SAN MATEO 3:5 - Nuevo Testamento en Quichua Cañar 1996

⁵ Juanpacmanca Jerusalén pueblomantapish, Judeapi tiyac tucui llactacunamantapish, Jordán yacu cuchulla llactacunamantapish, pai huillashcata uyangapacca shamuccuna carca.

Dios Rimashcata Quillcashcami

⁵ Paipacmanca Jerusalén pueblomantapish, Judea llactacunamantapish, Jordán yacu cuchulla llactacunamantapishmi shamuc carca.

SAN MATEO 3:5 Iomraidhean Croise

SAN MATEO 2:1

Judea llactapi tiyac Belén pueblopimi, Jesusca huacharirca. Chai punzhacunaca Herodesmi chai llactataca mandacurca. Chaipimi inti llucshic ladomanta, yachac runacuna Jerusalén puebloman shamurcacuna. Paicunaca lucerota ricushpa yachacuccunami carca.

SAN MATEO 4:25

Chashna cashcamantami Galilea llactamantapish, Decápolis nishca chunga pueblocunamantapish, Jerusalén pueblomantapish, Judea llactamantapish, shinallatac Jordán yacu chimbapura llactacunamantapish, achca gentecunami Jesustaca c'atircacuna.

MARCOS 1:5

Juanpacmanca Jerusalén pueblomantapish, Judea llactamantapish tucuimi pai huillashcata uyangapacca shamuccuna carca. Chai shamuccunataca llaquirishpa, juchacunata huillaccunatami Juanca, Jordán yacupi bautizarca.

SAN LUCAS 16:16

Moisés mandashcacunapish, Diosmanta ñaupa huillaccuna huillashcacunapish, Bautizac Juan causai punzhacamanllami carca. Chaimanta pachami, Taita Dios mandacucmanta alli huillaica callarirca. Chai huillaita uyashpaca, tucui mashnami Taita Dios mandacucmanca ima shinapish yaicushun nincuna.

SAN LUCAS 3:3

Chaimantami Juanca tucui Jordán yacu cuchulla llactacunapica: —Juchayuc cashcamanta llaquirishpa, Taita Diosman cutirichic, shinallatac bautizarichic. Chashna ruhuacpimi, Taita Diosca cancunapac juchacunata perdonanga— nishpami, huillashpa puricurca.

SAN LUCAS 3:7

Bautizarisha nishpa shamuc gentecunataca, Juanca cashnami nirca: —¡Culebra shina millai gentecuna! Taita Dios p'iñarishpa, yallita ñalla llaquichigricushcamanta cancuna quishpirichunca, ¿pitac huillarcayari?

SAN JUAN 3:23

Bautizac Juanpish chai punzhacunallapitacmi, Salim llacta cuchullapi cac Enón llactapi achca yacu tiyashcamanta paipacman shamuc gentecunataca bautizacurca.

SAN JUAN 5:35

Juan huillashcaca shuc micha japirishpa, achicyachicuc shinami carca. Chaitami cancunaca ashacamanlla cushicushpa uyarcanguichic.