SAN MATEO 26:18 - Nuevo Testamento en Quichua Cañar 1996

¹⁸ Chashna tapucpi Jesusca: —Puebloman rishpa, shuc runapac huasiman chayashpa cashna nigrichic: ‘Ñucanchicta yachachicca: “Ñucata japichina pachami chayamucun. Chaimanta cambac huasiman rishpa, ñuca yachacuccunahuan pascuata yuyarishpa micugrini” ninmi’ nigrichic— nirca.

Dios Rimashcata Quillcashcami

¹⁸ Chashna nicpimi Jesusca: —Puebloman rishpa, shuc runahuan tupashpaca: “Ñucanchic yachachicca: ‘Ñucata japichina pachami chayamucun. Cambac huasipimi ñuca yachacuccunahuan Pascuata yuyarishpa micugrini’ ninmi” nigrichic— nirca.

SAN MATEO 26:18 Iomraidhean Croise

SAN MATEO 21:3

Cancuna cacharicucpi maijan ‘¿imapactac apacunguichic?’ nicpica: ‘Apunchic Jesusmi apamuchun cachan. Chaimantami apacunchic. Ñallami saquic shamushun’ ninguichic— nishpami cacharca.

SAN MATEO 23:10

Shinallatac cancunata yachachicca, Quishpichic Cristomi. Chaimanta cancunata ‘yachachic’ nishpa c'ayachunca, mana munanachu canguichic.

SAN MATEO 23:8

Ashtahuanpish cancunaca, shuclla Yachachictami charinguichic. Shinallatac huauquindiccunapura shinami canguichic. Chaimanta gentecuna ‘yachachic’ nishpa c'ayachunca, mana munanachu canguichic.

SAN MATEO 26:19

Shinami yachacuccunaca Jesús mandashca shinallatac ruhuashpa, pascuata yuyarina micunataca allichircacuna.

SAN MATEO 26:2

—Caimanta ishcai punzha q'uipaca, pascua*f** punzha chayamugricushcataca cancunallatac yachanguichicmi. Chai punzhapimi, Runa Tucungapac shamushca*f** ñucataca, cruzpi chacatachun japichingacuna— nirca.

SAN MATEO 26:49

Jesuspacman Judas cuchuyashpaca: —Yachachic, ¿allillachu cangui?— nishpami, chayashcahuan Jesusta mucharca.

MARCOS 5:35

Jesús shina nicucllapitacmi, mandac Jairopac huasimanta shuc runacuna shamushpa Jairotaca: —Yachachictaca, ¿imapactac yanga p'iñachicungui? Cambac ushica ñami huañun— nishpa huillarcacuna.

SAN LUCAS 22:53

Punzhantami Diosman mañana huasipi cancunahuanca carcani. Chashna cacpipish cancunaca mana japircanguichicchu. Cunanca ñucata japina horas chayamucpimi, amsapi mandacuc supai yuyaita cushcamanta ñucataca japinguichic— nirca.

SAN JUAN 11:28

Chaita nishca q'uipami, Martaca paipac ñañan Mariapacman rishpaca: —Yachachicca caipimi. Cantaca c'ayacunmi— nishpa, pacalla huillagrirca.

SAN JUAN 12:23

Shina huillacpimi, Jesusca cashna nirca: —Runa Tucungapac shamushca*f** ñucata sumacyachina punzhaca ña chayamushcami.

SAN JUAN 13:1

Pascua*f** punzhapac shuc punzha tiyacpiracmi, Jesusca cai pachata saquishpa paipac Taitahuan tandarigrina cashcataca yacharca. Cai pachapica paita c'aticcunataca yallitami Jesusca c'uyarca. Shina cashpami, tucuringacaman ima shina c'uyac cashcataca ricuchisha nirca.

SAN JUAN 17:1

Chaicunata nishca q'uipaca jahua pachata huichailla ricushpami, Jesusca cashna nirca: —Ñuca Taitalla, ñucata japichina pachaca ñami chayamushca. Chaimanta cambac Churipish canta sumacyachichunca, cambac Churitapish sumacyachiyari.

SAN JUAN 20:16

Chashna nicpi Jesusca: —¡María!— nirca. Shina nicpi pai tigrarishpaca, hebreo*f** rimaipimi: “¡Raboni!” nirca. “Raboni” nishpaca, “yachachic” nisha ninmi.

SAN JUAN 7:30

Jesusta manarac prezuna pacha chayamushcamantami, prezushun nicushpapish paitaca pi mana japirircacuna.

SAN JUAN 7:6

—Ñuca caimanta rina pachaca manarac pactanchu. Cancunapac rinami ima pachapish rinalla.

SAN JUAN 7:8

Chai fiestamanca richiclla. Ñuca rina pacha manarac chayamushcamantami, ñucaca mana rini— nirca.