SAN MATEO 3:11 - Nuevo Testamento en Quichua Cañar 1996

¹¹ Cancunataca ñucaca Taita Diosman cutirichun nishpallami, yacuhuan bautizacuni, ashtahuanpish ñucapac q'uipa shamucmi, Diospac Espirituhuan shinallatac ninahuan cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushutallatapish mana apaipacchu cani.

Dios Rimashcata Quillcashcami

¹¹ Ñucaca llaquirishpa, Diosman cutirichunmi, yacuhuan bautizacuni, ashtahuanpish ñucapac quipa shamucmi, Diospac Espirituhuan, ninahuan bautizanga. Paica ñucata atishpa, ashtahuan poderyucmi. Ñucaca paipac ushutallatapish mana apaipacchu cani.

SAN MATEO 3:11 Iomraidhean Croise

SAN MATEO 3:6

Paicunataca juchacunamanta llaquirishpa Taita Diosman huillacpimi, Juanca bautizac carca.

MARCOS 1:4

Chai ñaupachishpa cachashca huillacca, Bautizac Juanmi carca. Paimi shitashca pambapi gentecunata bautizacurca. Shinallatac: —Cancunaca juchayuc cashcamanta llaquirishpa, Diosman cutirichic, bautizarichic. Chashna ruhuacpimi, Taita Diosca cancunapac juchacunata perdonanga— nishpami huillacurca.

SAN LUCAS 1:17

Chashnallatac Quishpichicta ñaupashpami ringa. Ñaupa huillac Elías shina, Diospac Espirituhuan cashpami, imatapish ruhuaipaclla canga. Chashna cashpami, taitacuna huahuacunahuan p'iñanacushcatapish alli shunguta ruhuanga. Mana uyashun nic, sinchi shungu gentecunatapish alli causachun, shinallatac allita ruhuaccuna cachunmi, yuyaita cunga. Chashna ruhuacpimi, Quishpichic shamucpica, alli chasquinalla tucungacuna— nirca.

SAN LUCAS 3:16

Chashna nicucpimi, Juanca tucui chaipi caccunataca: —Ñucaca cancunataca yacullahuanmi bautizani, ashtahuanpish ñucapac q'uipa shamucmi Diospac Espirituhuanpish, shinallatac ninahuanpish cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushuta huatashcallatapish mana pascaipacmi cani.

SAN LUCAS 3:3

Chaimantami Juanca tucui Jordán yacu cuchulla llactacunapica: —Juchayuc cashcamanta llaquirishpa, Taita Diosman cutirichic, shinallatac bautizarichic. Chashna ruhuacpimi, Taita Diosca cancunapac juchacunata perdonanga— nishpami, huillashpa puricurca.

SAN JUAN 1:15

Paimantami Juanca: “ ‘Ñucapac q'uipa shamucca ñucapac ñaupa ña tiyashcamanta, ñucata atishpa yalli allica can’ nishpa huillarcani. Chai huillashcaca cai runami” nishpa sinchita rimarca.

SAN JUAN 1:30

Paitami ñucaca: ‘Ñucapac q'uipa shamucca ñucapac ñaupa ña tiyashcamanta ñucata yallimi’ nicurcani.

HECHOS 1:5

Juanca yacullahuanmi bautizarca, ashtahuanpish asha punzhacuna q'uipaca, Taita Diosca paipac Espirituhuanmi cancunataca bautizanga— nishpami mandarca.

HECHOS 19:4

Shina nicpimi, Pabloca paicunataca: —Taita Diosman cutiriccunatami Juanca: ‘Ñucapac q'uipa shamucta cringuichic’ nishpa bautizarca. Chai q'uipa shamucca Quishpichic Jesucristomi— nirca.

HECHOS 8:36

Ña yacu cuchuta ricushpami, chai runaca: —Riqui, caipica yacu tiyashcami. ¿Manachu ñucaca bautizari pudini?— nirca.

HECHOS 8:38

Chashna nishpaca, carretata chaillapi shayachishpa ishcaita uricushpami, yacuman yaicurcacuna. Chaipimi Felipeca eunuco runataca bautizarca.

1 CORINTIOS 12:13

Chashna shuclla cuerpo tucungapacmi, tucui ñucanchicca israel*f** cashpa, mana israel cashpa, amopacta ruhuac cashpa, mana amopacta ruhuac cashpapish, Taita Diospac shuclla Espirituhuan bautizarishca canchic. Shinallatac Taita Diosca chai Espiritullatatacmi yacuta ubiachic shina, ñucanchicmanca curca.

EFESIOS 3:8

Ñucami Diospaclla cac tucui criccunamantaca ashtahuan yangalla cani. Shina cacpipish Taita Dios c'uyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

TITO 3:5

ñucanchicta quishpichirca. Mana ñucanchic ima allita ruhuashcamantachu quishpichirca, ashtahuanpish ñucanchicta llaquishcallamantami quishpichirca. Taita Diosca paipac Espirituhuan tucui juchacunamanta chuyayachishpami, mushuc causaita curca.

1 PEDRO 5:5

Chai shinallatac q'uipa huiñaicunapish, pushaccuna ima nishcata cazuichic. Tucuimi mana jatun tucushpa, caishuc chaishuchuan cazunacuna canguichic. Pai quillcachishcapica Taita Diosca: “Jatun tucushcacunataca p'iñanimi. Cutin mana jatun tucushcacunataca c'uyanimi” ninmi.