SAN MATEO 3:2 - Nuevo Testamento en Quichua Cañar 1996

² Pai huillashpaca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nirca.

Dios Rimashcata Quillcashcami

² huillashpaca: «Diosca ñami mandagrin. Chaimanta juchata ruhuanata saquishpa, Diosman cutirichic» nirca.

SAN MATEO 3:2 Iomraidhean Croise

SAN MATEO 10:7

Cancuna rishpaca: ‘Jahua pacha Taita Diosca ñami mandagrin’ nishpa huillanguichic.

SAN MATEO 11:20

Jesusca tauca pueblocunapimi, pi mana ruhuaipaccunataca achcata ruhuarca. Chashna ruhuacpipish, chaipi causac gentecunaca juchayuc cashcamanta llaquirishpa, Taita Diosman mana cutirishcamantami, sinchita rimashpaca:

SAN MATEO 12:41

Nínive pueblopi causac gentecunapish Dios ima nishcata Jonás huillacpica, juchayuc cashcamanta llaquirishpa, Taita Diosman cutirircacunami. Ñucacarin Jonastapish yallimi caipica cani. Taita Dios taripana punzhapica, Ninivepi causaccunami jatarishpa, cunan punzhapi causaccunataca: ‘Cancunaca mana allitami ruhuashcanguichic’ nishpa juchanchingapac jataringacuna.

SAN MATEO 13:11

Chashna tapucpimi Jesusca: —Taita Diosca pai mandacucmantaca, pimanpish mana yachachishcatami cancunamanca yachachishca, ashtahuanpish shuccunamanca mana chashna yachachishcachu.

SAN MATEO 13:24

Cai yuyaita japina parlotapish Jesús paicunaman parlashpaca, cashnami nirca: “Jahua pacha Taita Dios mandacucca, shuc runa paipac allpapi alli muyuta jichacpi,

SAN MATEO 13:31

Jesusca yuyaita japina parlollahuantacmi, caitapish nirca: “Jahua pacha Taita Dios mandacucca, shuc runa paipac allpapi mostaza muyuta tarpushca shinami.

SAN MATEO 13:33

Jesusca caimantapish chimbapurashpa parlashpaca: “Jahua pacha Taita Dios mandacucca, tandata ruhuac shuc huarmi, quimsa taza jarinata ashalla levadurahuan chapushpa, tucui chaputa punguillichic shinami” nirca.

SAN MATEO 13:47

Shinallatac jahua pacha Taita Dios mandacucca, shuc linchita yacupi shitacpi, tucui laya pescadocuna linchipi shamuc shinami.

SAN MATEO 13:52

Chashna nicpi Jesusca: —Shinashpaca, jahua pacha Taita Dios mandacucmanta yachachiccuna yachachicpica, shuc taita paipac huasimanta imalla huacaichishpa charishcacunata mushuctapish, maucatapish canzhaman llucchic shinami— nirca.

SAN MATEO 18:23

Jahua pacha Taita Dios mandacucca, shuc llactata mandac paipac runacuna mashna debishcata tapungapac c'ayac shinami.

SAN MATEO 20:1

Jahua pacha Taita Dios mandacucca, shuc chagrayuc amo paipac uvas chagrata pallachingapac, tutamanta utca gentecunata mashcangapac llucshic shinami.

SAN MATEO 22:2

—Jahua pacha Taita Dios mandacucca, shuc jatun mandac paipac churita cazarachicushpa,

SAN MATEO 23:13

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunami jahua pacha Taita Dios mandacucman gentecuna yaicunataca, huichcac shina jarcanguichic. Yaicunata munaccunatapish, yaicuchun mana saquinguichic. Shinashpami cancunallatacpish mana yaicunguichic.

SAN MATEO 25:1

Chai punzhapica jahua pacha Taita Dios mandacucca, chunga solteracuna cazarac noviohuan tupangapac michata japichishpa, llucshic shinami canga.

SAN MATEO 25:14

Shinallatac jahua pacha Taita Dios mandacucca, shuc amo caru llactaman ringapac paipac serviccunata c'ayashpa, paipac cullquita mirachichun saquic shinami.

SAN MATEO 4:17

Chaimanta pachami Jesusca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nishpa huillai callarirca.

