SAN MATEO 26:41 - Nuevo Testamento en Quichua Cañar 1996

⁴¹ Imapish mana alli yuyaicuna ama japichunca, riccharishpa Taita Diosman mañacuichic. Cancunapac shungu alli yuyaita charicpipish, cancunapac cuerpoca shaicunllami— nirca.

Dios Rimashcata Quillcashcami

⁴¹ Mana pandachishca cangapacca, Diosta mañashpa chaparacuichic. Cancunapac yuyaica sinchimi, ashtahuanpish cancunapac cuerpomi shaicushca— nirca.

SAN MATEO 26:41 Iomraidhean Croise

SAN MATEO 24:42

Cancunata Mandac ima horas chayamunata mana yachashcamanta, alli yuyaihuan chaparacuichic.

SAN MATEO 25:13

Chai shinallatac Runa Tucungapac shamushca*f** ñuca ima punzha, ima horas cutimunata mana yachashcamantaca, alli yuyaihuan chaparacuichic.

SAN MATEO 26:38

Chaimantami Jesusca: —Ñuca shungupica, huañuna nanaihuan shinami munai llaquiricuni. Cancunaca ñuca shinallatac, ama suiñushpa caillapi chaparacuichic— nirca.

SAN MATEO 6:13

Ama ima millaipi urmachun saquinguichu, ashtahuanpish tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]’ nishpa mañanguichic.

MARCOS 14:38

Cancunata imapish mana allita ruhuana yuyaicuna ama japichunca, riccharishpa Taita Diosman mañacuichic. Cancunapac shungu mañana yuyaita charicpipish, cancunapac cuerpoca shaicunllami— nirca.

SAN LUCAS 11:4

Ima shinami ñucanchicta mana alli ruhuaccunata perdonanchic, shinallatac ñucanchic juchacunatapish perdonai. Ama ima millaipi urmachun saquinguichu, ashtahuanpish tucui mana allimanta huacaichingui’ nishpa mañanguichic— nirca.

SAN LUCAS 21:36

Chashna tucuna cashcamanta cancunaca allichirishca, ña rinallami cana canguichic. Chai tucui llaqui japinamanta quishpiringapacca, Runa Tucungapac shamushca ñucapac ñaupapi alli ricuringapacpish, Taita Diosman mañaracuichiclla— nirca.

SAN LUCAS 22:40

Ña chaiman chayashpaca: —Ima millai yuyaicuna ama urmachichunca, Taita Diosman mañaichic— nirca.

SAN LUCAS 22:46

Chaita ricushpaca: —¿Ima nishpatac suiñucunguichic? Ima millai yuyaicuna ama urmachichunca, jatarishpa Taita Diosman mañaichic— nirca.

SAN LUCAS 8:13

Rumi allpapi urmashca muyu shinaca, Dios rimashca shimita huillacpi cushilla chasquiccunami. Shina cashpapish mana ucuta sapiyashca shina cashpami, ashacamanlla crincuna. Llaquicuna japicpica, ña mana c'atishun nishpa saquirincunallami.

ROMANOS 8:3

Taita Diosmi paipac shuclla Churita juchayuc gentecunapac randi runa tucushpa, llaquita apashpa, juchacunamanta Diosman cushca shina huañuchun cacharca. Moisés mandashcacunata gentecunapac munaillamanta mana pactachipac cacpimi, chashnaca ruhuarca. Chai shina ruhuashpami, gentecunapi tiyac juchataca tucui chingachirca.

1 CORINTIOS 10:13

Cancunaca pi mana apaipac mana alli munaitaca mana apashcanguichicchu. Shinallatac Taita Diosca cancuna mana apaipac mana alli munaita apachunca mana saquingachu. Taita Diosca imatapish pactachic cashpami, cancuna mana alli munaita jahualla apachunca, chai munaimanta llucshina yuyaitapish cunga.

1 CORINTIOS 16:13

Riccharishca shina tucui shunguhuan crishpa, imatapish mana manchashpa, alli sinchiyashpa c'atiraichic.

1 CORINTIOS 9:27

Ashtahuanpish ñuca quiquin cuerpotami macac shina cazuchicuni. Cai shinaca shuccunaman huillashpa mishachishca jahua, ñucarac huashayashpa mana saquiringapacmi chashnaca ruhuacuni.

GÁLATAS 5:24

Shinallatac maijanpish Jesucristopac caccunaca cai pacha jucha munaicunandic, imapish yallita mana alli yuyaicunandicmi chacatashca shina causacun.

EFESIOS 6:18

Diosman mañanataca ama saquichicchu. Diospac Espíritu yuyaita cushca shina Taita Diosmanca mañaraichic. Mana q'uillanachishpa chaparacuichic. Shinallatac Diospaclla cac tucui criccunamanta punzhanta Diosman mañaichic.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Taita Diosman mañaracuichiclla.

1 PEDRO 5:8

Cancunata mana ricunachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

2 PEDRO 2:9

Chashnami Mandac Diosca paipaclla causaccunataca imapish llaquicunamanta quishpichin. Shinallatac millai gentecunataca pai taripashpa, llaquichina punzhacamanmi llaquichishpa charicun.

APOCALIPSIS 16:15

Chaipica: —Uyaichic, ñucaca cancuna mana yuyashca horaspimi shuhua shamuc shina shamusha. Maijanpish riccharishca shina, churanata churarishca chapacucmanca, ¡mai cushicuimi canga! Chashna churarishca mana lluchulla cashpami, mana pinganachinga— nishcatami uyarcani.

APOCALIPSIS 3:10

Cancuna ñuca mandashcacunata pactachinataca ‘saquishallami’ ninataca mana nishcanguichicchu. Chaimantami shamuc punzhapi cai pachapi causaccuna ima shina cashcata ricungapac llaquicuna shamucpi, cancunatapish huacaichisha.