SAN MATEO 28:1 - Nuevo Testamento en Quichua Cañar 1996

¹ Samana punzha*f** cayandic domingo tutamanta manarac alli achicyacpimi, Magdala pueblomanta María caishuc Mariandic, Jesusta enterrashcata ricugrircacuna.

Dios Rimashcata Quillcashcami

¹ Samana punzha cayandi domingo pacarinatami Magdala pueblomanta Mariaca caishuc Mariahuan Jesusta enterrashcata ricungapac rirca.

SAN MATEO 28:1 Iomraidhean Croise

SAN MATEO 27:56

Paicunapurapica Magdala pueblomanta Mariapish, Jacobopac, Josepac mama Mariapish, shinallatac Zebedeopac churicunapac mamapish chaipimi carca.

SAN MATEO 27:61

Chai jutcu ñaupapica Magdala pueblomanta Mariami, caishuc Mariandic saquirishpa tiyacurcacuna.

SAN LUCAS 23:56

Chai huarmicunaca ña huasiman cutimushpaca, sumac mishquilla ashnacuccunata Jesuspac cuerpopi churangapacmi allichircacuna. Samana punzha ña chayamucpica, mandashcapi nishca shinami samarircacuna.

SAN LUCAS 24:1

Semana callari domingo tutamantaca manarac alli achicyacpimi, chai huarmicunaca ñaupaman allichishca mishquilla ashnacuccunata apashpa, Jesusta maipi enterrashca sepulturaman rircacuna.

SAN LUCAS 24:22

Chashna cacpipish cunan manarac pacaricpimi, ñucanchicpuramanta maijan huarmicunaca paita maipi enterrashcapi ricumugrircacuna. Chaimanta cutimushpaca, imalla ricushcata huillashpaca, ñucanchictaca ashtahuanmi manchachircacuna.