SAN MATEO 27:42 - Nuevo Testamento en Quichua Cañar 1996

⁴² —Shuccunataca quishpichircami. Cunan paillatacca mana quishpiri pudinchu. Israelcunata Jatun Mandac cashpaca, chacatashcamanta uricui, chashna uricucta ricushpaca ñucanchicpish crinchicmanmi.

Dios Rimashcata Quillcashcami

⁴² «Shuccunataca quishpichircami. Cunan paillatacca mana quishpiri pudinchu. Israelcunata Jatun Mandac cashpaca, cruzmanta uricunmanmi. Chashna uricucpica, ñucanchicpish crinchicmanmi.

SAN MATEO 27:42 Iomraidhean Croise

SAN MATEO 2:2

Paicunaca: —¿Israelcunata*f** mandangapac huacharishca huahuaca, maipitac? Ñucanchicca inti llucshina ladopi, huahua huacharishcata ricuchic lucerotami ricushpa, alli ningapac shamunchic— nircacuna.

SAN MATEO 27:37

Jesusta chacatashca cruz jahuapica, imamanta huañuchishcata quillcashcatami churarcacuna. Chai quillcashcapica: “Caimi israelcunata Jatun Mandac Jesús” nishcami carca.

SAN MATEO 27:40

—Canca: ‘Diosman mañana huasita urmachishpapish, quimsa punzhapica cutin shayachishallami’ nircanguica. Can Diospac Churi cashpaca, ¡chacatashcamanta uricushpa, canllatac quishpiriyari!— nishpami c'amircacuna.

SAN MATEO 27:41

Shinallatac curacunata mandac curacunapish, mandashcacunata yachachiccunapish, cunac yuyaccunapish chashnallatacmi burlashpa:

MARCOS 15:31

Curacunata mandac curacunapish, mandashcacunata yachachiccunapish chashnallatacmi Jesustaca asinacushpa, paicunapura cashna nishpa parlanacurcacuna: —Paica shuccunataca quishpichircami. Cunanca paillatacca mana quishpirinata pudinchu.

MARCOS 15:32

¡Israelcunata Jatun Mandac Quishpichic Cristo cashpaca, cunanllatac chacatashcamanta uricuiyari, chashna uricucta ricushpaca, ñucanchicpish crinchicmanmi!— nircacuna. Jesushuan pacta chacatashca runacunapish, paitaca c'amishpa rimarcacunami.

SAN LUCAS 19:38

Chashna Jesusta caparicushpaca: —Taita Dios cachashca shamucuc Jatun Mandac, ¡cantaca alli nishca cachun! ¡Jahua pachapipish alli sumac cushicui cachun! ¡Taita Diostapish alli nishca cachun!— nishpami caparircacuna.

SAN LUCAS 23:35

Tucui chaipi cac gentecunami Jesustaca chaparacurcacuna. Mandaccunapish burlashpami: —Paica shuccunata quishpichic cashca jahuachu, paillatacca mana quishpirin. Taita Dios cachashca Quishpichic Cristo cashpaca, paillatac quishpirinmanmi— nircacuna.

SAN LUCAS 23:37

Chashna ruhuashpaca: —¡Canca israelcunata*f** Jatun Mandac cashpaca, canllatac quishpiriyari!— nircacuna.

SAN JUAN 1:49

Shina nicpi Natanaelca: —Yachachic, canca Diospac Churimi cangui, israelcunata Jatun Mandacpishmi cangui— nirca.

SAN JUAN 12:13

ramacunata p'itishpa tupangapac llucshircacuna. Chashna llucshishpaca: —¡Taita Diostaca alli nishca cachun! ¡Taita Dios cachashca shamuc, israelcunata*f** Jatun Mandacca tucuipac alli nishca cachun!— nishpami caparircacuna.

SAN JUAN 12:47

Maijanpish ñuca rimashcata uyashpa mana cazuctaca, mana ñucachu llaqui pachaman cachasha. Ñucaca cai pachapi causaccunataca mana llaqui pachaman cachangapac shamurcanichu, ashtahuanpish quishpichingapacmi shamurcani.

SAN JUAN 9:24

Shina nicpi, cutin chai ñahui mana ricuc cashca runata mandac israelcuna c'ayashpaca: —Diospac ñaupapi mana llullashpa huillai. Ñucanchicca chai runataca juchayuc cashcatami yachanchic— nircacuna.

HECHOS 4:14

Chai alliyashca runapish Pedrohuan, Juanhuan shayacucta ricushpami, paicunataca imata mana juchanchipac cacpi, upalla saquircacunalla.