SAN MATEO 4:23

Tucui Galilea llactapi tiyac israelcuna*f** tandanacuna huasicunapimi, Jesusca yachachishpa puricurca. Taita Dios mandacucmanta alli huillaitami huillarca, shinallatac tucui laya ung:uihuan, nanaihuan cac gentecunatapish alliyachircami.

SAN MATEO 5:10

Allita ruhuashpa causacushcamanta llaquita apaccuna, ¡cushicuichic! Jahua pacha Taita Dios mandacucca cancunapacmi.

SAN MATEO 5:3

“Juchayuc cashcamanta Taita Diospac ñaupapi yangalla cashcata yuyaccuna, ¡cushicuichic! Jahua pacha Taita Dios mandacucca cancunapacmi.

SAN MATEO 6:10

Can mandana punzha shamuchun. Ima shinami jahua pachapi can munashca ruhuaricun, shinallatac cai pachapipish can munashca ruhuarichun.

SAN MATEO 6:33

Cancunaca tucuimanta yallica, Taita Dios munashcata ruhuashpa, pai mandacucpi causanata yuyaichic. Shinashpaca, cancunapac ima illashcatapish chasquinguichicllami.

MARCOS 1:15

Chashna huillacushpaca: —Cunanmi, chai alli huillai punzhaca chayamushca. Taita Diosca ñami mandagrin. Cancunaca juchayuc cashcamanta llaquirishpa, Taita Diosman cutirishpa, alli huillaita crichic— nirca.

MARCOS 1:4

Chai ñaupachishpa cachashca huillacca, Bautizac Juanmi carca. Paimi shitashca pambapi gentecunata bautizacurca. Shinallatac: —Cancunaca juchayuc cashcamanta llaquirishpa, Diosman cutirichic, bautizarichic. Chashna ruhuacpimi, Taita Diosca cancunapac juchacunata perdonanga— nishpami huillacurca.

MARCOS 6:12

Jesús chashna nicpi yachacuccuna rishpaca: —Juchayuc cashcamanta llaquirishpa, Diosman cutirichic— nishpami, gentecunamanca huillarcacuna.

SAN LUCAS 1:16

Paica achca israelcunatami,*f** paicunata Mandac Taita Diosmanta caruyashpa puricuccunata cutichimunga.

SAN LUCAS 11:20

Ashtahuanpish ñucaca Taita Dioshuan cashpami, supaicunataca llucchishpa cachani. Chashna ruhuashpaca, cancunapurapi Taita Dios mandai callarishcatami ricuchicuni.

SAN LUCAS 13:3

Mana yalli juchayuccuna cashcamantachu chashnaca tucushca. Cancunapish juchayuc cashcamanta llaquirishpa, Taita Diosman mana cutirishpaca, tucuillatacmi huañushpa, llaquita apanguichic.

SAN LUCAS 13:5

Mana chaimantachu chashna tucushca. Cancunapish juchayuc cashcamanta llaquirishpa, Taita Diosman mana cutirishpaca, tucuillatacmi huañushpa, llaquita apanguichic— nirca.

SAN LUCAS 15:10

Cancunaman huillanimi: Chashnallatacmi shuc juchayuc llaquirishpa Diosman cutiricpica, Taita Diospac angelcunapish mai cushicuncuna” nirca.

SAN LUCAS 15:7

Cancunaman huillanimi: Chashnallatacmi iscun chunga iscun ‘ña mana llaquirishpa, Diosman cutirinachu canchic’ niccunamanta yalli, shuc juchayuc llaquirishpa Diosman cutiricpica, ashtahuan cushicui jahua pachapica tiyan.

SAN LUCAS 16:30

Chashna nicpi chai chayuc runaca: ‘Ari, Taita Abrahamlla. Chaicunata uyashpapish mana cazungacunachu, ashtahuanpish huañushcacunapuramanta maijan causarishpa paicunapacman ricpimi, juchayuc cashcamanta llaquirishpa Taita Diosman cutiringacuna’ nirca.

SAN LUCAS 21:31

Chai shinallatacmi ñuca huillashcacuna chashna ña pactamucucta ricushpaca, Taita Dios mandana punzhacuna ña chayamucushcata yachanguichic.

SAN LUCAS 24:47

Chai q'uipaca Jerusalén pueblomanta callarishpa, tucui llactacunapi causaccunamanmi: ‘Juchayuc cashcamanta llaquirishpa, Taita Diosman cutirichic. Shina cutiricpimi, Taita Diosca cancunapac juchacunata perdonanga’ nishpa huillanguichic.

