpac huauqui Andrespish carcami. Shinallatac Jacobo, Juan, Felipe, Bartolomepish carcami.

SAN JUAN 21:1

Chai q'uipaca, cutinllatacmi Tiberias jatun cucha patapi paipac yachacuccunaman Jesusca cai shina ricurirca:

SAN JUAN 6:1

Jesusca chai q'uipaca Galilea jatun cucha chimbanicmanmi rirca. Chai cuchallatacmi Tiberias shutipish can.

SAN JUAN 6:8

Chaimantami Simón Pedropac huauqui caishuc yachacuc Andresca: