SAN MATEO 3:9 - Nuevo Testamento en Quichua Cañar 1996

⁹ ‘Ñucanchicca, ñaupa taita Abrahampac huahua huahuacuna cashcamantaca quishpirishunllami’ nishpaca, ama yuyacuichicchu. Ashtahuanpish ñucaca ninimi: Taita Diosca cai rumicunatapish Abrahampac huahua huahuacunata ruhuasha nishpaca, ruhuanmanllami.

Dios Rimashcata Quillcashcami

⁹ Ama cancunapac shungupi: “Ñucanchicca Abrahampac huahua huahuacuna cashcamantaca quishpirishunllami” nishpa, ama yuyacuichicchu. Ashtahuanpish ñucaca: Diosca cai rumicunatapish Abrahampac huahua huahuacunata ruhuanmanllami.

SAN MATEO 3:9 Iomraidhean Croise

MARCOS 7:21

Shungu ucumanta millai yuyaicuna llucshicpimi, cazarashca jahua shuc-huan huacllirinacuncuna, manarac cazarashca cashpapish huacllirinacuncuna, huañuchincuna,

SAN LUCAS 12:17

Chashna p'ucuchishpaca: ‘Cai tucui granocunata maipi huacaichingapacca mana charinichu. ¿Imatatac ruhuasha?’ nirirca.

SAN LUCAS 16:24

Chaimantami: ‘¡Taita Abrahamlla, ñucata llaquiyari! Ñucaca cai ninapi ima mundo llaqui nanaitami apacuni. Chaimanta Lazarota cachashpa cui, paipac dedota yacupi satishpa, ñuca c'allullatapish chiriyachichun’ nishpa caparirca.

SAN LUCAS 19:40

Chashna nicpi Jesusca: —Paicuna upallacpica, rumicunami caparinga— nirca.

SAN LUCAS 3:8

Ashtahuanpish cancuna Taita Diosman cutirishca cashcatatac ricuchingapacca, alli p'ucuc grano shina allita ruhuashpami ricuchina canguichic. ‘Ñucanchicca ñaupa taita Abrahampac huahua huahuacuna cashcamantaca quishpirishunllami’ nishpaca, ama yuyacunguichicchu. Ashtahuanpish ñucaca ninimi: Taita Dios cai rumicunatapish Abrahampac huahua huahuacunata ruhuasha nishpaca, ruhuanmanllami.

SAN LUCAS 5:22

Paicuna chashna yuyacucta yachashpami, Jesusca: —¿Ima nishpatac cancunapac shungupica chashna yuyacunguichic?

SAN LUCAS 7:39

Chashna ruhuacta ricushpami, micungapac Jesusta c'ayac fariseoca: “Cai runaca Diosmanta huillactac cashpaca, ima shina causac huarmi paipac chaquipi tuparicuctaca yachanmanchari. Cai huarmica millaillapi causac huarmimi” nishpami yuyacurca.

SAN JUAN 8:33

Shina nicpi paicunaca: —Ñucanchicca ñaupa taita Abrahampac huahua huahuacunami canchic. Jaicapi pipac huatashca mana canchicchu. ¿Ima nishpatac canca cacharichingami ninguiyari?— nircacuna.

SAN JUAN 8:37

Cancuna Abrahampac huahua huahuacuna cashcataca yachanimi. Chashna cacpipish, ñuca yachachishcata mana crishpami, ñucataca huañuchishun nicunguichic.

SAN JUAN 8:53

¿Canca ñucanchic taita Abrahamta yallichari canguiyari? Paipish, Diosmanta ñaupa huillaccunapish huañurcami. Canca, ¿imata yuyashpatac chashnaca nicunguiyari?— nircacuna.

HECHOS 13:26

Ñucanchic taita Abrahammanta mirarishca huauquicunalla, shinallatac Taita Diosta manchac caishuccunapish, cai quishpirinamanta huillashcaca cancunamanmi.

HECHOS 15:14

Taita Dios llaquishpa, mana israelcunatapish paipaclla cachun acllai callarishcatami, Simón Pedroca ña ñucanchicman parlarca.

ROMANOS 4:1

Shina cacpica, ñucanchic ñaupa taita Abrahammantaca, ¿imatatac nishun? ¿Paica imatatac japishca canga?