SAN LUCAS 6:20

Chai q'uipami Jesusca paipac yachacuccunata ricushpa, cashna nirca: “¡Cushicuichic, huacchacuna! Jahua pacha Taita Dios mandacucca cancunapacmi.

SAN LUCAS 9:2

Chaimantaca Taita Dios mandacucmanta huillagrichunpish, shinallatac ungushcacunata alliyachichunpish cacharcami.

HECHOS 11:18

Chashna nicta paicuna uyashpaca, ña mana imata nircacunachu. Ashtahuanpish: —¡Mana israelcunapish Taita Diosman cutirishpa, huiñai causaita charichunmi saquishca!— nishpami, Taita Diostaca “allimari cangui” nircacuna.

HECHOS 17:30

Cai pachapi causaccunaca Taita Diosta mana ricsishcamanta paicunapac munaita ruhuashpa causacucpipish, Taita Diosca cunancamanca mana llaquichishcachu. Cunanca tucui cai pachapi causaccuna juchayuc cashcamanta llaquirishpa, paipacman cutirichun nishpami mandacun.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Taita Diosca cancunapac juchacunata perdonanga, shinallatac paipac Espiritutapish cancunamanca cunga.

HECHOS 20:21

Israelcunamanpish, mana israelcunamanpish:*f** ‘Juchayuc cashcamanta llaquirishpa, Taita Diosman cutirishpa, Apunchic Jesucristota crichic’ nishpami huillarcani.

HECHOS 26:20

Chashna cazushpami, Damasco pueblopi huillai callarircani. Shinallatac Jerusalén pueblopipish, tucui Judea llactacunapipish, mana israelcunamanpish:*f** ‘Mana alli causacushcata saquishpa, Taita Diosman cutirishpa, allita causaichic’ nishpa huillarcani.

HECHOS 3:19

Chaimanta juchayuc cashcamanta llaquirishpa, Diosman cutirichic. Chashna ruhuacpimi, Taita Diosca cancunapac juchacunata p'ichashpa, cushi causai punzhacunatapish cunga.

2 CORINTIOS 7:10

Dios munashca shina maijanpish llaquirishpaca, Diosman cutirishpa quishpirinatami japinga. Shina japina cashcamantaca, imamantapish mana llaquirinachu can. Ashtahuanpish cai pacha gentecuna munashca shina maijanpish llaquirishpaca, huañuitami japinga.

COLOSENSES 1:13

Taita Diosmi amsa millai yuyaicuna mandashpa huatashca shina charicucmanta, paipac c'uyashca Churi mandacucman aparca.

2 TIMOTEO 2:25

P'iñaccunatapish c'uyai shunguhuanmi yachachina can. Chashna yachachicpi Taita Dios paiman cutirina yuyaita cucpi, cashcata nic huillashcata cringapishchari.

HEBREOS 6:1

Chaimanta utcaman Cristomanta callari yachanacunataca, ama chaillatatac, chaillatatac yachacucuichicchu, ashtahuanpish alli yachaccuna cangapac allita yachacushun. Diosman cutirina, shinallatac ima shina crina yuyaicunataca, ama chaillatatac, chaillatatac yachacuccuna tucushunchic. Huañuiman apacuc ima millaicunatapish, ama ruhuashunchic.

2 PEDRO 3:9

Maijanca: “Apunchic Jesusca mana utca cutimungachu” nicucpipish, pai nishca shinami utca cutimunga. Shina cacpipish cancunata llaquishcamanta, shucllapish ama chingarishpa Taita Diosman tigrarichunmi, paica manarac cutimun.

APOCALIPSIS 2:21

Pai huacllirinata saquishpa, Diosman llaquirishpa cutirichun nishpami, tauca punzhacunata saquircani. Shina cacpipish Diosman mana cutirishpami, millaita ruhuanatapish mana saquirca.

APOCALIPSIS 2:5

Chaimanta cancuna maimanta mana allita ruhuanata callarircanguichic, chaita yuyarishpa Diosman llaquirishpa cutirichic. Callaripi ima shina cashca shinallatac caichic. Cancuna llaquirishpa Diosman mana cutiricpica, cancunapacman utca shamushpami, cancunapac candelerota maipi tiyacushcamanta anchuchisha.